Slovakiya Avroviziya Mahnı Müsabiqəsində

Slovakiya Avroviziya Mahnı Müsabiqəsinə ilk dəfə 1994-cü ildə qoşulmuş və cəmi 7 dəfə müsabiqədə iştirak etmişdir. Ölkənin müsabiqədə ilk iştirak cəhdi 1993-cü ildə olmuşdur. Lakin həmin il iştirakda maraqlı olan ölkələrin sayının çoxluğu və yayım vaxtının yetərli olmaması səbəbindən iştirak etmək istəyən ölkələr arasında seçim turu keçirilmişdir. Slovakiya həmin seçim turunda məğlub olmuş və iştirak hüququ əldə edə bilməmişdir.

Slovakiya Avroviziyanın ən az uğur qazanan ölkələrindən biridir. Ölkənin müsabiqədə əldə etdiyi ən yüksək nəticə 1996-cı ildəki 18-ci yerdir. Müsabiqədə əldə etdiyi zəif nəticələr səbəbindən Slovakiya 1995, 1997 və 1999-cu illərdə Avropa Yayım İttifaqının qərarı ilə Avroviziyadan kənarlaşdırılmışdır. 2000-ci ildə isə ölkə müsabiqədə iştirakdan könüllü olaraq imtina etmiş və bir daha 2009-cu ildə Avroviziyaya qayıtmışdır. 2012-ci ilə kimi fasiləsiz olaraq müsabiqədə iştirak edən Slovakiya hər dörd cəhdində yarımfinalda məğlub olaraq, 2013-cü ildə Avroviziyadan kənarlaşmışdır.

Təmsilçilər

  Qalib

  İkinci yer

  Üçüncü yer

  Sonuncu yer

İl	Dil	Müğənni	Mahnı	Final		Yarım-final
				Yer	Xal	Yer	Xal
1994	Slovakca	Tublatanka	"Nekonečná pieseň"	19	15	Yarımfinal olmayıb
1996	Slovakca	Marsel Palonder	"Kým nás máš"	18	19	17	36
1998	Slovakca	Katarina Hasprova	"Modlitba"	21	8	Yarımfinal olmayıb
2009	Slovakca	Kamil Mikulçik və Nela Potsiskova	"Leť tmou"	Finala keçməyib		18	8
2010	Slovakca	Kristina	"Horehronie"			16	24
2011	İngiliscə	TWiiNS	"I'm Still Alive"			13	48
2012	İngiliscə	Maks Ceyson Mey	"Don't Close Your Eyes"			18	22
2013-cü ildən bəri müsabiqədə iştirak etmir.

Səsvermə tarixçəsi

Slovakiyanın ən çox xal verdiyi ölkələr
Sıra	Ölkə	Xal
1	Malta	34
2	Estoniya	30
3	Xorvatiya	27
4	İsveç	26
5	İrlandiya	21

Slovakiyanın ən çox xal aldığı ölkələr
Sıra	Ölkə	Xal
1	Malta	20
2	Xorvatiya	8
3	Yunanıstan	7
4	Polşa	5
5	İspaniya	2

QEYD:Yuxarıdakı xallar yalnız finalda verilən xallardır.

Həmçinin bax

• Avroviziya Mahnı Müsabiqəsi