Samirə Mir-Bağırzadə

Samirə Mir-Bağırzadə — kulturoloq, Filologiya üzrə fəlsəfə doktoru[1]

Samirə Mir-Bağırzadə
Samirə Altay qızı Mir-Bağırzadə
Samirə Mir-Bağırzadə.jpg
Doğum tarixi (54 yaş)
Doğum yeri Bakı, Azərbaycan SSR
Vətəndaşlığı Azərbaycan Azərbaycan
Milliyyəti azərbaycanlı
Elm sahəsi Kulturologiya
Elmi dərəcəsi Filologiya üzrə fəlsəfə doktoru
Elmi adı aparıcı elmi işçi
İş yeri AMEA Memarlıq və İncəsənət İnstitutu
Təhsili M.F.Axundov adına Azərbaycan Pedaqoji Rus Dili və Ədəbiyyatı İnstitutu (indiki Bakı Slavyan Universiteti)
Üzvlüyü

Həyatı və fəaliyyətiRedaktə

Samirə Altay qızı Mir-Bağırzadə 20 iyul 1966-cı ildə Bakı şəhərində anadan olmuşdur. Memar Altay Mir-Bağırovun qızıdır. O, 1981-1985-ci illərdə təhsil aldığı Bakı Məktəbəqədər Pedaqoji Məktəbinin Musiqi şöbəsini fərqlənmə diplomu tamamlamışdır. Samirə Mir-Bağırzadə 1986-1992-ci illərdə M.F.Axundov adına Azərbaycan Pedaqoji Rus Dili və Ədəbiyyatı İnstitutunun (indiki Bakı Slavyan Universiteti) Rus dili və ədəbiyyatı fakultəsini fərqlənmə diplomu ilə bitirərək, 1993-1997-ci illərdə AMEA-nın Nizami adına Ədəbiyyat İnstitutunun aspiranturasında oxumuş, namizədlik dissertasiyasını müdafiə edərək filologiya elmləri namizədi alimlik dərəcəsini almışdır. 2011-ci ildə Dinşünaslığın və mədəniyyətin fəlsəfəsi ixtisası üzrə ona dosent adı verilmişdir.

Samirə Mir-Bağırzadə 1998-ci ildən Azərbaycan Yazıçılar Birliyinin üzvüdür.

Samirə Mir-Bağırzadə 1985-1990-cu illərdə 24 saylı orta ixtisas məktəbində musiqi müəllimi, 1990-1993-cü illərdə 227 saylı məktəbdə rus dili müəllimi işləmişdir. 1993-2001-ci illərdə Bül-Bül adına Orta ixtisas musiqi məktəbində estetika, etika, mədəniyyət tarixi, rus dili müəllimi kimi çalışmışdır. Samirə Mir-Bağırzadə 2000-2002-ci illərdə Azərbaycan Dövlət Rəssamlıq Akademiyasıda rus dili, mədəniyyət tarixi müəllimi, 2001-2006-cı illərdə Bakı Slavyan Universitetində rus dili, müəllimi 2008-2012-ci illərdə Azərbaycan Milli Konservatoriyasında incəsənət tarixi müəllimi işləmişdir. 2006-cı ildən 2017-ci ilə qədər AMEA-nın Fəlsəfə və Hüquq İnstitutunun Dinşünaslıq və mədəniyyətin fəlsəfi problemləri şöbəsində aparıcı elmi işçi vəzifəsində işləmişdir [2] Samirə Mir-Bağırzadə 03 aprel 2017-ci ildən AMEA-nın Memarlıq və İncəsənət İnstitutunun "Kulturologiya və incəsənətin nəzəriyyəsi" şöbəsində aparıcı elmi işçi, kulturologiya ixtisası üzrə dosent vəzifəsində çalışır Samirə Mir-Bağırzadə 10 kitabın, 90 məqalənin müəllifidir.

Memar Altay Mir-Bağırovun qızıdır.

Əsas elmi əsərləriRedaktə

  • 1. Azərbaycan ədəbiyyatında detektiv janrı dünya ədəbiyyatının kontekstində. Bakı, BSU, 2002. 156 s. (1.WWW.ANL.AZ., 2.WWW LIB.RU.)
  • 2. Rus dili (Dərslik. Beynalxaiq münasibətlər fakültəsi üçün). Bakı, Nurlan, 2006. 516 s. (WWW.ANL.AZ.)
  • 3. Qurani Kərim və incəsənət. Bakı,Təknur, 2008. 124 s.
  • 4. İslam sivilizasiyasının mədəniyyəti. Bakı, Elm, 2011. 250 s.
  • 5. İncəsənət tarixi (Dərslik). Bakı, MSA, 2012. 115 s.
  • 6. Mir-Bagırzadə S. və b. Davamlı inkişaf mədəniyyəti: ideyadan gerçəkliyə doğru, Elmi kitab, Bakı,-Elm,2013,-348 s.
  • 7. Mir-Bağırzadə S. və b. Şərq və Qərb kontekstində müasir Azərbaycan və multikulturalizm. Elmi kitab, Bakı: Azərbaycan Respublikasının Prezidenti yanında Elmin İnkişafı Fondu, 2018, 168 s.
  • 8. Azərbaycan mədəniyyətinin nəzəriyyəsi və tarixinin oçerkləri. Monoqrafiya. Bakı, 2019, 272 s.
  • 9. Kulturologiya: Dünya mədəniyyətinin tarixi və nəzəriyyəsi. Dərs vəsaiti, Bakı, 2020, 72 s.
  • 10. Psixologiya. Kulturologiya və incəsənət fakültələrin tələbələri üçün dərslik, Bakı, 2020, 70 s.

İstinadlarRedaktə

  1. phillaw-az.org saytı
  2. http://www.science.gov.az/az/philosophy/philosophy_11.htm

Xarici keçidlərRedaktə