Solina gölü

Solina (Jezioro Solińskie ) — Polşanın cənubunda, Beşadı regionunda yerləşən süni göl. Göl Podkarpatiya voevodluğunun Lesko uezdi ərazisindədir.

Solina gölü
pol. Jezioro Solińskie
Ümumi məlumatlar
Eni	maks. 2,5 km
Uzunluğu	21 km
Sahil uzunluğu	təq. 150 km
Sahəsi	22 km²
Dərin yeri	60 m
Yerləşməsi
49°22′27″ şm. e. 22°27′08″ ş. u.
Ölkə	Polşa
Solina gölü
Vikianbarda əlaqəli mediafayllar

Ümumi məlumat

Göl (su anbarı) 1968-ci ildə Solina bəndinin inşasından sonra formalaşmışdır. Bənd San çayının üzərində tikilib. San çayı Vislanın sağ qoludur. Gölün ümumi sahəsi km²-dır. Toplam 472 000 000 kub metr su tutumuna malikdir. Bu göstəricisinə görə Solina Polşanın ən böyük süni gölüdür. İlk su anbarının tikintisi layihəsi 1921-ci ilə aiddir. Ərazidə ilk geoloji və hidroloji araşdırmalar 1936-1937-ci illərədə həyata keçirilmişdir. İkinci Dünya müharibəsi aparılan işləri yarımçıq qoymuş və 1955-ci ildən işlər yenidən bərpa edilmişdir. Bəndin tikintisinə 1960-cı ildə start verilmişdir.

Maksimal dərinlik 60 metrdir. Sahil xəttinin uzunluğu 150 km, eni 2,5 km, uzunluğu isə 25 km-dir. Göl sahilləri çox girintili çıxıntılı olub buxtalarla zəngindir. Solina bəndinin hündürlüyü isə 82 metrdir. Bəndin uzunluğu 664 metr olub Polşanın ən hündür bəndi hesab olunur. Bəndin aşağısında nasos elektrostansiyası yerləşir. Dörd turbinli bu stansiyanın gücü 200 meqavattdır.

Gölün olduğu bölgə ölkənin populyar turizm mərkəzidir. Göl kənarında yerləşən üç yaşayış məskənində: Solin, Polyançik və Mışkovşada su idmanı həvəskarlarının sevimli məkanıdır. Suyun dərinliyi, şəffaflığı, meşəli-dağlı ərazilər bölgəni yetərincə cəlb edici edir. Yerli sakinlər gölü Beşada dənizi adlandırır. 1970-ci ildən ölkənin turizm şirkəti olan Wojewódzkie Przedsiębiorstwo Turystyczne gölə bir neçə kiçik gəmi gətirdi və gölün xüsusi «Ağ donaması» yaradıldı. Gəmilər ilə göldə səfərlər həyata keçirilir.

Ədəbiyyat

• Kęsy Robert i in. 2011. Zbiorniki Wodne w Polsce. Krajowy Zarząd Gospodarki Wodnej, Warszawa, s.44.