Tribyut albom
Tribyut albom və ya albom-tribyut (ing. tribute, hərfi mənada tərcüməsi: vergi, xərac, kollektiv hədiyyə), yalnız kəverlərdən ibarət musiqi albomudur .
| Tribyut albom |
|---|
Çox vaxt belə bir albom bir müəllifin, ifaçının və ya musiqi qrupunun müxtəlif musiqiçilər tərəfindən yazılmış və bu ifaçıya həsr olunmuş əsərlərinin toplusudur. Adətən bu cür albomlar, hər hansı bir sənətçinin əsərlərinin kəver versiyalarını ifa edən musiqiçilərin həmin sənətçiyə olan ehtiram və hörmət əlamətidir.[1] Əgər tribyut albom müəllifin özü tərəfindən buraxılırsa, bu, adətən kəverləri yaradanlara minnətdarlıq əlaməti kimi olur.
Bu konsepsiyanın tətbiqi 1981-ci ildə mərhum italyan bəstəkarı Nino Rotanın[2] şərəfinə Amarcord Nino Rota LP -ni (ing. long play - qrammafon valı) buraxan musiqi prodüseri Hal Vilnerə aid edilir. Daha sonra onun rəhbərliyi altında Thelonius Monk, Disney Cartoons, Kurt Veill, Çarls Mingus və Harold Arlenə həsr olunmuş albomlar yaradıldı.
Ən uğurlu tribyut albom, 1998-ci ildə beynəlxalq hit-paradların zirvəsinə çatan Amerika metal qrupu Metallicanın 2005-ci ildə buraxdığı "Garage Inc." albomudur. Albom, Rock Hardın "Bütün zamanların 500 ən böyük rok və metal albomu" siyahısında 500-cü yeri tutdu.[3]
İstinadlar
redaktə- ↑ "Tribute-Alben - Munzinger Biographie". www.munzinger.de. 2021-06-24 tarixində arxivləşdirilib. İstifadə tarixi: 2021-06-21.
- ↑ "Nino Rota: Godfather of Italian music | The Guardian | guardian.co.uk". www.theguardian.com. 2013-11-11 tarixində arxivləşdirilib. İstifadə tarixi: 2021-06-21.
- ↑ Best of Rock & Metal die 500 stärksten Scheiben aller Zeiten.