Sepultura

Sepultura — 1984-ci ildə Braziliyada qurulan Thrash Metal qrupu.

Sepultura
Sepultura 2015-ci il
Əsas məlumatlar
Üslub	Black metal (əvvəl), thrash metal, groove metal, death metal
Fəaliyyət illəri	1984—h.h.
Ölkə	Braziliya
Şəhər	Belo Horizonte
Dil	Portuqal dili
Leybl	Cogumelo Records, New Renaissance, Roadrunner, SPV
Heyət	Paulo Jr. Andreas Kisser Derrick Green Eloy Casagrande
Keçmiş üzvlər	Wagner Lamounier Jairo Guedes Max Cavalera Igor Cavalera Jean Dolabella
Əlaqəli layihələr	Soulfly, Cavalera Conspiracy
Official webbplats
Vikianbarda əlaqəli mediafayllar

Yaranışı və haqqında

Sepultura 1984-cü ildə Braziliyada, Belo Horizonte şəhərində yaradılmışdır. Qrupun ilk heyətinə Cavalera qardaşları, Max Cavalera (vokal, gitara), Igor Cavalera (drum), Paulo Xisto Pinto Junior (bass gitara) və Jairo Guedz (gitara) daxil idilər. Qardaşlar qrupu yaratmaq fikrinə atalarının ürək tutmasından ölümünün nəticəsində düşdülər. Ailə başçısını itirən ailə çətin maddi vəziyyətə düşmüşdü. Əvvəlcə qardaşlara Van Halen, Iron Maiden, Motörhead, AC/DC, Judas Priest və Ozzy Osbourne kimi qruplara qulaq asırdılar. Sonradan Proto Black Metal (Black Metal-ın ilk dalğası) olan Venom-a qulaq asdıqdan sonra daha ağır janrları dinləməyə başladılar. Bir neçə ay fəaliyyətdən sonra qrup Cogumelo Records label-ı ilə müqavilə bağlayır. Qrupun ilk albomu 1986-cı ildə Amerikada, New Renaissance Records label-ında buraxılan "Morbid Visions" olur (ona qədər buraxılmış olan mini albom olan Bastial Devastation-u saymasaq). Albom maraqlı gitara riffləri ilə dolu olur və nəticədə bu rifflər Sepultura-nın musiqi stilində fərqliliyi üzə çıxaran olur. Bu anda Guedz qrupu tərk edir və onun əvəzinə qrupa Andreas Kisser dəvət olunur. 2-ci albom - Schizophrenia buraxıldıqdan sonra qrup Roadrunner Records-la müqavilə bağlayır. Bu label-la ilk iri albom 1989-cu ildə buraxılmış Beneath the Remains olur. Qrup albomu buraxdıqdan sonra turneyə çıxır. 1991-ci ilin yanvarında turne Braziliyada keçirilən bir neçə konsertlə sona çatır. Bu konsertlərin arasında Rock in Rio şousu da var idi. Həmin konsertdə Sepultura Guns'N'Roses, Megadeth, Metallica və Motörhead kimi qruplarla birlikdə çıxış edir. Tezliklə Max Cavalera Sepultura-nın meneceri, özündən 16 yaş böyük olan Gloria Bujnowski ilə ailə qurur. 1994-cü ildə Max Cavalera Fudge Tunnel qrupundan Alex Newport-la birlik Sepultura-dan əlavə "side project" kimi Nailbomb qrupunu yaradır və "Point Blank" albomunu buraxır. Nailbomb-un fəaliyyəti çox çəkmir, amma Sepultura fanatları arasında yaddaqalan olur. 1996-cı ildə Roots albomu buraxılır. Qrup alboma dəstək turu çərçivəsində bir neçə iri festivallarda çıxış etməli idi. Amma Donington-dakı Monsters of Rock-da iştirak etməli olduqları gündə faciə üz verir. Max-ın ögey oğlu, qrupun üzvlərinin yaxından tanıdığı Dana Wells avtomobil qəzasında dünyasını dəyişir. Max ABŞ-a yollanır və qrup 3 nəfərlə konsertdə iştirak etməli olur. Bəlkə də həyatlarındakı ən vacib konsertlərdən birində. Qrupa bu çətinlikdən çıxmağa tanış musiqiçilər kömək edir. Amma Sepultura-nın Max-ın ögey oğlu Dana-nın ölümündən və yad edilmə mərasimindən sonra da davamedici müddətdə konsertlərdə iştirakı Max-ı və onun yoldaşı Gloria-nı sarsıdır. Bundan sonra Max qrupu tərk etmək qərarına gəlir. Əslində onun qrupu tərk etməsinə səbəb tək bu deyildi, başqa səbəblər də var idi. Qrupun gələcəyi isə sual altına düşür. Max Cavalera isə sonradan Soulfly qrupunu yaradır. Qrupa yeni vokalist - Derrick Green dəvət olunur. Yeni vokalistlə Against albomu buraxılır. Bu albom çox emosional albom olur və qrupun fanatların sevgisini və inamını qaytarmaq üçün savaşa çevrilir. Amma ki, Max Cavalera-nın yeni qrupu Soulfly-ın ilk albomunun satışı ilə müqayisədə Against albomunun satışı 2 dəfə az olur. Bu da Sepultura-nın fanatlarının qrupun keçmiş frontman-ini daha çox sevdiklərini bir daha sübut edir. 2011-ci il iyunun 11-də qrupun yeni albomu Kairos buraxılır. 2013-cü ilin mayında isə qrupun yeni albom üçün materialı hazırlayıb qurtardığı elan olundu.

Üzvlər

Bildgalleri

• Sepultura çıxışı
• 

  Andreas Kisser

• 

  Derrick Green

• 

  Paulo Jr.

• 

  Eloy Casagrande

Diskoqrafiya

Albomlar

• Morbid Visions (1986)
• Schizophrenia (1987)
• Beneath The Remains (1989)
• Arise (1991)
• Chaos A.D. (1993)
• Roots(1996)
• Against (1998)
• Nation (2001)
• Roorback (2003)
• Dante XXI (2006)
• A-Lex (2009)
• Kairos (2011)
• The Mediator Between Head and Hands Must Be the Heart (2013)

Ep-Lər

• Bestial Devastation (1985)
• Third World Posse (1992)
• Refuse/Resist (1994)
• Revolusongs (2003)

Səhifələrdə

• Sepultura — Facebook səhifəsi
• Sepultura на Flickr
• Sepultura — Twitter səhifəsi
• Offikal sayt
• Sepultura на All Music Guide
• Sepultura Musician Guide
• Sepultura in Enciklopedy Thrash Zone Arxivləşdirilib 2012-01-11 at the Wayback Machine