Teymur bəy Həsənbəyov

Teymur bəy Həsənbəyov (1861-?) — xalq qəhrəmanı, məmur, hüquqşünas.

Teymur bəy Həsənbəyov
Teymur bəy Abbasqulu bəy oğlu Həsənbəyov
Doğum tarixi	1861
Doğum yeri	Şuşa, Şuşa qəzası, Rusiya imperiyası
Vəfat tarixi	17 dekabr 1916
Vəfat yeri	Şuşa, Şuşa qəzası

Həyatı

Teymur bəy Abbasqulu bəy oğlu 1861-ci ildə Şuşa şəhərində anadan olmuşdu. İbtidai təhsilini molla yanında almışdı. Sonra Bakı real məktəbində oxumuşdu. Qəza idarəsində xidmətə başlamışdı. Ağdam nahiyəsinin polis pristavı vəzifəsində çalışmışdı. Gəncənin polismeystri olmuşdu. 1905-1906-cı illərdə camaatı erməni silahlı çetelərinin əlindən qurtarmışdı.

Teymur bəy Həsənbəyov kollej qeydiyyatçısı, titulyar müşavir, kollej asesssoru, saray müşaviri, kollej müşaviri, mülki müşavir mülki çinlərini daşıyırdı.

O, 17 dekabr 1916-cı ildə vəfat edib.

Ailəsi

Teymur bəy Fatma xanım Ata xan qızı Əbraxanova ilə ailə qurmuşdu. Abbas bəy, Maqsud bəy adlı oğulları, Dilruba xanım, Səmayə xanım, Sara xanım və Xurşid xanım adlı qızları vardı.

• Sultan bəy Sultanovun qaynatasıdır.

Mükafatları

• 4-cü dərəcəli Müqəddəs Vladimir ordeni
• III Aleksandrın şərəfinə təsis edilmiş gümüş medal
• Romanovlar sülaləsi hökmranlığının 300 illiyinə həsr edilmiş bürünc medal

Mənbə

• Ənvər Çingizoğlu. Qarabağlı hüquqşünaslar. Bakı: Mütərcim, 2012, 252 səh.