Silikat turşusu

Metasilikat və ya Silikat turşusu H₂SiO₃.

Alınması

Silisium 4-oksid suda həll olmur və onunla reaksiyaya girmir. Ona görə də silikat turşusu H₂SiO₃ dolayı yolla- onun həll olan duzlarının məhlullarına turşu ilə təsir etməklə alınır:

Na₂SiO₃ + 2HCl = 2NaCl + H₂SiO₃ ↓

Quruluşu

Silikat turşusunun tərkibini göstərən H₂SiO₃ formulu şərtidir. Əslində x SiO₂ ^. y H₂O və ya (H₂SiO₃)_n tərkibli silikat turşuları qarışığı - polisilikat turşusu əmələ gəlir. qızdırıldıqda polisilikat turşusu suyunu tədriclə itirib bərk silisium 4-oksidə çevrilir.

H₂SiO₃ = SiO₂ + H₂O

Fiziki xassələri

Silikat turşusu H₂SiO₃ zəif, ikiəsaslı turşudur. Suda həll olmur və indikatorun rəngini dəyişdirmir. qismən susuzlaşdırılmış H₂SiO₃ - bərk, ağ, məsaməli, yüksək adsorbsiya xassəli kütlə - silikagel adlanır.

Kimyəvi xassələri

Silikat turşusunun duzlarına silikatlar deyilir. çox vaxt onların formulları oksidlər şəklində, məsələn, CaSiO₃ - Ca ^. SiO₂, Na₂SiO₃ - Na₂O ^. SiO₂, K₂SiO₃ - K₂O ^. SiO₂ kimi göstərilir. Natrium silikat Na₂SiO₃ və kalium silikat K₂SiO₃ həll olan şüşə, onların suda qatı məhlulları isə maye şüşə adlanır. Zəif turşunun duzu kimi onların suda məhlulu qələvi reaksiya verir. Natrium silikat daha böyük əhəmiyyət kəsb edir.