Sevgi tuneli

Sevgi tuneli
	Dəmiryolu xətti
Sevgi tuneli
Ölkə	Ukrayna
Vilayət	Rivne vilayəti ;
Rayon	Rivne rayonu ;
Uzunluğu	5 km
Başlayır	Klevan
Bitir	Orjev
Sahibi	Ukrayna Dəmir Yolları
	Vikianbarda əlaqəli mediafayllar

Sevgi tuneli (ukr. Туне́ль Коха́ння) — yerli əhəmiyyətli dəmiryol xətti üzərində olan təbiət abidəsi. Tunel Rivne vilayətininin Rivne rayonda yerləşən Klevan qəsəbəsi ərazisində yerləşir. Tuneldən keçən dəmiryol xətti Klevan və Orjev qəsəbələrini birləşdirir.

Ümumi məlumat

Meşə bitkiləri ilə əhatələnmiş bu yaşıl tunel bir botanika fenomenidir. Uzunluğu 5 km olan, ağaclardan və kollardan ibarət olan bu tunel arka formasını xatırladır^[1]^[2]. Yük qatarı sutkada bu tuneldən üç dəfə keçir^[3].

Tunelin belə şəkil almasında həm təbiətin, həm də, insanın rolu olmuşdur. Məhz Orejev ağac emalı kombinatına gedən yolun burdan keçməsi tunelin formalaşmasında böyük rol oynamışdır. Meşə ərazisindən keçən bu yolda əvvəllər qatarların hərəkəti daha çox idi. O üzdən meşənin bu yolu əhatə etməsi mümkünsüz idi. Sonradan gediş-gəlişin azalması nəticəsində yol artıq özünə məxsus formaya düşdü və müasir formasını aldı^[4]

Tunel turistlərin və sevgililərin sevimli məkanıdır. Turistlər arasında söylənilən əfsanəyə görə əgər sevgililər bu tuneldən birgə keçərək ürəklərində arzu tutarlarsa, arzuları mütləq həyata keçəcək^[3]. Bəzi gənclər hətta tuneldə gül-çiçək əkərək hislərini simvolizə edirlər.

Kinomotoqrafiyada

Yapon rejisor Akiyoşi İmazaki 2014-cü ildə "Klevan: Sevgi tuneli" adlı romantik dram filmi çəkmiş və filmin ilk nümayişi 23 noyabr 2014-cü ildə baş vermişdir. Beynəlxalq Hanoy kinofestivalında göstərilən bu filmin süjet xətti birbaşa Sevgi tuneli ilə bağlıdır.
Qısametrajlı "Mina" filmi.