Serjipi

Serjipi (port. Sergipe) — Braziliyanın şərqində yerləşən ştat. Braziliyanın şimal-şərq regionuna daxildir. Ştat cənubdan və şərqdən Baiya, şimaldan Alaqoas, şərqdən isə Atlantik okeanla əhatələnir. Ştatın inzibati mərkəzi Arakaju şəhəridir.

Serjipi
Bayraq[d] Gerb[d]
10°36′ c. e. 37°24′ q. u.
Ölkə	Braziliya
Tarixi və coğrafiyası
Yaradılıb	1889
Sahəsi	22.050,3 km²
Hündürlük	223 m
Saat qurşağı	UTC−03:00
Əhalisi
Əhalisi	2.210.004 nəf. (2022)
Rəqəmsal identifikatorlar
ISO kodu	BR-SE
Poçt indeksi	49000-000, 49990-000
Rəsmi sayt
Vikianbarda əlaqəli mediafayllar

Serjipi Braziliyanın sahə baxımından ən kiçik ştatıdır. Ölkə ərazisinin cəmi 0,26 % təşkil edir.

Coğrafiya

Serjipi ərazisinin demək olar ki, hamısı savannadır. Okean sahilləri Manqrov meşələri, bataqlıq və qumlu çimərliklərlə örtülüdür.

Tarixi

Arakajuya açılan mənzərə.

Serjipi ərazisində ilk portuqal koloniyaçıları San-Kristovan şəhərini qurmuşlar. Uzun zaman şəhər ştatın paytaxtı olmuşdur. Digər şimal-şərq ştatları kimi Serjipi dəfələrlə hollandların hücumuna məruz qalmışdır. 1641-ci ildə hollandlar ştatın ərazisini işğal etmişlər. Dörd il müddətində ərazi Holland Braziliyasına tabe edilmişdi. 1645-ci ildə portuqallar hollandları bölgədən çıxara bilmişlər. 1855-ci ildə ştatın paytaxtı Arakaju şəhərinə köçürülmüşdür.

1930-cu illərdə ştat ərazisi cinayət quruplaşmaları tərəfindən intensiv terror aktları məruz qalmışdır.

İnzibati bölgü

Ştat ərazisi 3 mezoregiona və 13 mikroregiona bölünür.

İqtisadiyyat

Serjipi böyük aqrar potensiala malikdir. Burada Şəkər qamışı, pambıq, çəltik, aqava, tütün, maniok yetişdirilir. Nisbətən üuraq bölgələrdə heyvandarlıq inkişaf etdirilmişdir. Şelf zonası olan "Piranema" neft platformasında neft və qaz hasil edilir.