Tale Heydərov

Tale Kəmaləddin oğlu Heydərov (9 fevral 1985) — Avropa Azərbaycan Cəmiyyətinin təsisçisi və sədri (2008–2018), "Qəbələ" idman klubunun keçmiş prezidenti, Avropa Azərbaycan Məktəbi, "LIBRAFF" kitab mağazaları şəbəkəsinin, media, elm, təhsil və incəsənət sahəsində bir sıra qurumların təsisçisi, Ermənistan — Azərbaycan, Dağlıq Qarabağ münaqişəsinə dair kitab və topluların tərtibçisi, redaktoru və layihələrin müəllifidir.

Tale Heydərov
Tale Kəmaləddin oğlu Heydərov
Tale Heydarov.jpg
Doğum tarixi 9 fevral 1985(1985-02-09) (37 yaş)
Atası Kəmaləddin Heydərov
Təhsili
Fəaliyyəti iş adamı
Mükafatları "Tərəqqi" medalı
Saytı taleheydarov.com

TəhsiliRedaktə

2001–2003 illərdə Londonda Kolinqam Kollecində oxumuşdur.

2003–2006 illərdə Londonda İqtisadiyyat Məktəbinin beynəlxalq əlaqələr və tarix fakültəsində təhsil alıb.

2006 −2008 illərdə London Birkbek Universitetində beynəlxalq təhlükəsizlik və qlobal idarəetmə üzrə magistr elmi dərəcəsi alıb.[1]

Avropa Azərbaycan Cəmiyyətində (AAC/TEAS) fəaliyyətiRedaktə

TEAS Tale Heydərov tərəfindən 2006-cı ildə təsis olunmuş London Azərbaycan Cəmiyyətinin əsasında 2008-ci ilin noyabr ayında yaradılmışdır. Tale Heydərov təşkilatın təsisçisi və sədri vəzifəsində fəaliyyət göstərmişdir. Avropa Azərbaycan Cəmiyyətinin məqsədi Azərbaycanın dünyada tanıdılması, onun Avropa ölkələri ilə biznes, ictimai və mədəni əlaqələrinin güclənməsi işinə dəstək verilməsi olmuşdur.[2]

Avropa Azərbaycan Cəmiyyətinin London (Böyük Britaniya), Bakı (Azərbaycan), Brüssel (Belçika), Paris (Fransa), Berlin (Almaniya) və İstanbulda (Türkiyə) nümayəndəlikləri olub.[3]

AAC biznes, ictimai diplomatiya, mədəniyyət və xeyriyyəçilik sahəsində fəaliyyət göstərib. AAC tərəfindən təşkil olunan Biznes Forumlarda Azərbaycanın biznes və investisiya imkanlarını işıqlandırıb.[4] İctimai diplomatiya fəaliyyəti çərçivəsində Azərbaycanın Avropada tanıdılması işi həyata keçirilib.

AAC-nin Azərbaycanın tanıdılmasına dəstək verən mədəniyyət tədbirlərinə Avropanın müxtəlif şəhərlərində təşkil olunan konsertlər, sərgilər, xeyriyyə tədbirləri və kitab təqdimatları daxil olub.[5] AAC istedadlı şagirdlərin Avropa Azərbaycan Məktəbində ödənişsiz təhsil almasını dəstəkləyən TEAS Təqaüd Proqramı təsis etmişdir.

2013-cü ildə AAC-nin Azərbaycan Araşdırmalar Mərkəzini yaradıb. Məqsəd Azərbaycan irsinin, elminin, tarixinin və mədəniyyətinin bütün aspektlərini araşdırmaq və bu araşdırmaların beynəlxalq səviyyədə mübadiləsini həyata keçirməkdir. "Yahad İn Unum"la (Fransa) birlikdə "Azərbaycanın Holokostun önlənməsindəki rolu və II Dünya müharibəsindəki qələbəyə töhfəsi" mövzusunda beynəlxalq simpozium keçirilib.[6] Mərkəz tərəfindən Böyük Britaniya, Türkiyə və Rusiya arxivlərindən Azərbaycan tarixinə dair sənəd və materiallar toplanılmış və nəşrə hazırlanmışdır.

2014-cü ilin iyununda Böyük Britaniyada məşhur "Repton Boks" klubunda yüksək səviyyəli boks turniri təşkil edilib.[7] Bu tədbir sayəsində Mo Farah Fonduna pul vəsaiti toplanıb, Ermənistandan deportasiya edilmiş, həmçinin Ermənistan silahlı qüvvələri tərəfindən Azərbaycan ərazilərinin işğalı nəticəsində doğma torpaqlarından qovulmuş bir milyona yaxın azərbaycanlı qaçqın və məcburi köçkün haqqında məlumatlandırma kampaniyası aparılıb. İngiltərənin veteran futbolçuları Cou Koul, Qari Mabut və Nigel Uinterbörnlə yanaşı, ağır çəkidə boks üzrə keçmiş dünya çempionu Frank Bruno da tədbirə qatılanlar arasında olub.

2018-ci ildə Avropa Azərbaycan Cəmiyyəti fəaliyyətini dayandırıb.

"Qəbələ" idman klubunun prezidentiRedaktə

2005-ci ildən "Qəbələ" Futbol Klubunun, 2013-cü ildən isə klubun bazası əsasında yaradılan "Qəbələ" İdman Klubunun prezidenti olub.

Klubun futbol komandası Azərbaycan Premyer Liqasında çıxış edir. 2010–2011-ci illərdə komandanın baş məşqçisi vəzifəsini Londonun "Arsenal" futbol klubunun və İngiltərə milli komandasının keçmiş kapitanı Toni Adams icra edib. 2013–2014-cü il mövsümündə "Qəbələ" futbol komandası Azərbaycan Premyer Liqasında üçüncü yeri tutub və Avropa Liqası turnirinə vəsiqə qazanıb. "Qəbələ" İdman Klubu müasir idman qurğuları və avadanlıqları ilə yanaşı 3.500 nəfərlik stadion, 5 tamölçülü təbii, 1 tamölçülü və 2 süni örtüklü məşq və 1 qum meydançası ilə təmin olunub.[8] 2009-cu ildə Azərbaycanda ilk futbol akademiyasının açan klub bu addımı ilə ölkədəki istedadlı yeniyetmə və gəncləri peşəkar futbolçu kimi yetişdirmək, Azərbaycan milli komandasının və "Qəbələ"nin sıralarını möhkəmləndirmək missiyasını üzərinə götürüb.[9] Azərbaycanda oxşar təsisatlar arasında ilk və ən qabaqcıl təlim mərkəzi olan "Qəbələ" Futbol Akademiyasının komandaları Azərbaycan Futbol Federasiyaları Assosiasiyasının (AFFA) təşkilatçılığı ilə keçirilən azyaşlıların ölkə çempionatlarında və kubok yarışlarında müvəffəqiyyətlə çıxış edir. Komandaları həmişə mükafatçılar sırasına düşən akademiya Azərbaycan futboluna bir sıra gənc və istedadlı futbolçular bəxş edib. Azərbaycanın əsas milli komandası da daxil olmaqla, gənclər və yeniyetmələrdən ibarət yığmalarda "Qəbələ" futbolçuları üstünlük təşkil edir. "Qəbələ" İdman Klubunun nəzdində futbolla yanaşı cüdo, atıcılıq, boks, karate və taekvando idman növləri üzrə bölmələr fəaliyyət göstərir.

2019-cu il aprelin 10-da Tale Heydərov Qəbələ klubunun prezidenti vəzifəsindən getdiyini açıqlayıb.[10]

Media sahəsində fəaliyyətiRedaktə

2006–2019-cu illərdə ingilisdilli "Visions of Azerbaijan" jurnalını təsis edib və jurnalın baş redaktoru olub.[11] İki aydan bir nəşr edilən jurnal Azərbaycanın tarixini, mədəniyyətini, təbiətini, beynəlxalq əlaqələr, biznes və turizm kontekstində tanıtımını həyata keçirib. Jurnal Ermənistan-Azərbaycan, Dağlıq Qarabağ münaqişəsinin həlli istiqamətində atılmış addımlar haqda da müntəzəm xəbərlər verib.

Təsis etdiyi təhsil, nəşriyyat və digər təsisatlarRedaktə

Avropa Azərbaycan MəktəbiRedaktə

2011-ci ildə Bakıda özəl Avropa Azərbaycan Məktəbinin əsasını qoyub. Məktəbin Himayədarlar Şurasının Prezidentidir.[12] Məktəb müasir dünya təhsilnin ən mühüm nailiyyətlərinin Azərbaycanda tətbiqi istiqamətində geniş iş aparır, yerli pedaqoji kadrlarla eyni zamanda, xarici ölkələrdən dəvət olunmuş müəllimlərdən ibarət çoxsaylı personal şagirdlərin təlim-tərbiyəsi ilə məşğul olur. Məktəbdə şagirdlər üçün xüsusi təqaüd proqramları və aztəminatlı ailələlərin övladları üçün güzəştlər tətbiq edilir. Avropa Azərbaycan Məktəbi Avropa Beynəlxalq Məktəblər Şurasının (ECIS) üzvüdür. 2014-cü ilin sentyabrından Beynəlxalq Bakalavriatın (İB) İbtidai Siniflər Proqramı (PYP) və Diplom Proqramı (DP) üzrə namizəd-məktəbdir.

Müəllimlərin İnkişaf MərkəziRedaktə

2014-cü ildə Azərbaycan Müəllimlərin İnkişaf Mərkəzinin əsasını qoyub. Mərkəzin məqsədi Azərbaycanda modern, yenilikçi və mütərəqqi təhsil şəraiti yaratmağa xidmətdən ibarətdir. 2015-ci ilin fevralında Mərkəz Azərbaycnada ilk dəfə olaraq ECIS (Avropa Beynəlxalq Məktəblər Şurası / European Council of International Schools) ilə birgə ECIS Beynəlxalq Müəllim Sertifikat Proqramı (ECIS International Teacher Certificate) kursları təşkil etmişdir.[13]

"TEAS-Press" Nəşriyyat eviRedaktə

2014-cü ildə "TEAS Press" nəşriyyat evini təsis edib.[14] Nəşriyyat Azərbaycanın ədəbi və elmi nailiyyətlərini dünyada tanıtmaq üçün yerli müəlliflərin əsərlərinin ingilis dilinə tərcüməsi və nəşrini təşkil edir. Dünyanın müxtəlif ölkələrindən olan naşirlərlə nəşriyyat və poliqrafiya sahəsində əməkdaşlıq qurulur, beynəlxalq səviyyədə tanınmış akademik əsərlərin Azərbaycan dilinə tərcüməsi həyata keçirilir. Audio-kitablar hazırlanır.

Nəşriyyatın Rusiya və Türkiyədə ofisləri fəaliyyət göstərir.

2014-cü ilin noyabrında dünyaşöhrətli üşaq yazıçısı Mo Uilyamsın iştirakı ilə TEAS Press nəşriyyatının Azərbaycan dilində uşaq və gənclərə dair kitabların nəşri üzrə ixtisaslaşan "Üç alma" bölməsinin təqdimatı olmuşdur .[15] Nəşriyyat Andersen Press, Capstone Global Library, Hyperion Press, Clavis, Seven Guns kimi dünyanın ən tanınmış uşaq ədəbiyyatı nəşriyyatları kitablarının "Üç alma" adı altında Azərbaycan dilində nəşri üçün onlarla əməkdaşlıq edir.

"LIBRAFF" kitab mağazaları şəbəkəsiRedaktə

2017-ci ildə təsis etdiyi "LIBRAFF" Azərbaycanda ən böyük modern kitab mağazaları şəbəkəsidir. "LIBRAFF" kitab mağazaları şəbəkəsinin Bakıda 5, Sumqayıtda 1, Gəncədə isə 1 filialı fəaliyyət göstərir.[16]

"LIBRAFF"ın "Kitab" bölməsində azərbaycan, rus, ingilis, türk və digər xarici dillərdə olan kitabxanası mövcuddur. Mağazalar yerli və aparıcı beynəlxalq nəşriyyatların klassik əsərlərini, xüsusi seçilmiş müasir ədəbiyyat nümunələrini, uşaq və yeniyetmələrin şəxsi inkişafına istiqamətlənmiş oxu materiallarının satışını həyata keçirir.

Beynəlxalq Film ŞirkətiRedaktə

2012-ci ildə Beynəlxalq Film Şirkəti təsis edərək, yüksək ixtisaslı yaradıcı heyətlə təmin etmişdir.

"Gənc səslər, qədim nəğmələr", "Azərbaycan xaricilərin gözü ilə" və "İvonna Botto-Şirməmmədovanın həyat hekayəsi" filmlərininin icraçı produseri olub.[17]

Maraqlı faktlarRedaktə

Azərbaycan, ingilis, rus və türk dillərini bilir.

AiləRedaktə

Ailəlidir. Bir qızı və iki oğlu var.

MükafatlarıRedaktə

2011-ci il iyulun 4-də də Azərbaycan Respublikası Prezidenti İlham Əliyevin sərəncamı ilə Azərbaycan diasporunun inkişafındakı xidmətlərinə görə "Tərəqqi" medalı ilə təltif edilib.[18]

Əsərləri, redaktə etdiyi və layihə rəhbəri olduğu nəşrlərRedaktə

Azərbaycan dilində

— Qafqazda "erməni məsələsi". Rusiya arxiv sənədləri və nəşrləri üzrə. Üç cilddə. Bakı, 2011

— Liam Foks. Şahə qalxan dalğalar. Yeni qlobal reallıqla qarşılaşarkən. Bakı, 2014

Ingilis dilində

— International visions: The Armenia-Azerbaijan conflict over Karabakh. From history to Future Peace prospects. Baku, 2007

— Azerbaijan: 100 Questions Answered. Baku, 2008

— Ordubadi M. S. Years of blood. A history of the Armenian-Muslim Clashes in the Caucausus, 1905–1906. London, 2010

— The Armenian question in the Caucasus. Russian Archive documents and Publication. vol. 1–3. London, 2012

— Khojaly: Witness of a war crime. Armenia in the dock. London, 2014

Rus dilində

— Азербайджан: 100 вопросов и ответов. Баку, 2008

— "Армянский вопрос" на Кавказе. По материалам российских архивов и изданий. В трех томах. СПб., 2011

— Ордубади М.С. Кровавые годы. История армяно-мусульманской войны на Кавказе в 1905–1906 годах. СПб., 2010

— Карабах: История в контексте конфликта. СПб., 2014

— Ходжалы: Очевидцы — О Военных Преступлениях Суд над Арменией, СПб., 2015

İstinadlarRedaktə

  1. "http://teas.eu/our-team". 2015-05-29 tarixində orijinalından arxivləşdirilib. İstifadə tarixi: 2015-05-14.
  2. "http://teas.eu/az/introduction". 2015-05-22 tarixində orijinalından arxivləşdirilib. İstifadə tarixi: 2015-05-14.
  3. "http://teas.eu/az/offices". 2015-05-24 tarixində orijinalından arxivləşdirilib. İstifadə tarixi: 2015-05-14.
  4. "http://teas.eu/az/teas-business-forum-paris-2013". 2015-03-20 tarixində orijinalından arxivləşdirilib. İstifadə tarixi: 2015-05-14.
  5. "http://teas.eu/az/culture". 2015-06-05 tarixində orijinalından arxivləşdirilib. İstifadə tarixi: 2015-05-14.
  6. "http://news.milli.az/politics/145604.html".
  7. "http://teas.eu/az/past-event-star-studded-charity-boxing-highlights-plight-azerbaijani-refugees-and-idps". 2015-06-05 tarixində orijinalından arxivləşdirilib. İstifadə tarixi: 2015-05-14.
  8. "http://www.gabalafc.az/?mod=content&id=62&lang=az". 2015-06-28 tarixində arxivləşdirilib. İstifadə tarixi: 2015-05-14.
  9. "http://www.gabalafc.az/?mod=academy&sub=content&id=95&lang=az". 2015-03-22 tarixində arxivləşdirilib. İstifadə tarixi: 2015-05-14.
  10. "Tale Heydərov: "Artıq mənim üçün bu vəzifədən getməyin vaxtı çatıb"". 2019-04-12 tarixində arxivləşdirilib. İstifadə tarixi: 2019-04-12.
  11. "http://www.visions.az/static,4/". 2015-05-03 tarixində orijinalından arxivləşdirilib. İstifadə tarixi: 2015-05-14.
  12. "http://eas.az/founder.html". 2015-02-18 tarixində orijinalından arxivləşdirilib. İstifadə tarixi: 2015-05-14.
  13. "http://www.ecis.org/page.cfm?p=862". 2015-06-04 tarixində orijinalından arxivləşdirilib. İstifadə tarixi: 2015-05-14.
  14. "http://teaspress.az". 2016-09-20 tarixində orijinalından arxivləşdirilib. İstifadə tarixi: 2021-04-29.
  15. "http://www.3alma.az/lang,az/". 2020-09-16 tarixində orijinalından arxivləşdirilib. İstifadə tarixi: 2015-05-14.
  16. "˝LIBRAFF˝ kitab mağazasının ˝Sumqayıt˝ filialı açılıb". Apa (az.). 2022-07-11 tarixində arxivləşdirilib. İstifadə tarixi: 3 İyul 2022.
  17. ""Gənc Səslər, Qədim Nəğmə" adlı sənədli filmin nümayişi keçirildi". Teleqraf (az.). 2021-12-08 tarixində arxivləşdirilib. İstifadə tarixi: 22 oktyabr 2016.
  18. "http://president.az/articles/2681". 2021-01-18 tarixində arxivləşdirilib. İstifadə tarixi: 2015-05-14.