Solmaz Əfəndiyeva
Bu məqalənin ensiklopedik tələblərə cavab vermədiyinə dair şübhələr var. Lütfən, ensiklopedikliyi təsdiq etmək üçün məqalənin mövzusuna uyğun tərəfsiz, etibarlı mənbələr göstərin. Əgər belə mənbələr göstərilməzsə, məqalə birləşdirilə, yönləndirilə və ya silinə bilər. |
Bu məqalə qaralama halındadır. Lütfən, məqaləni ümumvikipediya və redaktə qaydalarına uyğun şəkildə tərtib edin. Əgər mümkündürsə, daha dəqiq bir şablondan istifadə edin. |
Bu məqalənin bəzi məlumatlarının mənbəsi göstərilməmişdir. Daha ətraflı məlumat üçün məqalənin müzakirə səhifəsinə baxa və məqaləyə uyğun formada mənbələr əlavə edib Vikipediyanı zənginləşdirə bilərsiniz. (may 2022) |
Solmaz Mahmud qızı Əfəndiyeva
| Solmaz Əfəndiyeva | |
|---|---|
| Doğum tarixi | |
| Doğum yeri | Azərbaycan Respublikası, Balakən rayonu |
| Vəfat tarixi | |
| Vəfat yeri | Azərbaycan Respublikası, Balakən rayonu |
| Vətəndaşlığı | Azərbaycanlı |
| Milliyyəti | Azərbaycanlı |
| İxtisası | Kimya |
| Təhsili | Ali |
| Fəaliyyət illəri | 1961-2008 |
| Tanınır | Qabaqcıl Maarif xadimi |
| Mükafatları | Qabaqcıl Maarif xadimi, Əməkdar Təhsil işçisi, SSRİ Maarif Əlaçısı |
HaqqındaRedaktə
1938-ci il 26 iyun tarixində Azərbaycanın Balakən rayonunda anadan olmuşdur. 1946–1956-cı illərdə rayonunun Nizami adına 1 saylı tam orta məktəbində təhsil almış, məktəbi bitirdiyi il Gəncə Müəllimlər Universitetinin Kimya fakültəsinə daxil olmuşdur. Universiteti fərqlənmə ilə bitirən Solmaz Əfəndiyeva 1961-ci il 01 sentyabr tarixində Kortala kənd tam orta məktəbində pedoqoji fəaliyyətə başlamış, intizamlı əmək fəaliyyəti, məsuliyyəti, işə münasibətində fərqləndiyinə görə fəaliyyətini 16.04.1965-ci il tarixindən etibarən Balakən RTŞ-nın metodik mərkəzinə metodist vəzifəsinə təyin edilmişdir. 20.10.1968-ci il tarixində pedoqoji kadrlarla aparılan metodik işin istiqamətləndirilməsi, təlim-tərbiyə işlərinin keyfiyyətinin yaxşılaşdırılması sahəsindəki uğurlarına görə S.Əfəndiyeva hazırkı ATİAHİ-nin rayon komitəsinin sədri vəzifəsinə seçilmişdir. Əmək fəaliyyəti müddətində təhsil sahəsində böyük işlər görmüş, ö dövr üçün yenilik olaraq rayonun bütün məktəblərini idman meydançaları ilə təmin etmişdir. S.Əfəndiyevanın təhsil sahəsində uğurları, təhsilin idarə olunmasında idarəçilik və elmi-pedoqoji fəaliyyətinə görə Ulu Öndər Heydər Əliyev tərəfindən nümunə göstərilən elm xadimləri sırasında olmuşdur.
23.07.1979-cu il tarixində fəaliyyəti nəzərə alınaraq Azərbaycan Respublikası Təhsil Nazirliyinin əmri ilə Balakən RTŞ-nın müdiri vəzifəsinə təyin edilmiş, 13.07.1992-ci il tarixinədək həmin vəzifəni icra etmişdir. Onun təhsilə rəhbərlik etdiyi dövrdə rayonun ümumtəhsil məktəblərində şagirdlərin təhsilə olan marağının artması nəticəsində ali məktəblərə qəbul olunan məzunların sayı xeyli artmış, eləcə də Rusiya Federasiyasının ali məktəblərinə qəbul olunan, orada təhsil alıb hazırda orada yaşayan və Rusiya Federasiyasının şəhərlərində Azərbaycan diasporunun yaranmasında rolu olan azərbaycanlı vətəndaşların sayı az olmamışdır.
Balakən RTŞ-nın müdiri kimi işlədiyi vaxtda (20-ci əsrin 80-ci illəri) Balakən rayon təhsil sahəsində bir ilkə imza atmış, Respublika miqyasılı Festival keçirmişdir. Festivalda SSRİ ölkələrinin hər birindən nümayəndələr iştirak etmişdir. Bu hadisə həmin dövr üçün çox böyük nailiyyət idi.
Solmaz Mahmud qızı Əfəndiyeva 30.10.1993-cü ildən 15 dekabr 2005-ci ilə qədər rayonun Nəsimi adına 2 saylı şəhər tam orta məktəbinin pedoqoji kollektivinə rəhbərlik etmişdir.
19.12.2005-ci il tarixindən həmin məktəbdə müəllim saxlanılmaqla təhsil şöbəsində metodist vəzifəsində çalışmışdır. Daha sonra rayonun Akademik Zərifə Əliyeva adına 3 saylı tam orta məktəbində kimya-biologiya müəlliməsi kimi fəaliyyətini davam etdirmişdir.
Təhsil sahəsində gördüyü xidmətlərinə görə Qabaqcıl Maarif xadimi, Əməkdar Təhsil işçisi, SSRİ Maarif Əlaçısı fəxri adlarına layiq görülmüşdür.