Toyohaşi Təbii Resurslar Muzeyi

Toyohaşi Təbii Resurslar Muzeyi
Toyohaşi Təbii Resurslar Muzeyi
Əsası qoyulub	1 noyabr 1980
Ölkə	Yaponiya;
Yerləşir	Hiuçizaka[d]
	34°43′44″ şm. e. 137°25′53″ ş. u.HGYO
	toyohaku.gr.jp/chika/
	Vikianbarda əlaqəli mediafayllar

Toyohaşi Təbii Resurslar Muzeyi (豊橋市地下資源館, Toyohaşi-şi Çikaşiqen-kan^?) – Yaponiyanın Ayçi prefekturasının Toyohaşi şəhərində yerləşən elm muzeyi. Yeraltı resurslara, minerallara və enerjiyə həsr olunmuşdur.

Tarixi

Muzeyin tikintisinə 11 iyul 1979-cu ildə başlanmışdır. Tikinti işləri 31 iyul 1980-ci ildə yekunlaşmışdır.^[1] Muzey 1 noyabr 1980-ci ildə Beynəlxalq Uşaq İli münasibətilə açılmış, gələcək nəsillərə yeraltı resurslar haqqında biliklər ötürmək üçün nəzərdə tutulmuşdur.^[2] Muzeyin tikintisi 715,6 milyon yenə başa gəlmişdir. 5 fevral 2010-cu ildə muzeyin damında günəş panelləri sistemi quraşdırılmışdır.^[1]

Ekspozisiya

Muzey 1 yerüstü və 1 yeraltı mərtəbədən ibarətdir.^[1] Ümumi döşəmə sahəsi 2007,97 m² təşkil edir.^[2] Birinci mərtəbədə yerləşən minerallar sərgisində Çin, ABŞ, Avstraliya kimi ölkələrdən gətirilmiş minerallar və süxurlar sərgilənir. Burada metalların əldə olunması, istehsal prosesi və istifadə sahələri haqqında məlumat verilir. Yealtı mərtəbədə yerləşən sərgi əhəngdaşı, kömür və neft kimi qeyri-metal mineralların hasilatına həsr olunmuşdur. Bu sərgidə gələcəkdə istifadə olunacaq alternativ yanacaq mənbələri haqqında məlumat verilir.^[1]

Muzeyin giriş tuneli Mie prefekturasında yerləşən və 1978-ci ildə bağlanmış Kişu mis mədəninin tunellərinin modeli əsasında hazırlanmış replikadır. Muzeyə qonşu binada Toyohaşi Şəhər Audivizual Təhsil Mərkəzi və planetarium yerləşir.^[3] Muzeyin ümumi kolleksiyasına 600 eksponat daxildir. Burada dünya tapılmış ən böyük topaz və ametist mineralları (120 kiloqram), Kişu mədənində istifadə olunmuş lokomotiv modelinin batareya ilə işləyən versiyası, mədən işçilərini əks etdirən kuklalar sərgilənir.^[4]