Slavik Kriklivı
Vyaçeslav (Slavik) Leonidoviç Kriklivı (ukr. В'ячеслав Леонідович (Славік) Крикливий; 1 iyul 1976, Zaporojya[1]) — Ukrayna bal rəqqası, peşəkarlar arasında dünya çempionatının qalibi.
| Slavik Kriklivı | |
|---|---|
| ukr. В'ячеслав Леонідович (Славік) Крикливий | |
.jpg) | |
| Digər adı | Slavik |
| Doğum adı | Vyaçeslav Leonidoviç Kriklivı |
| Doğum tarixi | 1 iyul 1976 (47 yaş) |
| Doğum yeri | |
| Milliyyəti | ukraynalı |
| Vətəndaşlığı | |
| Partnyorları |
Coanna Lünis (1998–????) Karina Smirnov (????–2005) Yelena Xvorova (2006–2007) Hanna Kartunen (2008–2009) Anna Melnikova (2009–2010) Dariya Çesnokova və Yekaterina Lapayeva (2012) |
| Fəaliyyəti | rəqqas |
| Fəaliyyət illəri | 1990-cı illər – h.h. |
| Rolları | bax: #Filmoqrafiya |
 Vikianbarda əlaqəli mediafayllar | |
Həyatı redaktə
Vyaçeslav Leonidoviç Kriklivı 1 iyul 1976-cı il tarixində SSRİ respublikalarından olan Ukrayna SSR-nin Zaporojya şəhərində həkim ailəsində anadan olmuşdur.[2] O, beş il üzgüçülük ilə məşğul olmuşdur. Kriklivı 1987-ci ilin payızında ailəsi ilə birlikdə Melitopol şəhərinə köçmüşdür. O, burada Latın Amerikası rəqs proqramını öyrənməyə başlamışdır. Kriklivı 1990-cı illərdə Kiyevə köçmüş və burada çıxış etmişdir.[3]
Vyaçeslav Kriklivı 1998-ci ilin martında Ukrayna çempionu olmuşdur. O, bir həftə sonra Belçika çempionu Coanna Lünis ilə cütləşmişdir. Dünya Rəqs İdmanı Federasiyasının məlumatına görə, Kriklivı 1999-cu ildə Lünis ilə birlikdə Dünya Çempionatının gümüş medalını, bir il sonra həvəskarlar arasında Dünya və Avropa Çempionatının qızıl medalını qazanmışdır. O, "Slavik" adı ilə tanınır.[4]
Vyaçeslav Kriklivı Coanna Lünis ilə ayrıldıqdan sonra Nyu-Yorka köçmüşdür. O, burada peşəkar kateqoriyada Xarkovdan olan Karina Smirnov ilə cüt olmuşdur. Kriklivı Smirnov ilə birlikdə beşqat Amerika çempionları, Dünya Çempionatının bürünc mükafatçıları olmuşdur. Cütlük rəqqaslar və rəqs xoreoqrafları kimi Riçard Gere və Cennifer Lopezin baş rollarda çəkildiyi "Gəlin rəqs edək" bədii filmində kameo rolu almışdılar. Onlar 2005-ci ildə yollarını ayırmışdılar.[5]
Vyaçeslav Kriklivı 2006–2007-ci illərdə Moskvada Yelena Xvorova ilə rəqs etmişdir. O, Dünya Kubokunun və Rusiya Çempionatının qalibi olmuş, Dünya və Avropa çempionatlarında gümüş medallar qazanmışdır. Kriklivı 2008–2009-cu illərdə Hanna Kartunen ilə Finlandiyanı təmsil edərək çıxış etmişdir. Onlar "UK Open 2009" turnirində altıncı olmuşdur. Kriklivı 2009–2010-cu illərdə Rusiyada Anna Melnikova ilə rəqs etmiş, rəqs şoularında nümayişlərlə çıxış etmişdilər. O, rəqs aləmində cütlüyün rəqabətli xoreoqrafiyası əsasında çəkilmiş "Qəddar romantika" filmindən "Shaggy Bumblebee" mahnısı ilə rəqs etməklə yadda qalmışdır. İdmanda cütlük Dünya Kubokunda və Avropa Çempionatında bürünc medal qazanmışdır. Cütlük Moskvada keçirilən "RTS təntənəli iclası"nda "İlin ən yaxşı debütü" nominasiyasında qalib olmuşdular.[6]
Vyaçeslav Kriklivı premyerası 20 noyabr 2011-ci ildə keçirilən "Bal rəqqası" adlı Danimarka sənədli filmində rol almışdır. O həmçinin, Moskvada "Ridley Scott Association" və "Philips" şirkətinin təşkil etdiyi "Paralel xətlər" müsabiqəsi üçün üç dəqiqəlik qısametrajlı "Yaxınlıq" filmində rol almışdır. Kriklivı 2012-ci ildə Xarkovdan olan Dariya Çesnokova və Yekaterina Lapayeva ilə iki dəfə cütləşmişdir. O, 2013-cü ildən məşqçilik və hakimlik fəaliyyəti ilə məşğuldur. Kriklivı 2014-cü ildə Karina Smirnov ilə birlikdə Nyu-Yorkda "Dance Legends 2014" layihəsində və Moskvada "Ulduz dueti" layihəsində iştirak etmişdir.[7]
Filmoqrafiya redaktə
| İl | Orijinal adı | Azərbaycanca | Rol |
|---|---|---|---|
| 2004 | Shall we dance | Gəlin rəqs edək | Polinanın partnyoru |
| 2010 | Ballroom Dancer | Bal rəqqası | Slavik Kriklivı |
| 2011 | The Nearness | Yaxınlıq | Slavik Kriklivı |
İstinadlar redaktə
- ↑ 1 2 Freebase Data Dumps. Google.
- ↑ Славик Крикливый и Карина Смирнофф на Кубке "Русского Клуба" Arxivləşdirilib 2019-01-19 at the Wayback Machine. dancemaze.ru (2004) interview (in Russian)
- ↑ "Кубок мира 2001. Интервью". 2016-02-03 tarixində arxivləşdirilib. İstifadə tarixi: 2015-04-11.
- ↑ "Славик Крикливый биография (Slavik Kryklyvyy Biography)". 2014-03-28 tarixində arxivləşdirilib. İstifadə tarixi: 2015-04-11.
- ↑ Slavik Kriklivı — IMDb səhifəsi
- ↑ "Торжественное собрание РТС, или понедельник — День счастливый". 2016-03-04 tarixində arxivləşdirilib. İstifadə tarixi: 2015-04-11.
- ↑ "Dance Legends". 2022-05-01 tarixində arxivləşdirilib. İstifadə tarixi: 2022-07-07.