Sevil Qazıyeva (film, 1970)

Sevil Qazıyeva
Janr	bioqrafik
Rejissor	Zeynəb Kazımova
Ssenari müəllifi	Vladimir Sinitsın
Operator	Elxan Əliyev
İstehsalçı	"Azərbaycanfilm" Kinostudiyası
İlk baxış tarixi	1970
Filmin növü	qısametrajlı sənədli film
Ölkə	SSRİ
İl	1970
Texniki məlumatlar	1 hissə 275 metr 35 mm

Məzmun

Film respublikamızda ilk mexanizator qız, Sosialist Əməyi Qəhrəmanı Sevil Qazıyevaya həsr olunmuşdur. Bu, Azərbaycanın şanlı qızı haqqında lirik hekayədir. Filmdə Sevilin tərcümeyi-halı üzərində çox dayanılmır, tamaşaçının diqqəti bütünlüklə qəhrəman qızın xarakterinə yönəldilmişdir.

Bu film yaradılanda Sevil Qazıyeva artıq dünyasını dəyişmişdi. Cəsur qızın pambıq tarlasında iş vaxtı faciəli ölüm xəbəri bütün Azərbaycan xalqını sarsıtdı, çünki onu hamı tanıyır və sevirdi.

Müəlliflər çəkiliş vaxtı çoxlu kino-foto sənədlərdən istifadə etmişlər. Biz Sevillə pambıq tarlasında görüşürük. O, rəfiqələri ilə birgə pambıqyığan kombaynların yanından vüqarla keçib gedir. Budur, o, sükan arxasında oturub maşını inamla idarə edir. Bu kadrlar Sevilin həyatının son illərində çəkilmişdir. Ona baxarkən inanırsan ki, bu qız öz əməyi sayəsində hələ çox zirvələr fəth edə bilərdi.

Film nikbin sonluqla bitir. Sevilin yerini başqa qızlar tutur. Sevilin maşını yenidən tarlada məğrur-məğrur irəliləyir. Onu Sevilin bacısı Sona Qazıyeva sürür.

Filmin heyəti

Film üzərində işləyənlər

Rejissor: Zeynəb Kazımova

Ssenari müəllifi: Vladimir Sinitsın

Operator: Elxan Əliyev

Səs operatoru: Akif Nuriyev

Mənbə

• Азербайджанской ССР кинематография. Кино: Энциклопедический словарь / Гл. ред. С. И. Юткевич; Редкол.: Ю. С. Афанасьев, В. Е. Баскаков, И. В. Вайсфельд и др. — Москва: Советская энциклопедия, 1987. — стр. 13.
• Azərbaycan Respublikası Mədəniyyət Nazirliyi. C.Cabbarlı adına "Azərbaycanfilm" kinostudiyası. Aydın Kazımzadə. Bizim "Azərbaycanfilm". 1923-2003-cü illər. Bakı: Mütərcim, 2004.- səh. 235-258.