Torres-de-Santa-Krus
Torres-de-Santa-Krus (isp. Torres de Santa Cruz) — əkiz qüllələr olan bir cüt göydələn. Göydələnlər Santa Kruz de Tenerife (Kanar adaları, İspaniya yerləşir). İlk göydələn 2004-cü ildə, ikincisi isə 2006-cı ildə inşa edilmişdir.
| Torres-de-Santa-Krus | |
|---|---|
| Torres de Santa Cruz | |
 | |
|
28°27′22″ şm. e. 16°15′20″ q. u. |
|
| Yeri | Santa-Krus-de-Tenerife |
| Tikilmə tarixi | 2006 |
| Texniki göstəriciləri | |
| Mərtəbə sayı | 35 |
 Vikianbarda əlaqəli mediafayllar | |
Hər bir göydələnin hündürlüyü 120 metrdir (damlarında yerləşdirilmiş antennaları nəzərə almadan); bu göstəricisinə görə əkiz qüllələr təkcə Kanar adalarının deyil, bütün İspaniyanın ən hündür əkiz qüllələridir. Yaşayış binaları arasında isə onlar hündürlüyünə görə İspaniyada üçüncü yerdədir.
Binalar
redaktəBinaların sahəsi 41 753 m²-dir, bundan 9613 m² — yerin altında, 32 140 m² — yerin üzərində yerləşir.
Bu binalar kompleksinin maraqlı özəlliklərindən biri odur ki, onlar müxtəlif vaxtlarda müxtəlif şirkətlər tərəfindən inşa edilmişdir. Birinci bina (2004-cü il) Ferrovial, ikinci bina (2006-cı il) isə Candesa şirkəti tərəfindən inşa olunmuşdur. Tikinti işləri Kanar adalarından olan memar Xulian Vallyadaresin layihəsi əsasında aparılmışdır.
Auditorio de Tenerifenin yaxınlığında yerləşən bu binalar şəhərin simvollarından biri hesab olunur.
Rekordlar
redaktə- Torres-de-Santa-Krus əkiz binaları şəhərdə və bütün Kanar adalarında ən hündür göydələnlərdir.
- 2004-2010-cu illərdə - İspaniyada ən hündür yaşayış binaları olmuşlar, 2011-ci ildən bu göstəriciyə görə 3-cü yerdədirlər.
- İspaniyadakı ən hündür əkiz qüllələrdirlər (Puerta de Europa-dan 6 metr daha hündürdürlər)
- Bu əkiz qüllələr Kanar adalarında damında antennalar quraşdırılmış ilk binalardırlar.
- Eləcə də bu binalar İspaniyanın Piriney yaramadasından kənarda yerləşən yerləşən torpaqlarında ən hündür binalardırlar.
- Bu əkiz qüllələr Kanar adalarının İspaniyanın ən hündür göydələnləri siyahısına daxil olan ilk binalarıdır.
