Teymur Qaraisayev
Teymur Ənvər oğlu Qaraisayev (20 aprel 1983; Göyçə mahalı — 30 noyabr 2021; Xızı rayonu) — Azərbaycan Silahlı Qüvvələrinin Sərhəd Qoşunlarının kapitanı və pilotu. 30 noyabr 2021-ci ildə Azərbaycan Respublikası Dövlət Sərhəd Xidmətinin hərbi helikopteri Xızı rayonu ərazisində yerləşən "Qaraheybət" aviasiya poliqonunda təlim uçuşları yerinə yetirərkən qəzaya uğraması nəticəsində şəhid olmuşdur.
| Teymur Qaraisayev | |
|---|---|
 | |
| Şəxsi məlumatlar | |
| Doğum tarixi | |
| Doğum yeri | Göyçə mahalı, Ermənistan SSR |
| Vəfat tarixi | (38 yaşında) |
| Vəfat yeri | Xızı rayonu, Azərbaycan |
| Dəfn yeri | II Şəhidlər Xiyabanı |
| Vətəndaşlığı |
 Azərbaycan |
| Atası | Ənvər Qaraisayev |
| Anası | Sinazər Qaraisayeva |
| Təhsili | Heydər Əliyev adına Hərbi İnstitut |
| Hərbi fəaliyyəti | |
| Mənsubiyyəti |
 Azərbaycan Ordusu |
| Qoşun növü |
 Sərhəd Qoşunları |
| Xidmət illəri | 2001—2021 |
| Rütbəsi | Kapitan |
| Vəzifəsi | rabitə rəisi |
| Təltifləri |
     |
Həyatı redaktə
Teymur Qaraisayev 20 aprel 1983-cü ildə Göyçə mahalında Ənvər Qaraisayevin və Sinazər Qaraisayevanın ailəsində anadan olmuşdur.[1] 1988-ci ilin noyabr ayında ermənilər tərəfindən deportasiya edildiyi üçün yaşadığı yeri tərk etmək məcburiyyətində qalaraq Bakıda yaşamağa başlayır. 1989-2000-ci illərdə 70 nömrəli məktəb-liseydə orta təhsil almışdır. 2000-2004-cü illərdə Heydər Əliyev adına Hərbi İnstitutda ali hərbi təhsil almışdır. Ailəli idi, 2 övladı yadigar qaldı.
Hərbi xidməti redaktə
Ali hərbi məktəbi bitirdikdən sonra Teymur Qaraisayev Dövlət Sərhəd Xidmətinin Sərhəd Qoşunlarının sıralarında, "N" saylı hərbi hissələrin birində "leytenant" rütbəsində hərbi vəzifəsinə başlamışdır. Xidmət illərində dəfələrlə Müdafiə Nazirliyinin rəhbərliyi tərəfindən medal, fəxri fərman və təşəkkürnamələrlə təltif edilmiş, "rabitə rəisi" vəzifəsinə təyin olunmuş, "kapitan" rütbəsinə yüksəlmişdir.
30 noyabr 2021-ci ildə Azərbaycan Respublikası Dövlət Sərhəd Xidmətinin (DSX) hərbi helikopteri Xızı rayonu ərazisində yerləşən "Qaraheybət" aviasiya poliqonunda təlim uçuşları yerinə yetirərkən qəzaya uğramışdır.[2] İlkin məlumatlara görə, helikopterin qəzaya uğraması nəticəsində 14 nəfər həlak olmuş, 2 nəfər isə yaralanmışdır.[3][4] Hadisə zamanı kapitan Teymur Qaraisayev şəhid olmuşdur. Onunla və şəhid olan 13 zabitlə ertəsi gün Sərhədçi İdman Olimpiya Mərkəzində vida mərasimi keçirilmiş,[5][6] Teymur Qaraisayev II Şəhidlər Xiyabanında dəfn olunmuşdur.[7]
Azərbaycan Respublikası dövlət sərhədinin mühafizəsinin təmin edilməsində, ərazi bütövlüyünün qorunub saxlanılmasında və sərhəd mühafizə orqanları qarşısında qoyulmuş tapşırıqları yerinə yetirərkən fərqləndiyinə görə Azərbaycan Prezidenti İlham Əliyevin 17.08.2022-ci il tarixli Sərəncamına əsasən Teymur Qaraisayev ölümündən sonra "Vətən uğrunda" medalı ilə təltif edilmişdir.[8]
Təltifləri redaktə
(26.06.2011) — "Qüsursuz xidmətə görə" 3-cü dərəcəli medalı
(26.06.2013) — "Azərbaycan Silahlı Qüvvələrinin 95 illiyi" yubiley medalı
(18.08.2014) — "Azərbaycan Sərhəd Mühafizəsinin 95 illiyi" yubiley medalı
(26.06.2018) — "Azərbaycan Ordusunun 100 illiyi" yubiley medalı
(18.08.2019) — "Azərbaycan Sərhəd Mühafizəsinin 100 illiyi" yubiley medalı
(17.08.2022) — "Vətən uğrunda" medalı (ölümündən sonra)[9]
_yubiley_medal%C4%B1_-_lent.png){kind=small}
.png){kind=small}
.svg){kind=small}
İstinadlar redaktə
- ↑ "Şəhid Teymur Qaraisayev haqqında məlumat". www.unudulmazlar.az (az.). İstifadə tarixi: 20.04.2023.
- ↑ "Military helicopter crash in Azerbaijan kills 14, wounds 2". Associated Press (ingilis). 30 noyabr 2021. 2021-11-30 tarixində arxivləşdirilib. İstifadə tarixi: 30 noyabr 2021 – The Times of Israel vasitəsilə.
- ↑ "Military helicopter crash in Azerbaijan kills 14". Washington Post (ingilis). 30 noyabr 2021. İstifadə tarixi: 1 dekabr 2021.[ölü keçid]
- ↑ "Azerbaijan says 14 dead in military helicopter crash". Hürriyet Daily News (ingilis). 30 noyabr 2021. 2021-11-30 tarixində arxivləşdirilib. İstifadə tarixi: 30 noyabr 2021.
- ↑ Kazımoğlu, Mirmahmud. "Helikopter qəzasında həlak olan hərbi qulluqçularla vida mərasimi keçirilir". Report İnformasiya Agentliyi (az.). 1 dekabr 2021. 2021-12-01 tarixində arxivləşdirilib. İstifadə tarixi: 1 dekabr 2021.
- ↑ Qərib, Səid. "Bu gün helikopter qəzasında həlak olan hərbi qulluqçularla vida mərasimi keçiriləcək". Report İnformasiya Agentliyi (az.). 1 dekabr 2021. 2021-12-01 tarixində arxivləşdirilib. İstifadə tarixi: 1 dekabr 2021.
- ↑ "Şəhid kapitan Xəyyam Əliyev dəfn edildi - Fotolar". Qafqazinfo.az (az.). 1 dekabr 2021. 2023-02-18 tarixində arxivləşdirilib. İstifadə tarixi: 5 yanvar 2023.
- ↑ "Azərbaycan Respublikası Dövlət Sərhəd Xidmətinin hərbi qulluqçularının təltif edilməsi haqqında Azərbaycan Respublikası Prezidentinin Sərəncamı". www.president.az (Azərbaycan Prezidentinin rəsmi saytı) ( (az.)). 17.08.2022. Archived from the original on 2022-08-17. İstifadə tarixi: 17.08.2022.
- ↑ "Azərbaycan Respublikası Dövlət Sərhəd Xidmətinin hərbi qulluqçularının təltif edilməsi haqqında Azərbaycan Respublikası Prezidentinin Sərəncamı". www.president.az (Azərbaycan Prezidentinin rəsmi saytı) ( (az.)). 17.08.2022. 2022-08-17 tarixində arxivləşdirilib. İstifadə tarixi: 17.08.2022.