Suffocation
Suffocation — 1988-ci ildə Nyu Yorkda yaranmış amerikan det metal qrupu.
| Suffocation | |
|---|---|
 Qrupunun 2004–2012-ci illərdəki heyəti | |
| Əsas məlumatlar | |
| Üslub |
det metal texniki det metal brutal det metal |
| Fəaliyyət illəri |
1988—1998 2002—indiyə kimi |
| Ölkə |
 ABŞ |
| Şəhər | Nyu-York |
| Leybl |
Nuclear Blast Relapse Roadrunner |
| Heyət |
Terrans Hobbs Derek Bayer Erik Morotti Çarli Erriqo Riki Mayers |
| Keçmiş üzvlər |
Frank Mullen Duq Çerrito Coş Beyron Kris Riçards Mayk Smit Deyv Kalros Qiy Marşe Duq Bonn Kevin Teyli |
| Nuclear Blast səhifəsi | |
 Vikianbarda əlaqəli mediafayllar | |
1991-ci ildə "Effigy of the Forgotten" adlı ilk demo albomunu çıxardaraq başlayan qrup, fəaliyyətə başlayandan arıtq yeddi studiya albomunu yayımlayıb. Cannibal Corpse, Immolation, Morbid Angel, Nile, Obituary, Deicide, Dying Fetus, Incantation kimi qruplarla yanaşı Suffocation da öz janrının əhəmiyyətli qruplarından biridir.
1993-cü ildə barabançı Mayk Smit qrupdan ayrılır və yerinə Doq Bon gəlir. Bu yerdəyişmədən sonra qrup ikinci studiya albomları olan "Breeding the Spawn"-ı çıxardır. 1995-ci ildə "Pierced from Within" adlı albomu yayımlayan qrup ABŞ, Meksika, Kanada və Avropanın da daxil olduğu genişmiqyaslı bir tura çıxır.
1998-ci ildə Vulture Records vasitəsilə "Despise the Sun" adlı bir EP yayımlayan qrup, qısa bir müddət sonra dağılır. Albom 2000 və 2002-ci ildə Relapse Records səsyazma şirkəti vasitəsilə yenidən yayımlanır.
2003-cü ildə qrup yenidən bir araya gəlir və albom hazırlıqlarına başlayır. Qrup 2004-cü ilin aprel ayında "Souls to Deny" adlı dördüncü studiya albomlarını çıxardır. Daha sonra qrupun ABŞ və Avropa səhnələrində 400'dən çox çıxışı olur. Wacken Festivalı çərçivəsində Almaniyada 33,000 dinləyici qarşısında çıxış edən qrup, 2006-cı ildə qrup ilə eyni adı daşıyan "Suffocation" albomunu çıxardır.
2008-ci ildə alman səsyazma şirkəti olan Nuclear Blast ilə müqavilə imzalayır və altıncı studiya albomu olan "Blood Oath"-ı bu şirkətin adı altında 2009-cu ildə çıxardır. Albom "Billboard 200" siyahısında 135-ci yerdə qərarlaşır.
2010-cu ilin may ayında qrup Napalm Death ilə birlikdə Meksika və Cənubi Amerika turuna çıxır. 2012-ci ilin fevral ayında Smit yenidən qrupdan ayrılır və onun yerinə Deyv Kalros gəlir.
2012-ci ilin sentyabr ayında qrup yeni albom üzərində işlədiklərini açıqlayır. Qrupun yeddinci studiya albomu olan "Pinnacle of Bedlam" 2013-cü il 15 fevral tarixində işıq üzü görür.
Studiya albomları
redaktə- 1991 — Effigy of the Forgotten
- 1993 — Breeding the Spawn
- 1995 — Pierced from Within
- 2004 — Souls to Deny
- 2006 — Suffocation
- 2009 — Blood Oath
- 2013 — Pinnacle of Bedlam
- 2017 — …Of the Dark Light