Sayram

Sayram (qaz. Сайрам) — Qazaxıstanda tarixi kənd.

Sayram
42°18′07″ şm. e. 69°46′13″ ş. u.
Ölkə	Qazaxıstan
Tarixi və coğrafiyası
İlk məlumat	629
Sahəsi	4,2 mil²
Mərkəzin hündürlüyü	600 ± 1 m
Rəqəmsal identifikatorlar
Poçt indeksi	160812
Sayram
Vikianbarda əlaqəli mediafayllar

Ümumi məlumat

Çimkəndin 10 km şəeqində, Sayramsu çayının sahilində yerləşir.

Əhalisi 40 mindən çoxdur. Əhalinin 95 faizini özbəklər təşkil edirlər.. Eləcə də qazaxlar və başqa millətin nümayəndələri yaşayırlar.

Sayram və Əhməd Yəsəvi

Əhməd Yəsəvi Qərbi Türküstanın Çimkənd şəhəri yaxınlığındakı Sayram qəsəbəsində dünyaya gəlmişdir.

Orta Asiya türkləri arasında İslamı yayan, Anadolunun türkləşməsində və müsəlmanlaşmasında böyük rolu olan Əhməd Yəsəvinin doğum tarixi dəqiq bilinmir.

Əhməd bin İbrahim bin İlyas Yəsəvi — Pir Sultan, Xoca Əhməd, Kul Xacə Əhməd kimi də tanınmışdır. O, ilk təlim və tərbiyəsini Yəsi şəhərində almış və bu şəhərin adını özünə təxəllüs götürmüşdür.

Kiçik yaşlarında anasını itirən Əhməd ilk dərslərini Sayramın ən məşhur vəlilərindən olan atası Şeyx İbrahimdən almışdır. Amma o 7 yaşında ikən atası da vəfat etmişdir. Atası öləndən sonra əvvələcə Yəsidə Arslan Babadan dərs alan Əhməd, qısa zaman içində təhsildə böyük uğurlar qazanmışdır. Arslan Baba dünyasını dəyişəndən sonra o, Buxaraya yollanmış və burada böyük övliya Yusif Həmədaninin şagirdi olmuşdur. Həmədanidən icazət və xilafət alan Əhməd Yəsəvi müəlliminin vəfatından sonra bir müddət Buxarada qalıb burada şagird yetişdirmişdir.

Əhməd Yəsəvinin əsas əsəri sayılan "Divani-hikmət" əslində müəllifdən əsrlərcə sonra Yəsəvi dərvişləri tərəfindən tərtib edilmişdir. Bu səbəbdən ərin mətninin dili XI əsrin deyil, daha sonrakı yüzilliklərin dil xüsusiyyətlərinə malikdir. "Divani-hikmət" qafiyə sistemi və vəzn baxımından qoşmalara bənzəyən dördlüklərdən və əruz vəznində yazılmış qəzəllərdən ibarətdir.

Qalereya

• 
  Sayramın əsas məscidi
• 
• 
• 
  Придорожная надпись в Сайраме (на узбекском) "Здесь на этом ханском мосту Арыстан баб передал святому тюркского народа Хазрет Султану аманат пророка на хранение"

Xarici keçidlər

• sayram.kz Arxivləşdirilib 2013-04-11 at the Wayback Machine