Taksi

Taksi (fr. taximetre, lat. taxo — qiymətini müəyyən edirəm), taksomotor — getdiyi yolun haqqı taksometrə əsasən ödənilən sərnişin və ya yük avtomobili.

Taksi, London

Eyni zamanda həm yük, həm də sərnişin daşıyan taksilər də var. Taksi kimi seriya ilə buraxılan, həmçinin konstruksiyasında talsiyə məxsus xüsusiyyətlər nəzərə alınmış xüsusi avtomobillərdən istifadə olunur. İlk taksilər Londonda 1903-cü ildə işləməyə başlamışdır. Taksi dayanacaqlarında xüsusi işarələr qoyulur, bəzən dayanacaqlar rabitə vasitələri olan dispetçer məntəqələri və siqnalizasiya qurğuları ilə təchiz olunur. Marşrut taksiləri də var. Bəzi şəhərlərdə "ekspres-taksi" adlanan nəqliyyat hərəkəti təşkil olunur. Belə taksilər dayanacaqlara daxil olmur, şəhər daxilində hərəkət edərək sərnişinləri küçənin istənilən yerində maşına mindirir.

Boyama

Bəzi ölkələrdə taksilər yolda fərqlənmək üçün adətən müəyyən rəngə boyanır.

• Azərbaycan - Sarı və ya Bənövşəyi
• Türkiyə - Sarı
• London - Qara;
• Nyu York - Dispetçerlərlə işləməyən və yolda dayandırıla bilən bütün taksilər üçün sarı;
• Polşa - Bütün rənglərdən istifadə etmək olar;
• Hollandiya - Qara və sarı, misal: taksi rotterdam;
• Honq Konq - Qırmızı

Mənbə

• Chingiz Rahimov МЕТОДЫ ОПРЕДЕЛЕНИЯ ТРЕБУЕМОГО КОЛИЧЕСТВА ЛЕГКОВЫХ АВТОМОБИЛЕЙ ТАКСИ И ПРАКТИКА МИРОВЫХ СТРАН В ЭТОЙ ОБЛАСТИ Arxivləşdirilib 2012-09-06 at the Wayback Machine
• Bakı şəhərində avtobus sərnişin daşımalarının təşkilində müasir üsulların tətbiqi
• Avtomobil nəqliyyatı haqqında Azərbaycan Respublikasının Qanunu