Seymur Teymurov
Bu məqaləni vikiləşdirmək lazımdır. |
Seymur Teymur oğlu Teymurov (9 avqust 1981, Bakı) — Xəzər İntellektual Gənclər Klubu İctimai Birliyinin sədri və "Media Çalışmaları" MMC-nin baş direktoru, eləcə də həmin media şirkətinə daxil olan Bax.tv video portalı, News.az xəbər saytı, Offsideplus.az idman saytının baş redaktoru, "Что? Где? Когда?" televerilişinin Azərbaycandilli versiyasında ilk komandanın kapitanı, 2016–2017-ci illərdə Garant Media Holding İdarə Heyətinin sədri və eyni zamanda Oxu.az xəbər saytının baş redaktoru, 2016-cı ilin fevral-sentyabr aylarında 107.7 FM dalğasında yayımlanan Avto FM radiostansiyasının direktoru, 2014–2015-ci illərdə "National Geographic Azerbaijan" jurnalının baş redaktoru, 2008–2014-cü illərdə "Consulting&Business" jurnalının şef-redaktoru.
| Seymur Teymurov | |
|---|---|
| Seymur Teymur oğlu Teymurov | |
 "Uğur" mükafatının təqdimetmə mərasimində | |
| Doğum tarixi | |
| Doğum yeri | Bakı, Azərbaycan SSR |
| Təhsili | |
| Fəaliyyəti | jurnalist |
Həyat və fəaliyyəti redaktə
Seymur Teymurov 9 avqust 1981-ci ildə Bakı şəhərində anadan olmuşdur. 1988–1997-ci illərdə Bakıdakı Şəfiqə Əfəndizadə adına 13 saylı orta məktəbdə təhsil almış, 1998-ci ildə Bakı Dövlət Universitetinin tarix fakültəsinə qəbul olmuşdur. 2002-ci ildə tarixçi ixtisası üzrə bakalavr pilləsini, 2004-cü ildə həmin ixtisas üzrə magistr pilləsini fərqlənmə diplomu ilə bitirmişdir.
2001-ci ildə digər təsisçilərlə birgə Xəzər İntellektual Klubunun yaradılmasında iştirak etmişdir. 2007-ci ildə Klub ictimai birlik kimi "Xəzər İntellektual Gənclər Klubu" adı ilə dövlət qeydiyyatına alındıqdan sonra həmin təşkilatın sədridir. Xəzər İntellektual Gənclər Klubu Azərbaycanda ilk dəfə olaraq ana dilli intellektual oyunları mütəmadi olaraq təşkil edən ictimai birlikdir[1].
Seymur Teymurov GameTV.az prodüser mərkəzinin çəkdiyi "Что? Где? Когда?" verilişinin azərbaycandilli versiyasında ilk komandanın kapitanıdır və 2012-ci ilədək "Что? Где? Когда?" Elitar Klubunda çıxış edib[2]. O, "Mənim Klubum", "Universitet liqası", "Məktəb Liqası", "I İçərişəhər İntellektual Festivalı", Ağıl Oyunları Festivalı, İntellekt Marafonu, Çağırış Kuboku və bu kimi digər intellektual oyun layihələrinin həyata keçirilməsinə rəhbərlik etmişdir[3][4][5][6][7].
2017-ci ilin dekabr ayından Media Çalışmaları MMC-nin baş direktoru, eləcə də həmin media şirkətinə daxil olan Bax.tv video portalı, News.az xəbər saytı, Offsideplus.az idman saytının baş redaktorudur. 2016–2017-ci illərdə Garant Media Holding İdarə Heyətinin sədri və eyni zamanda Oxu.az xəbər saytının baş redaktoru, 2016-cı ilin fevral-sentyabr aylarında 107.7 dalğasında yayımlanan Avto FM radiostansiyasının direktoru, 2014–2015-ci illərdə National Geographic Azərbaycan jurnalının baş redaktoru, 2008–2014-cü illərdə Azərbaycanın ilk iqtisadi-analitik nəşri olan "Consulting&Business" jurnalının şef-redaktoru[8], eyni zamanda, 2011–2013-cü illərdə Biznesinfo.az saytının baş redaktoru, habelə 2007–2008-ci illərdə ANS TV-nin Proqramlaşma departamentində direktor müavini olmuş, 2005–2008-ci illərdə Qərb Universitetində ümumdünya tarixi, Azərbaycan tarixi, beynəlxalq münasibətlər tarixi və regionşünaslıq ixtisasları üzrə pedaqoji fəaliyyətlə məşğul olmuşdur. Mətbuatda müxtəlif məqalə və müsahibələri dərc olunub[9][10].
Ailəlidir[11], 1 övladı var.
Həmçinin bax redaktə
İstinadlar redaktə
Bu məqalədəki istinadlar müvafiq istinad şablonları ilə göstərilməlidir. |
- ↑ "Arxivlənmiş surət". 2012-06-17 tarixində orijinalından arxivləşdirilib. İstifadə tarixi: 2011-06-29.
- ↑ http://www.gametv.az/ru/pages/b47a7954-64e9-11e0-b029-0022198c83c2/Сеймур%20Теймуров.html
- ↑ "Arxivlənmiş surət". 2012-03-11 tarixində arxivləşdirilib. İstifadə tarixi: 2011-06-29.
- ↑ http://www.lent.az/xeber_68880_"Universitet_liqası"nda_fərdi_oyunun_qalibləri_müəyyənləşib_-_FOTO[ölü keçid]
- ↑ "Arxivlənmiş surət". 2016-03-04 tarixində orijinalından arxivləşdirilib. İstifadə tarixi: 2011-06-29.
- ↑ "Arxivlənmiş surət". 2010-11-23 tarixində orijinalından arxivləşdirilib. İstifadə tarixi: 2011-06-29.
- ↑ "Arxivlənmiş surət". 2010-04-25 tarixində orijinalından arxivləşdirilib. İstifadə tarixi: 2011-06-29.
- ↑ "Arxivlənmiş surət". 2016-03-05 tarixində arxivləşdirilib. İstifadə tarixi: 2011-06-29.
- ↑ "Arxivlənmiş surət". 2011-05-08 tarixində orijinalından arxivləşdirilib. İstifadə tarixi: 2011-06-29.
- ↑ "Arxivlənmiş surət". 2011-08-22 tarixində orijinalından arxivləşdirilib. İstifadə tarixi: 2011-06-29.
- ↑ http://ru.trend.az/life/socium/1329128.html[ölü keçid]