Sean Boswell

Sean Boswell, Forsajdakı uydurma bir personajdır. Lucas Black tərəfindən ifa edilmişdir. Sean ilk dəfə Forsaj 3: Tokio Drifti filmində görülmüşdür. Bu filmdə baş rolda oynamışdır.

Sean ABŞ-da anası ilə birlikdə yaşayan 17 yaşlı lisey şagirdidir. Küçə yarışları etdiyinə görə Sean daim polis tərəfindən nəzarətdə saxlanılır və anası xanım Boswell ilə birlikdə daima bir yerdən digər yerə köçmək məcburiyyətində qalırdılar. Nəhayət, anası Seanı atasının yaşadığı Tokioya göndərməyə qərar verir. Burada məskunlaşan Sean, məktəbə başlayır və burada da, küçə yarışlarında iştirak edir. Məktəbdə gördüyü özü kimi bir Qaijiniyə (Qaijini -Yaponlar gəlmələri belə adlandırırlar) aşiq olan Sean, buna görə Tokiodakı Yakuza liderinin qardaşı oğlu Takaşinin düşməninə çevrilir. Takaşinin ən yaxşı dostu Han Lue Seanla dost olur, ona necə drift etməyi öyrədir, həmçinin ona müəllimlik edir. Sean daha sonra, atasının evini tərk edərək Han Luenin qarajına sığınır. Takaşinin Han Luenin qarajına basqın etməsindən sonra, küçə təqibi başlayır və bu təqibdə Han Lue ölür. Hanın ölümündən sonra Sean, Takaşının əmisi Kamataya Hanın oğurladığı pulu gətirir və Takaşi ilə yarışmaq üçün icazə istəyir. Kamat icazə verir və Sean Takaşini məğlub edərək azadlığına qovuşur. Daha sonra, sevgilisi Neela və dostları ilə küçə yarışlarında olarkən, Dominik Toretto Sean ilə yarışmaq istədiyini bildirir və yarış başlayanda film bitir. Sonuncu dəfə Forsaj 7 filmində qısa bir müddətdə görünmüşdür.