Samir Piriyev

Azərbaycanlı Musiqiçi

Samir Piriyev (24 yanvar 1981, Tərtər) — Azərbaycanlı müğənni.

Samir Piriyev
azərb. Samir Sabir oğlu Piriyev
SamirPiriyev.jpg
Sənətçi məlumatları
Doğum tarixi 24 yanvar 1981(1981-01-24) (39 yaş)
Doğum yeri Tərtər, Azərbaycan
Vətəndaşlığı Azərbaycan Azərbaycan
Mənşə Azərbaycanlı
Peşələri Müğənni, cüdoçu
Uşaqları Aişə, Fərəh və Nicat.
Partnyorları Aygün Kazımova, Gülay Zeynallı, İradə İbrahimova, Lalə Məmmədova
Atası Sabir Piriyev

Üslub Estrada, muğam, klassik, folklor
Musiqi aləti vokal , piano
Fəaliyyət illəri 1994 - hal-hazırda
Albom şirkətləri ERA group (Moskva), Esen müzik (Türkiyə)
youtube.com/c/SamirPiriy…

HəyatıRedaktə

Samir Piriyev 1981-ci ildə Tərtərdə anadan olub. Nizami rayonu 272 saylı orta məktəbdə 1-ci sinifdən 5-ci sinfə qədər oxuyub. 5-ci sinifdən təhsilini Bülbül adına orta ixtisas musiqi məktəbində respublikanın xalq artisti, şöhrət ordenli muğam ifaçısı Əlibaba Məmmədovun sinfində davam etdirib.

1993-cü ildə Azərbaycan televiziyasında keçirilən 7/17 musiqi telemüsabiqəsində laureat olub. 1994-cü ildə müğənni Lalə Məmmədova ilə Bəstəkar Vaqif Gərayzadənin “axtara axtara” adlı mahnısını duet oxuyub və ilk klipini çəkdirib. Bu duet ilə Rusiyanın Orenburq şəhərində MDB ölkələri arasında keçirilən uşaq musiqi festivalının laureatı olub. 1997-ci ildə Azərbaycan televiziyasında keçirilən “Qızıl açar” musiqi telemüsabiqəsində laureat olub. 1995-ci ildən 1999-cu ilə qədər yeniyetmələr arasında cüdo idman növü ilə professional məşğul olub. 1997-ci ildən 1999-cu ilə qədər bəstəkar,professor,musiqiçi, Rafiq Babayev adına orkestrın rəhbəri Səyavuş Kərimi ilə çalışıb. 1999-cu ilin aprel ayında hərbi xidmətə gedib. 2000-ci ilin noyabr ayında təxris olunub. 2001-ci ildə bəstəkar Nadir Əzimovun “Səni aradım” adlı mahnısına klip çəkdirib. 2004-cü ildən 2006-cı ilə qədər bəstəkar Vaqif Gərayzadənin “Aypara” qrupunda fəaliyyət göstərib.

2006-cı ildə “Aypara” qrupundan ayrılıb, solo karyerasına musiqisi bəstəkar İmruzə Hüseynova, sözləri isə Asifə aid olan “Yuxu” mahnısı ilə başlayır. Bu mahnı ilə çox sevilir və tanınmağa başlayır. “Yuxu” mahnısı Samir Piriyevin vizit kartına çevrilir. 2006-cı ildən prodüser, xalq artisti Murad Dadaşovun yaratdığı “M-Group”la 2008-ci ilə qədər solo karyerasında fəaliyyətinə davam edib. 2007-ci ildə Moskvada ERA group tərəfindən Xalq şairi Ənvər Əlibəylinin sözlərinə bəstələnmiş mahnılardan ibarət “Sevgilim” adlı ilk albomunu buraxır. 2008-ci ildən 2009-cu ilədək Atv kanalında yayımlanan “Xeyir ola” verilişində Xalq artisti, pop ulduzu Aygün Kazımova ilə birgə verilişin musiqili bölümünü aparıb.

2009-cu ildə Türkiyənin dövlət kanalı olan TRT-nin təşkil etdiyi “Sən türkülərini söylə” festivalında 175 ifaçı arasında finala qədər gəlmişdir. 2010-cu ildə Türkiyənin məşhur Esen Müzik şirkətinin təklifi ilə “Affet kururum” adlı ikinci albomunu buraxır. Bu albomda türkiyənin dev sənətçiləri, ən güclü səsləri olan Zerrin ÖzərNuray Hafiftaşla dueti yer alır. O cümlədən türkiyənin məşhur bəstəkar müğənniləri Fatih Kisaparmak, Erhan Güleryüzİzzet Altınmeşenin bəstələrini rəsmi icazələri ilə alboma daxil edib. 2010-cu ildə “Affet kururum” adlı albomunda yer alan “Uyan bebeyim” adlı mahnıya, Türkiyənin məşhur klipmeykeri Kemal Başbuğ tərəfindən kinolentə klip çəkilir. Bu klip türkiyənin ən reytinqli kanallarında uzun müddət yayımlanır. Türkiyədə ilk dəfə klip çəkdirib, türk kanallarında klipi yayımlanan ilk azərbaycanlı kişi sənətçisi olur. Həmin il türkiyənin məşhur klip kanalı olan KRAL TV-nin təşkil etdiyi “KRAL ÖDÜLLƏRİ” nə dəvət olunub. 2010-cu ildən 2011-ci ilə qədər TRT kanalı ilə əməkdaşlıq edib.

2013-cü ildə özünü aparıcı şoumen kimi də sınayır. Atv kanalında şəxsi layihəsi olan “Necə varsa” adlı talkshow təqdim edir. 2013-cü ildən 2019-cu ilə qədər bir çox xitlər ifa edir, kliplər çəkdirir. 2019-cu ildən indiyənədək MƏRKƏZPRO productionun təsisçisi Nicat Məlikov ilə çalışır. Musiqiləri Nicat Məlikova aid biri birindən sevilən xitlər ifa edir. Görünüşündə və musiqi tərzində dəyişiklik edir. MƏRKƏZPRO ilə ilk olaraq “Po lyubvi” adlı mahnıya klip çəkdirir. Mövzusu ilə seçilən maraqlı klipə xalq artisti, rus dram teatrının aktrisası, Xalq rəssamı Ağəli İbrahimovun qızı Naina İbrahimova ilə çəkilir. Klipdə bir çox ölkələrdən aktyorlar iştirak edib. Klipin rejissoru Nicat Məlikovdur.

MƏRKƏZPRO ilə fəaliyyətinin ikinci xiti isə Samir Piriyevin ikinci vizit kartı hesab olunan “Səma Dəniz Birdə Mən (SDBM)” mahnısı olur. ”SDBM” mahnısının qısa adı və maraqlı klipi də çox bəyənilir və xoş təəccüb yaradır. Həmin ildə yenə də musiqisi və sözləri Nicat Məlikova məxsus “Oxudum” mahnısına klip çəkdirir. 2020-ci ilin yanvarında isə daha bir möhtəşəm “İNAN” adlı mahnısını və klipini təqdim edir. Mahnı aranjemanı və səsləndirilməsi ilə 3 fərqli janrın – pop, rok və folk elementlərini özündə birləşdirir. Samir Piriyev professional müğənni kimi hər 3 janrı öz ifasında mükəmməl nümayiş etdirir. Klipin çəkilişləri üçün Bakıdan Bodruma qədər 2652 km yol avtomobillə qət edilib. 3 ölkədə, 10 bölgədə, 10 gün çəkiliş aparılıb. Klipin həm rejissoru, həm də operatoru isə Nicat Məlikovdur.

Müğənni ailəlidir. Üç övladı, Aişə və Fərəh adlı qızı, Nicat adlı oğlu var.

İstinadlarRedaktə