Seymur Musayev

Ürək-damar cərrahı

Seymur Aydın oğlu Musayev (18 sentyabr 1974, Xınalı, Qasım İsmayılov rayonu) — Ürək-damar cərrahı, tibb elmləri namizədi. Azərbaycan Ürək və Sağlamlıq Assosiasiyasının üzvü[1]

Seymur Musayev
Musayev Seymur Aydın oğlu
Doğum tarixi 18 sentyabr 1974(1974-09-18) (49 yaş)
Doğum yeri
Vətəndaşlığı Azərbaycan Azərbaycan
Elm sahəsi tibb
Elmi dərəcəsi Tibb elmləri namizədi
İş yeri Mərkəzi Neftçilər Xəstəxanası
Tanınır Ürək-damar cərrahı
Üzvlüyü
  • Azərbaycan Kardiologiya Cəmiyyəti[d]

Həyatı redaktə

Seymur Musayev 18 sentyabr 1974-cü ildə Goranboy rayonunun Xınalı kəndində anadan olub. 1980–1985-ci illərdə Goranboy rayon Xınalı kənd orta məktəbində, 1985–1991-ci illərdə isə Gəncə şəhər 5 saylı orta məktəbində oxumuş və orta məktəbi qızıl medalla bitimişdir.

2003-cü ildə Türkiyə Respublikasında Uzmanlıq Diplomu müdafiə etmişdir.

14 aprel 2005-ci ildən 15 iyul 2005-ci ilə qədər Türkiyə Respublikasının İzmir şəhərindəki "Şifa Xəstəxanalar Qrupu"nun "Şifa Xəstəxanası"nda ürək-damar cərrahı işləmiş və xəstələrə intensiv terapiyaya dair məsləhətlər vermişdir.

2005-ci ildən Mərkəzi Neftçilər Xəstəxanasının "Ürək-damar cərrahiyəsi şöbəsi"ndə ürək-damar cərrahı işləyir. Bu illər ərzində onun rəhbərliyi altında yüzlərlə uğurlu əməliyyat aparılmışdır.[2]

"Ürək və damar xəstəlikləri mərkəzi"nin rəhbəri Rəşad Mahmudovla birlikdə 4000-dən çox və həmçinin regionlarda (Naxçıvan, Lənkəran, Şirvan, Qəbələ, Zaqatala, Qazax, Gəncə) açılmış yeni diaqnostik mərkəzlərdə 170-dən artıq açıq ürək əməliyyatları aparmışdır.

2005-ci ildən xaricdə keçirilən 8 beynəlxalq konfransın və Azərbaycanda keçirilən 2 beynəlxalq konfransın iştirakçısıdır.

Seymur Musayev 2006-cı ildə namizədlik dissertasiyası müdafiə edərək Tibb elmləri namizədi alimlik dərəcəsi almışdır.

Hal-hazırda Mərkəzi Neftçilər Xəstəxanasının ürək-damar cərrahiyəsi şöbəsinin müdiri kimi fəaliyyət göstərir.[3]

Beynəlxalq konfranslarda iştirakı və sertifikatları redaktə

  • 1) "Şifa Xəstəxanalar Qrupu"nda ürək-damarın cərrahiyəsi şöbəsində aparılan ürək-damar əməliyyatlarında fəal iştirak etmiş və xəstələrə intensiv terapiyaya dair məsləhətlər aparmışdır. 14 aprel-15 iyul 2005-ci il, İzmir, Türkiyə.
  • 2) Türk ürək-damar cərrahiyəsi dərnəyinin "9-cu Beynəlxalq Konfransı"nın iştirakçısı. 01–05 kasım 2006-cı il, Antalya, Türkiyə.
  • 3) Türk ürək-damar cərrahiyəsi dərnəyinin "1-ci damar cərrahiyəsi simpozyumu"nda "Periferik damar və aort cərrahiyəsi" mövzusunda keçirilən simpozyumun iştirakçısı. 06–09 iyul 2007-ci il, Çanakkala, Türkiyə.
  • 4) "Azərbaycan Kardiovaskulyar Cərrahlar Assosiasiyası" İB-nin "Anadangəlmə ürək qüsurlarının müalicəsində yeniliklər və ağciyər hipertenziyası" mövzusunda keçirilən simpozyumda iştirak etmişdir. 22 sentyabr 2007-ci il, Bakı, Azərbaycan.
  • 5) Türk ürək-damar cərrahiyəsi dərnəyinin "10-cu Beynəlxalq Konfransı"nın iştirakçısı. 17–21 ekim 2008-ci il, Çeşmə, İzmir, Türkiyə.
  • 6) "Açıq Tibb İnstitutu", "Nyu-York – Presviterianın Xəstəxanası", "Bakı Təhlil və Məlumat Mərkəzi" və "Mərkəzi Neftçilər Xəstəxanası"nın birgə keçirdiyi 15 saatı əhatə edən Beynəlxalq "KARDİOLOGİYA OMİ SATELLİTE" simpozyumda iştirak etmişdir. 17–18 aprel 2009-cu il, Bakı, Azərbaycan.
  • 7) "Türkiyə Ürək və Səhiyyə Fondu"nun "Kardiologiya və ürək-damar cərrahiyəsinə dair yeniliklər" mövzusunda keçirdiyi "5-ci Beynəlxalq Konqres"in iştirakçısı. 24–28 sentyabr 2009-cu il, Antalya, Türkiyə.
  • 8) "Türkiyə Ürək və Səhiyyə Fondu"nun "ESC GUCH" mövzusunda keçirdiyi kursun iştirakçısı. 25–26 sentyabr 2009-cu il, Antalya, Türkiyə.
  • 9) "Türkiyə Ürək və Səhiyyə Fondu"nun "Ürək morfologiya" mövzusunda keçirdiyi kursun iştirakçısı. 26 sentyabr 2009-cu il, Antalya, Türkiyə.
  • 10) "Kardiologiya və ürək-damar cərrahiyəsinə dair yeniliklər" mövzusunda keçirilən "6-cı Beynəlxalq Konqres"lə əlaqədar olaraq "59-cu ESCVS Beynəlxalq Konqres"in iştirakçısı. 16 aprel 2010-cu il, Çeşmə, İzmir, Türkiyə.

İstinadlar redaktə

  1. "Azərbaycan Ürək və Sağlamlıq Assosiasiyası:İDARƏ HEYƏTİ". 2016-01-11 tarixində orijinalından arxivləşdirilib. İstifadə tarixi: 2015-11-30.
  2. "Çingiz Fərəcov. "Dünyanın ürəyi" — "Azərbaycan" qəzeti. 13 Avgust 2013". 2021-09-28 tarixində arxivləşdirilib. İstifadə tarixi: 2015-11-30.
  3. "Musayev Seymur". 2021-09-28 tarixində arxivləşdirilib. İstifadə tarixi: 2015-11-30.

Xarici keçidlər redaktə