Sanduqo

Sanduqo (isp. Sandugo) — 1565-ci il martın 16-da ispan konkistadorlarla Flippinin Bohol adasının yerli xalqı arasında Sanduqo adlı mərasim təşkil olunmuşdur. Sanduqo yerli bisay dilində tək qan deməkdir. Mərasim zamanı ispanların komandanı Migel Leqaspi ilə yerli tayfa başçısı Datu Sikatuna şərabla dolu eyni qaba öz qanlarını axıdaraq, birlikdə içmişlər. Qanlı müqavilə kimi xatırlanan bu mərasim hər iki tərəf üçün xüsusi önəm daşıyırdı. İspanlar Sanduqo sayəsində özlərinə nüfuz qazanıb, oralarda möhkəmlənmişdilər. Leqaspiyə lazım idi ki, yerli xalq onun dənizçilərinin portuqal yox, ispan olduğunu anlasın. Çünki belə olmasa idi, 40 il öncə buralarda qətlə yetirilmiş Fernando Magellanın və ekspedisiyasının aqibətini yaşayacaqdılar. Yerlilər isə güclü düşmən hücumundansa, sazişi üstün tutmuşdu. Sanduqo flippinlilərlə ispanlar arasında imzalanmış çoxsaylı dostluq müqavilələrinin birincisidir. Məhz bu əhəmiyyətinə görə flippinlilər həmin tarixi milli tarixlərinin başlanğıcı sayır. Bohol adasının iki əyalətinin rəsmi bayraqlarında da Sanduqo təsviri verilmişdir. Flippində hər ilin iyul ayında Sanduqo şərəfinə rəqslərlə müşayiət olunan şənliklər təşkil olunur.

Ədəbiyyat

• Agoncillo, Teodoro A. History of the Filipino People. GAROTECH Publishing, 1990 (8th Edition).
• Arcila, José S. Rizal and the Emergence of the Philippine Nation. 2001 revised edition.
• Constantino, Renato. The Philippines: A Past Revisited. Tala Publishing Series, 1975.
• Corpuz, Onofre D. The Roots of the Filipino Nation. 1989.
• Scott, William Henry. Barangay: Sixteenth-Century Philippine Culture and Society. AdMU: 1994.
• Zaide, Gregorio F. Great Filipinos in History: An Epic of Filipino Greatness in War and Peace. Verde Bookstore, 1970.
• Zaide, Gregorio. Dagohoy: Champion of Philippine Freedom. Manila: Enriquez, Alduan and Co., 1941.