Tacəddin Şahdağlı

Məmmədov Tacəddin Abdulla oğlu — şair, jurnalist, Azərbaycan Yazıçılar Birliyinin və Azərbaycan Jurnalistlər Birliyinin üzvü idi.

TACƏDDİN ŞAHDAĞLI
Tacəddin Abdulla oğlu Məmmədov (Şahdağlı)
Doğum tarixi	29 mart 1928
Doğum yeri	Qəbələ rayonu, Xırxatala kəndi
Vəfat tarixi	9 aprel 2019-cu il
Vəfat yeri	Qəbələ şəhəri
Fəaliyyəti	şair/jurnalist

Həyatı

Tacəddin Abdulla oğlu Məmmədov (Şahdağlı) 29 mart 1928-ci ildə Qəbələ rayonunun Xırxatala kəndində dülgər ailəsində anadan olmuşdur. Şair 9 aprel 2019-cu ildə Qəbələ şəhərində vəfat etmişdir. Şairin bir oğlu, beş qızı, 14 nəvəsi, 15 nəticəsi var.

Təhsili və əmək fəaliyyəti

İbtidai təhsilini Qutqaşen (indiki Qəbələ) rayonunun Xırxatala kəndindəki ibtidai məktəbdə (1935 – 1939), orta təhsilini isə rayonun Bum kənd orta məktəbində (1939 - 1945) almışdır. O, Ağdaş Pedaqoji texnikumunda (1945 – 1948), Azərbaycan Dövlət Pedaqoji İnstitutunun dil-ədəbiyyat (1953 – 1957) və Azərbaycan Dövlət Universitenin jurnalistika fakültəsində (1969 – 1975) təhsil almışdır.

1950-1952-ci illərdə orduda xidmət edərək, kiçik leytenant rütbəsində ehtiyata buraxılmışdır.

Qəbələ rayonunun müxtəlif məktəblərində və Xaldan rayon məktəbində Azərbaycan dili və ədəbiyyatı müəllimi işləmişdir.

Qəbələdə vaxtilə çıxan "Qalibiyyət" qəzeti redaksiyasında əvvəlcə ədəbi işçi, baş ədəbi işçi, şöbə müdiri və redaktor vəzifəsində çalışmışdır.

Ədəbi fəaliyyəti

Şair Azərbaycan Yazıçlar və Jurnalistlər Birliklərinin üzvü idi. Şair, eləcə də, SSRİ Jurnalistlər Birliyinin üzvü olmuşdur.

Şair 19 kitabın müəllifi idi. "İki yuva" adlı ilk şeirlər kitabı 1970-ci ildə Gənclik nəşriyyatı tərəfindən nəşr edilmişdir. Sonrakı kitablarına daxildir: "Rəna və quşlar" (1979), "İşıqlar, uşaqlar" (1983), "Dağlara qar yağıb" (1986), "Yaxşılıq" (1990), "Mənim altı ürəyim" (1998), "Qəbələnin əfsanəsi" (1998), "İbrahimin nəğmələri" (1999), "Salam, Dağlar" (2001), "Gülnaz" (2002), "Üzeyir sevgisi, Səməd istəyi" (2003), "Ərəş elləri" (2004), "Gecə durnalar gedər" (2005), "Mən qocalardım" (2006), "Dahilər görüşür" (2007), "Çiçəklər dərsdən gəlir" (2009), "Cürətsizin cürəti" (2009)

20-dən çox şeirinə Azərbaycanın tanınmış bəstəkarları, o cümlədən, Bəxtiyar Kərimov, Cahangir Zülfüqarov, Əfsər Cavanşirov, Ələkbər Tağıyev, Nazim Qəmərlinski, Ramiz Mustafayev, Sevda Məmmədli, Vasif Adıgözəlov və müğənni, SSRİ Xalq artisti Zeynəb Xanlarova mahnı bəstələmişdir.

Mahnılarını SSRİ Xalq artisti Zeynəb Xanlarova, Xalq artisti Şövkət Ələkbərova, Akif İslamzadə, Elmira Rəhimova, Aygün Bəylər, İlqar Muradov, Elton Hüseynəliyev və b. ifa etmişlər.

Şerilərində daha çox ana yurdu Azərbaycanı, onun füsunkar təbiətini, tarixini, görkəmli şəxsiyytələrini tərənnüm edən şair, uşaqlar üçün də çoxlu şeirlər yazmışdır. Dövrünün əyriliklərinə biganə qalmayan şair satirik şeirlərində bu əyrilikləri ustalıqla qılınclamış, bu yolla oxucularını cəmiyyətdəki mənfilikərə biganə qalmamağa çağırmışdır.

Şeirləri rus və ingilis dillərinə də tərcümə olunmuşdur.

https://www.youtube.com/watch?v=URYmGsgT9HY

https://sozmusiqi.wordpress.com/az/composer/vasif-adigozalov/xosum-gelir/

http://www.azerivideo.net/emil-r%C9%99hmanov-t%C9%99kc%C9%99-s%C9%99nd%C9%99n-xosum-g%C9%99lir_a6a025a52.html Arxivləşdirilib 2019-04-23 at the Wayback Machine

https://www.youtube.com/watch?v=jnK5bWSsUwk

https://minbirmahni.blogspot.com/2017/09/duz-bir-ildir-mahn-sozlrisark-sozulyrics.html

https://www.youtube.com/watch?v=DLJumPkxWaQ

http://gabala.cls.az/more/text/7493 Arxivləşdirilib 2019-04-23 at the Wayback Machine

https://www.youtube.com/watch?v=3hwWjcF_D70

http://az.baku-art.com/index.php?newsid=9817

https://www.youtube.com/watch?v=Dwe1sLSB77A

https://picgra.com/media/2018234566153738297 Arxivləşdirilib 2019-04-23 at the Wayback Machine