Sennaxerib

Sennaxerib (təq. e.ə. 745, Nimrud, Yeni Assuriya imperiyası – 20 oktyabr e.ə. 681, Nineviya, Yeni Assuriya imperiyası) — Assuriya hökmdarı

Sennaxerib
Doğum tarixi	təq. e.ə. 745
Doğum yeri	Nimrud, Yeni Assuriya imperiyası
Vəfat tarixi	20 oktyabr e.ə. 681
Vəfat yeri	Nineviya, Yeni Assuriya imperiyası
Vəfat səbəbi	bıçaq xəsarəti[d]
Uşaqları	Asarhaddon
Atası	II Sarqon
Fəaliyyəti	suveren[d]
Vikianbarda əlaqəli mediafayllar

Babilistanı yerlə yeksan edir

O,e.ə 702-ci ildə Babil şəhərini tutdu. Babilistan taxtına isə Belibnini əyləşdirdi.Lakin e.ə 700-cü ildə Mardukaplaiddin Elam dövlətinə arxalanaraq yenidən hərbi əməliyyata hazırlaşdı.Sennaxerib ona qarşı böyük hərbi dəstə çıxartdı.Mardukaplaiddin döyüşə girməkdən çəkindi və Elamın cənubundakı bataqlıq vilayətinə qaçdı.E.ə 691-ci ildə digər Xald tayfa başçısı Muzeşib-Marduk Assuriyaya qarşı üsyan qaldırdı. Bu dəfə Babilistanın müttəfiqi Elam,o cümlədən Zaqros dağlarında yaşayan tayfalar idi.Babil və Elam birgə qoşununa Elam hökmdarı Humbannimena başçılıq edirdi. Halul(Dəclə çayının üzərində) adlanan yerdə baş vermiş döyüş bərabərə bitdi.Hər iki tərəfdən xeyli itkilər oldu. Assurilər geri qayıtdılar,rəqiblər isə onları izləməyə qadir deyildilər. E.ə 690-cı ildə Elam hökmdarını iflic vurdu.Bunu eşidən Sennaxerib Babil şəhərini mühasirəyə aldı.Şəhərdə aclıq başladı.Ərzaqın qiyməti 75 dəfə artdı.Adamlar acından qırıldılar.E.ə 689-cu ildə dünyanın mədəniyyət mərkəzi olan Babil şəhəri təslim oldu.Muzeşib-Marduk əsir düşdü.Sennaxerib şəhər əhalisinə divan tutdu,şəhəri yerlə yeksan etdi.Dağıntı o qədər böyük idi ki, bütün dünyanı sarsıtmışdı.Bundan sonra Babil təxminən yarım əsr (E.ə 689-626) Aşşurun hakimiyyəti altında qaldı.