Salonqa Milli Parkı

Salonqa Milli Parkı — Konqo Demokratik Respublikasında yerləşən milli park. UNESCO-nun Ümumdünya irsi siyahısına daxil edilmişdir.

Salonqa Milli Parkı
Sahəsi	3.600.000 ha 36.000 km²
Yaradılma tarixi	1970
Yerləşməsi
2° c. e. 21° ş. u.
Ölkə	Konqo Demokratik Respublikası
salonga.org/fr/
Salonqa Milli Parkı
UNESCO Ümumdünya İrsi
Rəsmi adı	Salonga National Park
Tipi	Təbii
Kriteriya	(vii), (ix)
Tarixi	1984 (8-ci sessiya)
İstinad nöm.	718
Ölkə	KDR
Region	Afrika
Vikianbarda əlaqəli mediafayllar

Haqqında

Konqo çayının əsas qolu üzərində yerləşən park çox təcrid olunmuş və kimsəsiz yerdədir və ancaq çay yoluyla ora getmək olar. Tamamilə tək olan parka demək olar ki, insan girməmişdir. 3,656,000 hektar sahəni əhatə edir. Salonqa Milli Parkı Afrikanın ən böyük yağış meşələrindən ibarət olub, çox nadir endemik heyvan növlərinə ev sahibliyi edir. Bu heyvanların arasında (bonobo) cücə şimpanzeləri, Konqo tovuz quşlarını, meşə fillərini və Afrika timsahlarını saya bilərik.

Milli Parkın əhatə etdiyi sahədə bir çox çay və qolları kəsişir və çay terrasları və platoları əmələ gətirir. Cücə şimpanzelər yalnız buradakı vəhşi təbiətdə yaşayırlar. Bu şimpanzelər məşhur olan digər şimpanzelərdən yalnız 0.4% gen fərqinə malikdir. Konqo çayının təbii quruluşunun bu xüsusi şimpanzelərin bu bölgədə yaşamasına əlverişli olduğu düşünülür. Bu şimpanzelər yaxşı üzgüçü deyillər. Bu gün bu şimpanzelərin sayı 29.500-50.000-dir.

Salonqa Milli Park Təhlükədəki Dünya irsləri Siyahısına 1999-ci ildə Konqo Demokratik Respublikasındakı qeyri-sabit siyasət və qaçaq ovçuluq səbəbindən girmişdir.