Tamon məbədi (Sumida)
Tamon məbədi (多聞寺, Tamon-ci?) – Yaponiyanın Tokio şəhərinin Sumida rayonunda yerləşən, buddizmin Şinqon məktəbinə mənsub məbəd. Məbəd tanrı Bişamontenə həsr olunmuşdur.
| Şinqon buddizmi | |
| Tamon məbədi | |
|---|---|
| Tamon-ci (多聞寺?) | |
.JPG) | |
| Din | |
| İlahi gücü | Bişamonten |
| Yerləşməsi | |
| Ölkə | Yaponiya |
| Şəhər | Tokio |
| Yeri | Sumida |
| Memarlıq | |
| İnşa tarixi | 957 – 961 |
|
|
|
| Saytı | |
| sumidasan-tamonji.or.jp | |
 Vikianbarda əlaqəli mediafayllar | |
Tarixi
redaktəMəbəd 957–961-ci illərdə təşkil olunsa da, Tanşo dövründə (1573–1593) hazırda yerləşdiyi yerə köçürülmüşdür. Məbədin qamışdan hazırlanmış dama malik orijinal darvazası 1718-ci ildə baş vermiş yanğın nəticəsində məhv olmuş və yenidən tikilmişdir.[1]
Məbəd İkinci Dünya müharibəsi zamanı Tokionun hava bombardmanından salamat qalmış azsaylı tikililərdən biri olmuşdur. Məbəddə bu bombardmandan qurtula bilməyən bəzi strukturların fraqmentləri sərgilənir. Bunlardan biri Asakusa Beynəlxalq Teatrına aid olan bir polad parçası, digəri isə bombardman zamanı yanmış, 1991-ci ildə Nişi-Nipporidə kəşf edilmiş ağacın gövdəsidir. Məbəddə müharibə qurbanlarının xatirəsini yad etmək üçün Kannonun heykəli yerləşdirilmişdir.[1]
Tanukilər
redaktəMəbəd yapon folklorundakı mifik canlılar olan tanukilərlə assosiasiya olunur. Bu səbəbdən məbəd Tanuki məbədi kimi tanınır. Məbəddə bir çox tanuki heykəli yerləşir.[1]
Əfsanəyə görə keçmişdə məbəd ərazisi yokayların məskəni, müxtəlif bədheybətlərin evi olmuşdur. Onlardan qurtulmağa qərar vermiş Bankay adlı bir keşiş məbəd qurmuş və tanukilərin yaşadığı qrotun girişini bağlamışdır. Qəzəblənmiş tanukilər keşişi incitməyə başlamış, nəhəng Onyudo cildinə bürünərək onun yuxularına girmişdirlər. Bankay kömək üçün Bişamontenə dua etmiş və Bişamonten tanukiləri dayandırmaq üçün bir nümayəndəlik göndərmişdir. Növbəti gün Bankay və kəndlilər darvazanın önündə ölmüş tanukilərlə qarşılaşmışdırlar. Onlara yazığı gələn keşiş tanukilər üçün məbəddə bir məzar hazırlamışdır. Bu məzar hələ də öz varlığı qoruyur.[1]
Qalereya
redaktə-
Asakusa Beynəlxalq Teatrına aid polad parçası. -
Tanuki heykəli. -
Darvazası. -
Altı Cizo bodhisattvası.
_12.jpg)
İstinadlar
redaktə- ↑ 1 2 3 4 "Tamon-ji (Tanuki Temple)". Atlas Obscura (ingiliscə). 16 yanvar 2024. 17 yanvar 2024 tarixində arxivləşdirilib. İstifadə tarixi: 17 yanvar 2024.