Talıb Tale
Bu məqalədəki məlumatların yoxlanıla bilməsi üçün əlavə mənbələrə ehtiyac var. |
Talıb Tale (Talıb Ələsgər oğlu Ələsgərov; 16 fevral 1981, Ağkilsə, Vardenis rayonu) — Azərbaycan müğənnisi, ifaçı, söz yazarı, bəstəkar və rejissor.
| Talıb Tale | |
|---|---|
| Ümumi məlumatlar | |
| Ləqəbi | Tale |
| Doğum tarixi | 16 fevral 1981 (43 yaş) |
| Doğum yeri | |
| Musiqiçi məlumatları | |
| Fəaliyyəti | müğənni |
Həyatı
redaktəTalıb Tale 1981-ci il 16 fevralda Göyçə mahalının Ağkilsə kəndində, Aşıq Ələsgərin ocağında dünyaya göz açıb. Ailədə dörd uşaqdırlar. Talıb ailənin 3-cü övladıdır.[1]
Azərbaycanlıların Ermənistandan köçürülməsi nəticəsində 1988-ci ildə doğulduğu kənddən ailəsi ilə birlikdə Göygöl rayonuna köçmüşdür.
Təhsili
redaktəGöygöl rayonundakı Səməd Vurğun adına 3 nömrəli orta məktəbə daxil olmuş və əla qiymətlərlə orta məktəbi bitirmişdir. Ali təhsilini isə Bakı Dövlət Universitetinin Sosial elmlər və psixologiya fakültəsində almışdır.
1997-1998-ci illərdə Gəncə şəhərindəki "Araz" hazırlıq kursunu bitirmişdir.
Musiqiçilik fəaliyyəti
redaktəTalıb Tale sazda ifa etməyi bacarır. Aşıq Ələsgərin "Tellərin" şeirinə yeni aranjımanda musiqi bəstələyib və ifa edib. Talıbın oxuduğu bəzi mahnıların söz və musiqiləri özünə aiddir.[1]
Təltif və mükafatları
redaktə1998-ci ildə "Yeniyetmələr arasında keçirilən kinqboksinq üzrə respublika çempionatı"nda birinci yerə layiq görülmüşdür.
2017-ci ilin oktyabr ayında keçirilən "Maşın" realiti-şousunun 15-ci "sürəti"ndə qalib olmuşdur.
Ailəsi
redaktəTalıb Tale 25 may 2024-cü ildə ailə həyatı qurmuşdur. İslam Ələsgərin nəvəsi, Aşıq Talıbın nəticəsi, Aşıq Ələsgərin kötücəsidir.[1]
İstinadlar
redaktə- ↑ 1 2 3 Savalan Talıblı. "Talıb Tale illər öncə gələcəkdə baş verəcək hadisəni söyləyib. İfaçının əmisiylə müsahibə" (az.). analoq.az. 25.10.2017. 2017-10-26 tarixində arxivləşdirilib. İstifadə tarixi: 2017-10-26.