Stenford həbsxana eksperimenti (film)
Stenford həbsxana eksperimenti (ing. The Stanford Prison Experiment) – Kayl Patrik Alvarezin rejissorluğu və Tim Telbottun ssenaristliyi çəkilmiş 2015-ci il istehsalı ABŞ dram və triller filmi. Əsas rollarda Billi Krudap, Maykl Anqarano, Ezra Miller, Tay Şeridan, Keyr Qilkrist, Oliviya Tirlbi və Nelsan Ellis çıxış edirlər. Film 1971-ci ildə baş tutmuş Stenford həbsxana eksperimentindən bəhs edir: Filip Zimbardonun başçılığı ilə keçirilən təcrübədə tələbələr məhkum və mühafizəçi olmaqla iki qrupa bölünür. Məqsəd avtoritar gücün insanlara necə təsir göstərdiyini tədqiq etməkdir.
| Stenford həbsxana eksperimenti | |
|---|---|
| ing. The Stanford Prison Experiment | |
 Filmin posteri. | |
| Janr | dram, triller |
| Rejissor | Kayl Patrik Alvarez |
| Prodüserlər |
Brent Emeri Lizzi Fridmann Karen Lauder Qreq Littl Kristofer Makkuorri |
| İcraçı prodüser | Brayan Gerati[d] |
| Ssenari müəllifi | Tim Telbott |
| Baş rollarda |
Billi Krudap Maykl Anqarano Ezra Miller Oliviya Tirbli Tay Şeridan Keyr Qilkrist Nelsan Ellis |
| Bəstəkar | Endrü Hyuit |
| İstehsalçılar |
Abandon Pictures Coup d'Etat Films Sandbar Pictures |
| Distribütor | IFC Films, Netflix |
| İlk baxış tarixi |
26 yanvar 2015 (Sandens) 17 iyul 2015 (ABŞ) |
| Müddət | 122 dəq.[1] |
| Gəlir | 649.690[2] $ |
| Ölkə |
 ABŞ |
| Dil | ingilis |
| İl | 2015 |
| Rəng | rəngli |
| Çəkiliş yeri | San-Fransisko, Los-Anceles |
| IMDb | ID0420293 |
Layihə 2002-ci ildə açıqlanmış, hazırlanması 12 il çəkmiş və çəkilişlər 19 avqust 2014-cü ildə Los-Ancelesdə başlamışdır. Film Sandbar Pictures və Abandon Pictures tərəfindən istehsal olunmuş və premyerası 2015-ci ildə Sandens Film Festivalında baş tutmuşdur. 17 iyul 2015-ci ildə isə bütün ABŞ kinoteatrlarından buraxılmışdır. Film tənqidçilər tərəfindən müsbət rəylər almışdır.
Məzmun
redaktəStenford Universitetinin psixologiya professoru Filip Zimbardo məhkumlar və mühafizəçilər arasındakı münasibəti öyrənmək üçün universitetdə təcrübə keçirməyə qərar verir. Bunun üçün qəzetdə elan verilir və təcrübə üçün 15 gənc tələbə seçilir. Onlar məhkumlar və mühafizəçilər olmaqla iki qrupa bölünür. 14 günlük həbsxana simulyatorunda onlar gündə 15 $ pul alacaqlar. Saxta həbsxana universitetin psixologiya fakültəsinin binasında, İordaniya zalının zirzəmisində yaradılır. Lakin eksperimentin gedişatında mühafizəçi olanlar özlərini rollarına çox verirlər və məhkum olanlara qarşı aqresiv davranmağa başlayırlar. Məhkum olan iki iştirakçı psixoloji gərginliyə tab gətirməyərək eksperimentdən erkən ayrılır. Nəhayət sevgilisi Kristina Maslaçın da xəbərdarlığı ilə Zimbardo 6 gün sonra eksperimenti dayandırmalı olur.
Rollarda
redaktə- Billi Krudup Dr. Filip Zimbardo rolunda.[3]
- Maykl Anqarano Kristofer Arçer / Mühafizəçi "Con Ueyn" rolunda.[3]
- Moyzes Arias Entoni Keroll rolunda.
- Nikolas Braun Karl Vendi rolunda.[4]
- Qay Çarlz Pol Voqel rolunda.[5]
- Keyr Qilkrist Con Lovett rolunda.
- Li Ki Hon Qevin Li / Məhkum 3401 rolunda.[5]
- Tomas Mann Məhkum 416 rolunda.
- Ezra Miller Daniel Kalp / Məhkum 8612 rolunda.[3]
- Loqan Miller Cerri Şerman / Məhkum 5486 rolunda.[5]
- Tay Şeridan Piter Mitçell / Məhkum 819 rolunda.[5]
- Conni Simmons Ceff Censen / Məhkum 1037 rolunda.[5]
- Ceyms Uok Mayk Penni rolunda.[5]
- Nelsan Ellis Cessi Fletçer rolunda.[5]
- Oliviya Tirlbi Dr. Kristina Maslaç rolunda.[5]
- Mett Bennett Kayl Parker rolunda.
- Cess Karere Pol Bitti / Məhkum 5704 rolunda.[6]
- Brett Devern Habbi Uitlou / Məhkum 7258 rolunda.[7]
- Ceyms Freşevill Metyu Taunşend rolunda.[5]
- Maylz Heyzer Marşall Lovett rolunda.
- Cek Kilmer Cim Randall / Məhkum 4325 rolunda.[8]
- Kallan Makoliff Henri Vard rolunda.
- Benedikt Samuel Ceykob Hardinq rolunda.
- Kris Şeffild Tom Tompson / Məhkum 2093 rolunda.
İstehsal
redaktəStenford həbsxana eksperimenti haqqında film 2002-ci ildə anons edilmişdir. Həmin il Brent Emeri Tim Telbottla film üçün ssenari yazması barədə razılaşmışdır. Bəzi problemlər layihənin düz 12 il gecikməsinə səbəb olmuşdur.[3] 2006-cı ildə eksperiment haqqında iki film istehsalda idi: biri Maverick Films studiyasında olan film, biri də Inferno-nun "Eksperiment" filmi.
19 avqust 2014-cü ildə Sandbar Pictures və Abandon Pictures filmi maliyyələşdirməyə başlamışdır. Kayl Patrik Alvarez rejissor seçilmişdir. Brent Emeri, Lizzi Fridmann, Karen Lauder, Qreq Littl, Kristofer Makkuorri prodüserlər olmuşdurlar.
Əsas çəkilişlər 19 avqust 2014-cü ildə Los-Ancelesdə başlamış və 21 gün çəkmişdir.
Buraxılış
redaktəFilmin premyerası 26 yanvar 2015-ci ildə Sandens Film Festivalında baş tutmuşdur.
Mükafatlar
redaktə| Mükafatların siyahısı | |||
|---|---|---|---|
| Mükafat / Film festivalı | Kateqoriya | Qəbul edən(lər) | Nəticə |
| 31-ci Sandens Film Festivalı | Böyük jüri mükafatı (ABŞ dramatik) |
Kayl Patrik Alvarez | Namizəd[9] |
| Alfred P. Sloan mükafatı | Qazandı[10] | ||
| Uoldo Salt Ssenaristlik Mükafatı (ABŞ dramatik) |
Tim Telbott | Qazandı[9] | |
İstinadlar
redaktə- ↑ "The Stanford Prison Experiment (15)". British Board of Film Classification. May 31, 2016. May 8, 2019 tarixində arxivləşdirilib. İstifadə tarixi: 1 aprel 2018.
- ↑ "The Stanford Prison Experiment (2015)". Box Office Mojo. 2015-07-19. 2019-04-04 tarixində arxivləşdirilib. İstifadə tarixi: 1 aprel 2018.
- ↑ 1 2 3 4 Sneider, Jeff. "Billy Crudup, Ezra Miller, Michael Angarano to Star in 'Stanford Prison Experiment'". thewrap.com. August 19, 2014. June 14, 2016 tarixində arxivləşdirilib. İstifadə tarixi: September 10, 2014.
- ↑ Yamato, Jen. "Nick Braun Heads To 'Stanford'". deadline.com. August 28, 2014. January 22, 2022 tarixində arxivləşdirilib. İstifadə tarixi: September 10, 2014.
- ↑ 1 2 3 4 5 6 7 8 9 Yamato, Jen. "'Stanford Prison Experiment' Adds Olivia Thirlby, 'True Blood's Nelsan Ellis, More". deadline.com. October 10, 2014. June 1, 2016 tarixində arxivləşdirilib. İstifadə tarixi: October 11, 2014.
- ↑ "Jesse Carere Takes Part In 'Stanford Prison Experiment'". deadline.com. September 9, 2014. April 17, 2021 tarixində arxivləşdirilib. İstifadə tarixi: September 10, 2014.
- ↑ Yamato, Jen. "'Awkward's Brett Davern Heads To 'Stanford'". deadline.com. September 4, 2014. September 21, 2021 tarixində arxivləşdirilib. İstifadə tarixi: September 10, 2014.
- ↑ Yamato, Jen. "Jack Kilmer Joins 'Stanford Prison Experiment'". deadline.com. August 26, 2014. September 9, 2014 tarixində arxivləşdirilib. İstifadə tarixi: September 10, 2014.
- ↑ 1 2 "Here Are Your 2015 Sundance Film Festival Winners". 18 January 2018 tarixində arxivləşdirilib. İstifadə tarixi: 2 February 2015.
- ↑ "Sundance Institute and Alfred P. Slan Foundation Award" (PDF). 2016-03-04 tarixində orijinalından (PDF) arxivləşdirilib. İstifadə tarixi: January 26, 2014.
Xarici keçidlər
redaktə- Stenford həbsxana eksperimenti Rotten Tomatoes saytında (ing.)
- Stenford həbsxana eksperimenti Metacritic-də