Tahir Bağırov (milli qəhrəman)

Tahir Əminağa oğlu Bağırov (14 iyul 1957(1957-07-14), Türkmənbaşı, Balkan vilayəti11 oktyabr 1992(1992-10-11), Qarabağ) — baş çavuş, Azərbaycanın Milli Qəhrəmanı; Qarabağ müharibəsi şəhidi.

Tahir Bağırov
Tahir Bağırov.jpg
Şəxsi məlumatlar
Doğum tarixi 14 iyul 1957(1957-07-14)
Doğum yeri
Vəfat tarixi 11 oktyabr 1992(1992-10-11) (35 yaşında)
Vəfat yeri
Hərbi fəaliyyəti
Rütbə Baş çavuş
Təltifləri Azərbaycanın Milli Qəhrəmanı

HəyatıRedaktə

Tahir Bağırov 14 iyul 1957-ci ildə Türkmənistan Respublikasının Krasnovodsk (indiki Türkmənbaşı) şəhərində anadan olmuşdur. Milliyətcə azərbaycanlıdır. Şirvan şəhərində 1974-cü ildə 8-ci sinifi bitirmiş, həmin ildə sürücülük sənətinə yiyələnmişdi. 1977-ci ilin may ayıdan 1979-cu ilin sentyabr ayınadək keçmiş Sovet Ordusu sıralarında həqiqi hərbi xidmətdə olmuşdur. Ordudan tərxis olunduqdan sonra Azneft-1 istehsalat birliyində İES-də nəqliyyat sexində işləmişdir.

Döyüşlərdə iştirakıRedaktə

Tahir Bagırov Milli Ordu hissələri təşkil edilməyə başlananda onun sıralarına qoşulmuşdur. 1992-ci ilin 1 mart tarixində 843-cu hərbi hissənin komandirinin əmri ilə Tahir təlim komandirinin müavini təyin olunmuş, sonra isə Azərbaycan Respublikası hərbi hava qüvvələrinin Mİ-24 helokopterində bort atıcısı vəzifəsinə keçirilmişdi. Qarabağda Ermənistan ekspedisiya korpusuna qarşı keçirilən hərbi əməliyyatlarda iştirak etmişdir.

1992-ci il 11 oktyabrda gedən döyüşlərdə baş çavuş T.Bağırov qəhrəmancasına həlak olmuşdur.

AiləsiRedaktə

Ailəli idi. İki oğlu yadigar qaldı.

Milli QəhrəmanRedaktə

Azərbaycan Respublikası Prezidentinin 9 fevral 1993-cü il tarixli fəmanı ilə Tahir Əminağa oğlu Bagırova Azərbaycanın Milli Qəhrəmanı adı verilmişdir.

Bakı şəhərində Şəhidlər Xiyabanında dəfn edilib.

Şirvan şəhərində yaşadığı küçəyə,11 saylı və 59 saylı orta məktəbə onun adı verilib.

İstinadlarRedaktə

MənbəRedaktə

Xarici keçidlərRedaktə