Slavko Kaleziç
Slavko Kaleziç (mont. Slavko Kalezić; d. 24 mart 1989, Podqoritsa, Monteneqro) — Monteneqro müğənnisi və aktyoru. O, "Space" mahnısı ilə Monteneqronu 2017 Avroviziya Mahnı Müsabiqəsində təmsil etmişdir.
| Slavko Kaleziç | |
|---|---|
| mont. Slavko Kalezić | |
 Slavko Kaleziç 2017-ci ildə | |
| Ümumi məlumatlar | |
| Doğum adı | Slavko Kaleziç |
| Doğum tarixi | |
| Doğum yeri | Podqoritsa, Monteneqro |
| Vətəndaşlığı |
 Monteneqro |
| Musiqiçi məlumatları | |
| Fəaliyyəti | müğənni, aktyor |
| Fəaliyyət illəri | 2011–h.h. |
| Janr | |
 Vikianbarda əlaqəli mediafayllar | |
Həyatı
redaktəSlavko Kaleziç 4 oktyabr 1985-ci ildə Monteneqronun paytaxtı Podqoritsa şəhərində anadan olmuşdur. O Monteneqronun Çetinye şəhərində yerləşən İncəsənət Akademiyasında təhsil almışdır. Daha sonra Slavko Monteneqro milli teatrında ansambla üzv seçilmişdir. Slavko müxtəlif teatr və filmlərdə bir çox obrazlar canlandırmışdır. O eyni zamanda Madrid, Tel-Əviv, Stokholm, London və s. şəhərlərdə keçirilən paradlarda çıxış etmişdir.
Musiqi karyerası
redaktəX Factor Adria
redaktə2013-cü ildə Slavko Kaleziç Serbiyanın X Factor Adria musiqi yarışmasında iştirak etmiş, lakin yarışmada erkən məğlub olmuşdur. Yarışmadakı iştirakından sonra Slavkonun San o vječnosti adlı debüt albomu işıq üzü görmüşdür. Albomda "Krivac", "Feel the Music", "Freedom" və s. mahnılar yer almışdır.
2017 Avroviziya Mahnı Müsabiqəsi
redaktə2016-cı ilin dekabr ayında Monteneqronun RTCG telekanalı Slavko Kaleziçin "Space" adlı mahnı ilə Monteneqronu Ukraynanın paytaxtı Kiyevdə keçirilən olan 2017 Avroviziya Mahnı Müsabiqəsində təmsil edəcəyini açıqlamışdır[1]. 9 may tarixində baş tutan müsabiqənin yarımfinal mərhələsində altıncı səhnəyə çıxan Slavko 16-cı yerdə qərarlaşaraq, finala adlaya bilməmişdir.
The X Factor UK
redaktəAvroviziya Mahnı Müsabiqəsində iştirakından sonra Slavko Kaleziç 2017-ci ilin iyul ayında Böyük Britaniyanın The X Factor musiqi yarışmasının 14-cü mövsümündə iştirak etmişdir. Yarışmanın ilk dörd mərhələsini uğurla adlayan Slavko Nikol Şerzingerin komandasında yer almışdır. Yarışmanın beşinci mərhələsində Slavko məğlub olaraq iştirakını dayandırmışdır.
Diskoqrafiya
redaktəSinqllar
redaktə| Mahnı adı | İl | Albom |
|---|---|---|
| "Muza" | 2011 | San o vječnosti |
| "Krivac" | 2014 | |
| "Feel the Music" | 2015 | Albomdan kənar sinqllar |
| "Freedom" | 2016 | |
| "Space" | 2017 |
İstinadlar
redaktə- ↑ "Montenegro: Slavko Kalezic will sing "Space" at Eurovision 2017". Wiwibloggs. 2022-06-21 tarixində arxivləşdirilib. İstifadə tarixi: 29 dekabr 2016.
| Əvvəlki: Highway "The Real Thing" |
Monteneqro Avroviziya Mahnı Müsabiqəsində  2017 |
Sonrakı: Vanya Radovanoviç "Inje" |