Sevinc Həsənova

Sevinc Telman qızı Həsənova (15 mart 1971) — Azərbaycan Respublikası iqtisadiyyat nazirinin müavini.

Sevinc Həsənova
Azərbaycan Respublikası iqtisadiyyat nazirinin müavini
Vəzifədədir
30 yanvar 2016-cı ildən
Nazir	Şahin Mustafayev Mikayıl Cabbarov
Azərbaycan Respublikası iqtisadiyyat və sənaye nazirinin müavini
13 mart 2014 – 15 yanvar 2016
Nazir	Şahin Mustafayev
Azərbaycan Respublikası iqtisadi inkişaf nazirinin müavini
6 iyul 2006 – 22 oktyabr 2013
Nazir	Heydər Babayev Şahin Mustafayev
Şəxsi məlumatlar
Doğum tarixi	15 mart 1971(1971-03-15) (53 yaş)
Fəaliyyəti	dövlət xadimi

Həyatı

Sevinc Həsənova 1993-cü ildə Azərbaycan Dövlət İqtisad İnstitutunun Maliyyə və kredit fakültəsini bitirib. Əmək fəaliyyətinə 1993-cü ildə Maliyyə Nazirliyinin Baş Büdcə İdarəsində iqtisadçı kimi başlayıb.

1993–2006-cı illərdə Azərbaycan Respublikası Maliyyə Nazirliyinin Baş Büdcə İdarəsi və Baş Dövlət Xəzinədarlığında iqtisadçı, baş iqtisadçı, şöbə müdiri vəzifələrində çalışıb, Nazirliyin Makroiqtisadi Siyasət Qrupunun üzvü olub, beynəlxalq təşkilatların dövlət investisiyaları, inkişafın proqramlaşdırılması üzrə layihələrində iştirak edib.

Azərbaycan Respublikası Prezidentinin 6 iyul 2006-cı il tarixli Sərəncamı ilə Azərbaycan Respublikası iqtisadi inkişaf nazirinin müavini vəzifəsinə təyin olunub. Azərbaycan Respublikası Nazirlər Kabinetinin sərəncamı ilə 2008-ci ildə makroiqtisadi çərçivənin müəyyən olunması üzrə komissiyanın sədri olub.

Azərbaycan Respublikası Prezidentinin 13 mart 2014-cü il tarixli Sərəncamı ilə Azərbaycan Respublikası iqtisadiyyat və sənaye nazirinin müavini, 30 yanvar 2016-cı il tarixli Sərəncamı ilə Azərbaycan Respublikasının iqtisadiyyat nazirinin müavini vəzifəsinə təyin edilib.

Ailəlidir, 2 övladı var.