Test

Test (ing. test sözündən) — yoxlama, sınaq, imtahan.

Haqqında

Test məhdud zaman kəsiyində, müəyyən olunmuş məkanda, bərabər şəraitdə, vahid texniki təlimat və metodik göstərişlər çərçivəsində, çətinlik dərəcəsi getdikcə artırılan, keyfiyyətli, effektiv yoxlama-ölçmə materialları ilə təchiz olunmuş test tapşırıqları toplusuna məxsus sualların uyğun şəkildə cavablandırılması, qiymətləndirilməsi, nəticə çıxarılması, son nəticələrin statistik emalı, müqayisəli analizi və elmi-statistik təhlili prosesidir. Test vasitəsilə pedaqoji, psixoloji, sosioloji, tibbi, fizioloji, texniki, intellektual, fiziki və s. baxımdan hər hansı şəxsiyyətin və ya bir qrup şəxsin, komandanın müəyyən istiqamətdə və ya hərtərəfli inkişafı keyfiyyətləri və xüsusiyyətləri özəl olaraq aşkar olunur.

Test sualları birqiymətli şəkildə düzgün, səhv və ya buraxılmış şəklində cavablandırılır.

Tapşırıqların test formasında verilməsi üçün müəyyən tələblərə riayət edilməlidir:

• texniki təlimatların və metodiki göstərişlərin sınaq iştirakçıları üçün eyni olması,
• test tapşırığının məzmun və formasına uyğun təlimatların adekvatlığı,
• məntiqi ifadə tərzinin aydın, anlaşıqlı və lakonik şəkildə olması,
• test elementlərinin düzgün formada yerləşdirilməsi,
• test tapşırıqlarının fasetliyi,
• cavabların yerləşdirilməsi üçün cavab kartlarının hazırlanması,
• qəbul edilmiş forma çərçivəsində qiymətləndirmənin bircinsliyi.

Testologiya – test sistemləri nəzəriyyəsi və praktikası haqqında elmdir.

Testoloq – test sistemləri nəzəriyyəsinə bələd olan, müəyyən praktiki təcrübə keçmiş, müvafiq sertifikasiyaya malik pedaqoji diplomlu mütəxəssisdir.

Test Bankı – Müxtəlif müəlliflər tərəfindən hazırlanmış, müəyyən məqsədlər üçün istifadə olunmuş, aprobasiyadan keçmiş, spesifik özəlliklərlə zənginləşdirilmiş, nizamlı şəkildə sistemləşdirilmiş test tapşırıqları və testlər toplusudur.

Test Tapşırığı – didaktik və texnoloji baxımdan keyfiyyətli, effektli olan yoxlama materialıdır.

Testləşdirmə - Şagird müvəffəqiyyətlərinin, tələbə nailiyyətlərinin qiymətləndirilməsi, aşkar edilməsi, yoxlanılması, ölçülməsi və müvafiq nəticələrdən istifadə edilməsi üçün aparılan sınaq prosesidir.

Proqramlaşdırmada

Kompüter proqramlarında səhvləri aşkar etmək üçün istifadə edilir :

• Proqram təminatının testdən keçirilməsi
  • Proqramlaşdırma sahəsinə həmçinin aşağıdakı testləri əlavə etmək olar :
• Tyurinq testi
• Sadəlik testi

Pedoqogikada

• Pedaqoji test
• Mərkəzləşdirilmiş test imtahanları

Mənbə

• Müasir Test Nəzəriyyəsinin (MTN) Əsasları

Həmçinin bax

• Test üsulu
• Pedaqoji test