Sofiya Albinovskaya-Minkeviç

Sofiya Albinovskaya-Minkeviç (pol. Zofia Albinowska-Minkiewiczow; 18 (30) noyabr 1886, Klaqenfurt – 30 iyun 1972, Lvov) — Polşa, Ukrayna və Sovet rəssamı, təsvirçi və qrafika rəssamı. 1939-cu ildən Ukrayna Rəssamlar İttifaqının üzvü olur. Lvov Sovet İttifaqına birləşdirildikdən sonra Albinovskaya-Minkeviç Ukrayna Sovet Rəssamlar İttifaqına üzv olur. O, rəsmlərini qızlıq soyadı olan Sofiya Albinovskaya ilə imzalayıb. Polşalı memar Vitold Minkeviçin həyat yoldaşı olur.

Sofiya Albinovskaya-Minkeviç
Doğum tarixi	18 (30) noyabr 1886
Doğum yeri	Klaqenfurt, Karintiya[d], Avstriya
Vəfat tarixi	30 iyun 1972(1972-06-30) (85 yaşında)
Vəfat yeri	Lvov, Lvov vilayəti, Ukrayna SSR, SSRİ
Dəfn yeri	Lıçakov qəbiristanlığı[d]
Fəaliyyəti	rəssam
Üzvlüyü	Ukrayna Milli Rəssamlar İttifaqı[d] (1939–)

Bioqrafiya

Polşa generalı Julius Albinovskinin qızıdır. 1901-1906-cı illərdə hendriç Ştreblov (1901-ci ildən), Franz Hohenberq və Ferdinand Kruis (1902-ci ildən) özəl məktəblərində oxuyub. 1906-1909-cu illərdə Parisdə yaşamış, burada ilk dəfə Akademiya Kolarossidə, daha sonra İncəsənət Məktəbində (fr. École des Beaux Arts) təhsil almışdır. Parisdə Olqa Boznanskaya ilə tanış olur. Avropanı gəzir, Böyük Britaniya, Belçika, Hollandiya və İtaliyaya səfər edir.

1909-1912-ci illərdə təhsilini davam etdirir və Vyanada Bədii Sənətlər Məktəbində (alm. Kunstgewerbeschule‎) dərs deyir, sonra əbədi olaraq Lvova qayıdır. Uzun illər Lvovda Polşa Rəssamlar İttifaqının prezidenti olur, həmçinin bir çox milli və xarici sərgilərdə iştirak edir: Praqa, Paris, Nyu-York.

Rəssamın ilk işlərində (1920-ci ilə qədər) portretlər üstünlük təşkil edirdi, sonralar onun əsas maraqları müxtəlif rəngli natürmortları və dəbli interyerləri əks etdirən intim kompozisiyalar meydana gəlir. Onun rəsmləri bəzən "post-impressionizm üslubunda" çəkilmiş kimi qiymətləndirilir.

Lvovda Lıçakov qəbiristanlığında dəfn edilib.

Ədəbiyyat

• Дорош А. Альбіновська-Мінкевич Софія // Енциклопедія Львова / За редакцією А. Козицького та І. Підкови. — Львів : Літопис, 2007. — Т. 1. — С. 55. — ISBN 978-966-7007-68-8.; (ukr.)
• Іваницька Л. В. Альбіновська-Мінкевич, Софія Юліанівна // Велика українська енциклопедія : у 30 т. / проф. А. М. Киридон (відп. ред.) та ін. — ISBN 978-617-7238-39-2.; (ukr.)
• Молодша Ю. І. Альбіновська-Мінкевич Софія Юліанівна // Енциклопедія сучасної України : у 30 т / ред. кол. І. М. Дзюба [та ін.] (ukr.)

Mənbə

• Альбіновська-Мінкевич, Софія Юліанівна (ukr.)
• Desa Dziela Sztuki i Antyki - auction results of October 2000
• Dom Aukcyjny Ostoya - March 2001 auction results with Albinowska paintings
• Dom Aukcyjny Ostoya - September 2001 auction results with Albinowska paintings
• Polski Dom Aukcyjny Sztuka - Auction results of December 2001
• Desa Dziela Sztuki i Antyki - auction results of March 2005
• Parorama Art gallery - auction results