Samanta Eqqar

Samanta Eqqar və ya Viktoriya Luiza Samanta Mariya Elizabet Tereza Eqqar (ing. Samantha Eggar və ya ing. Victoria Louise Samantha Marie Elizabeth Therese Eggar) — Böyük Britaniya aktrisası.

SAMANTA EQQAR
ing. Samantha Eggar
Digər adı	Viktoriya Luiza Samanta Mariya Elizabet Tereza Eqqar
Doğum tarixi	5 mart 1939
Doğum yeri	Hampsted, London, Birləşmiş Krallıq
Vətəndaşlığı	Birləşmiş Krallıq
Fəaliyyəti	aktrisa
Fəaliyyət illəri	1960-bu günə qədər
Mükafatları
IMDb	ID0002058
samanthaeggar.net
Vikianbarda əlaqəli mediafayllar

Həyatı

Samanta Eqqar Londonun şimalında yerləşən Hampsted rayonunda anadan olmuşdur. Onun atası Britaniya briqada generalı Ralf Eqqar, anası isə Müriel idi. Onun uşaqlığı Bakinqemşir qraflığında keçmişdir. 5 yaşında o, qadın monastırına getmiş və 17 yaşına qədər orada qalmışdır. Səhnəyə məhəbbət isə məktəb pyeslərindən və konsertlərindən sonra başlamışdı.

Samantanın anası qızının Kral İncəsənət Akademiyasında təhsil almasının əleyhinə idi, lakin onun rəssamlıq məktəbini, sonra isə Londonda Vebber Duqlasın Dram İncəsənət məktəbini bitirməsinə razılıq verdi. Onun ilk pyesi Şekspirin "Yay gecəsində yuxu" əsəri oldu.

1961-ci ildə London Kral Teatrında Samantanı kino prodüseri görür və onu "Vəhşilər və susuzlar" filminə dəvət edir.

Samanta Eqqarın 1965-ci ildə Miranda Qrey rolunda çəkildiyi "Kolleksiyaçı" filmi ona şöhrət qazandırır. O, hətta bir neçə nüfuzlu kino mükafatlarına namizəd olur. 60-cı illərdə Samanta Keri Qrantla "Get, amma qaçma" komediyasında və Reks Harrisonla "Həkim Dullitl" filmlərində çəkilmişdir. 1970-ci ildə "Molli Maquayres" filmində onunla birlikdə Şon Konneri və Riçard Harris də çəkilmişdir. 1972-ci ildə aktrisa CBS kanalının çəkdiyi "Anna və kral" teleserialında əsas qadın qəhrəmanını oynadı. Kral rolunu isə aktyor Yul Brinner ifa edirdi.

Samanta Eqqar qonaq aktrisa olaraq "Santa-Barbara", "Ulduz yolu: Yeni nəsil", "Qətli o yazdı", "Kolombo", "Otel", "Sevgi gəmisi" kimi teleseriallara dəvət olunmuşdur. 2005-2006-cı illərdə o, "Baş komandan" teleserialında ikinci dərəcəli rollardan birinə çəkilmişdir.

Şəxsi həyatı

Samanta 1964-cü ildə Amerika aktyoru Tom Sternlə ailə qurmuşdur. Onların qızı Cenna aktrisa, oğlu Nikolas isə kinoprodüserdir. Bu cütlük 1971-ci ildə boşanmışdır.

Filmoqrafiya

1. Kolleksiyaçı (film, 1965) / The Collector

Xarici keçidlər

• Samanta Eqqar — IMDb səhifəsi