Talıbxan bəy Talıbxanov
Bu məqalənin sonunda mənbə siyahısı var, lakin mətndaxili mənbələr heç və ya kifayət qədər istifadə edilmədiyi üçün bəzi məlumatların mənbəsi bilinmir. |
Talıbxan bəy Talıbxanov (24 may 1859, Qacar – bilinmir) — Azərbaycan Xalq Cümhuriyyəti dönəmində Şamaxı qəzasının rəisi.
| Talıbxan bəy Talıbxanov | |
|---|---|
| Talıbxan bəy Məşədi Hüseyn bəy oğlu Talıbxanov | |
 | |
  | |
Vəzifədədir | |
| 14 mart 1920-ci ildən | |
| Əvvəlki | Səlim bəy Ağakişibəyov |
| Şəxsi məlumatlar | |
| Doğum tarixi | 24 may 1859 |
| Doğum yeri | |
| Vəfat tarixi | bilinmir |
| Uşaqları | |
Həyatı
redaktəTalıbxan bəy Məşədi Hüseyn bəy oğlu 24 may 1859-cu ildə Şuşa qəzasının Vərəndə sahəsinin Qacar kəndində anadan olmuşdu. Molla yanında ibtidai təhsil almışdı. Sonra ailə şəraitində rus dilini öyrənmişdi. 1881-ci ilin avqustun 1-də Bakı şəhəri İvanov sahəsində katib köməkçisi kimi işə başlamışdı. 1882-ci ildə Quba qəzasına tərcüməçi kimi göndərilmişdi. 1883-cü ilin dekabrından Quba qəzasında pristav köməkçisi vəzifəsinə dəyişilmişdi.4 iyun 1884-cü ildə Qubadakı həbsxanaya baxıcı təyin edilmişdi. 22 sentyabr 1888-ci ildə Quba şəhər pristavının köməkçisi vəzifəsinə dəyişilmişdi. 18 oktyabr 1890-cı ildə yenidən həbsxana baxıcısı vəzifəsinə göndərilmişdi.
Talıbxan bəy 31 mart 1892-ci ildə Göyçay qəzasının Bərgüşad nahiyəsinə polis pristavı təyin edilmişdi. 1894-cü ilin 24-ü sentyabrda Kürdəmir nahiyəsinə polis pristavı vəzifəsinə dəyişilmişdi. 1901-ci ilədək orada işləmişdi. Həmin ilin 21 sentyabrında Bakı qəzasının Maştağa nahiyəsinə polis pristavı vəzifəsinə göndərilmişdi.
Talıbxan bəy Talıbxanov 19 mart 1903-cü ildə Bakı qəzasının Bibiheybət nahiyəsinə polis pristavı vəzifəsinə dəyişilmişdi. 1907-ci ilədək orda çalışmışdı. Həmin ilin 21 sentyabrında Göyçay qəzasının Kürdəmir nahiyəsinə köHnə vəzifəsinə göndərilmişdi. 1909-cu ilin 1 yanvarında Göyçay qəza rəisinin müavini vəzifəsinə təyin edilmişdi. 24 iyun 1910-cu ildə Bakı qəza rəisinin müavini vəzifəsinə dəyişilmişdi.
T. Talıbxanov 1918–1920-ci illərdə, ADR dönəmində Şamaxı qəzasının rəisi vəzifəsində çalışmışdı.
T. Talıbxanov 1920-ci ildə Türkiyəyə mühacirət edib.
Talıbxan bəy Xeyrənsə xanım Məmiş bəy qızı Mirzəcamalova ilə Həyat qurmuşdu. Hüseyn bəy adlı oğlu, Qəmər xanım, Sürəyya xanım, Sona xanım, Dilşad xanım adlı qızları vardı.
Mükafatları
redaktəTalıbxan bəy 16 yanvar 1886-cı ildə kollec qeydiyyatçısı, 10 aprel 1889-cu ildə quberniya katibi, 27 mart 1893-cü ildə kollec katibi, 10 aprel 1895-ci ildə titulyar müşavir, 17 iyul 1900-cü ildə kollec asessoru, 13 iyun 1902-ci ildə saray müşaviri, 1 yanvar 1907-ci ildə kollec müşaviri mülki çinləri almışdı.
О, 26 fevral 1896-cı ildə gümüş medal, 28 sentyabr 1896-cı ildə 4-cü dərəcəli "Müqəddəs Vladimir" ordeni, 3 fevral 1902-ci ildə 3-cü dərəcəli "Müqəddəs Anna" ordeni, 19 mart 1903-cü ildə 3-cü dərəcəli "Şiri-Xurşid ordeni", III Aleksandr medalı ilə təltif edilmişdi.
Mənbə
redaktə- Ənvər Çingizoğlu, Qacarlar və Qacar kəndi, Bakı, "Şuşa", 2008, səh.292–293;
- Ənvər Çingizoğlu, Bir Qacar soyu: Talıbxanovlar, "Soy" tarixi-etnoqrafik dərgi, 2012, № 4, səh.3–10.