Tualet yeməyi
Tualet yeməyi (便所飯, benco-meşi?) – Yaponiyada tualetdə yemək yemə fenomenini bildirən termin.[1] Müasir Yaponiyada bəzi şəxslər müxtəlif səbəblərdən tualetdə yemək yeyirlər.[2] Əsas səbəb tək yediklərini digərlərdən gizlətməkdir. Digər səbəblərə pula qənaət etmək,[3] iş yerindəki həmkarlardan gizlənmək[4] və tualetdə özünü daha rahat hiss etmək daxildir.[3]
Praktika
redaktə
Tualet kabinetləri yemək yemək üçün dizayn edilmədiyindən tualetdə yemək üçün istifadə olunan pozisiyalar şəxsdən şəxsə dəyişir. Adətən şəxs Qərb üslubunda olan tualetin qapağının üstündə oturaraq yeməyi yeyir. Bu pozisiya əsərlərdə ən çox təsvir olunan tualetdə yemək yemə pozisiyasıdır. Digər yol isə tualetin qabağında çöməlmək və tualet qapağından stol kimi istifadə etməkdir. Bu pozisiyada şəxs yeməyi dizlərinin üstünə qoyub yeyə də bilər.[5][6]
Yaponiyada tualet yeməyi ilə bağlı az sayda qanun var, çünki bu cür qanunların tətbiqi çətin hesab olunur.[7] Tualetdə yemək yemək gigiyenik baxımdan arzuedilməz hesab olunur. Təhsil, Mədəniyyət, Elm və Texnologiya Nazirliyinin məlumatına görə tualetdə bir çox patogenik mikroorqanizmlər olduğu üçün tualetdə yemək yemək risklidir.[8]
Tədqiqatlar
redaktəTualetdə yemək yeyən insanların statistikası ilə bağlı bir sıra sosial tədqiqatlar aparılmışdır. 2013-cü ildə aparılmış bir tədqiqatda iştirakçıların 12,08%-nin tualetdə yemək yediyi məlum olmuşdur. Onların arasında gənclər və qadınlar üstünlük təşkil edirdi.[9]
2009-cu ildə Hosey Universitetinin professoru Naoki Oqi 487 tələbə arasında sorğu keçirmişdir. İştirakçıların 0,3%-i "tez-tez", 2%-i isə "arada" tualetdə yemək yediyini bildirmişdir.[10] 2012-ci ildə "Mynavi News" tərəfindən 1000 nəfər arasında keçirilmiş sorğuda iştirakçıların 7,1%-inin tualetdə yemək yediyi məlum olmuşdur.[11] 2013-cü ildə "SunRefreHolding" tərəfindən 2459 şəxs arasında keçirilmiş sorğuda iştirakçıların 12%-i tualetdə yemək yediyini bildirmişdir.[2][9] 2015-ci ildə "Sirabee" xəbər saytı tərəfindən 1500 nəfər arasında keçirilmiş sorğuda iştirakçıların 5,5%-i tualetdə yemək yediyini demişdir.[12] Eyni sayt tərəfindən 2017-ci ildə keçirilmiş sorğuda bu dəfə 1342 nəfər iştirak etmiş, iştirakçıların 10,2%-i tualetdə yemək yediyini bildirmişdir. Soğru iştirakçılara səbəb kimi pula qənaət etməyi, rahat hiss etməyi və dəvətləri geri çevirmək narahatlığını göstəriblər.[3]
Tək görünmək qorxusu
redaktəTualetdə yemək yeməyin ən böyük səbəblərindən biri tək görünmək qorxusudur. Yaponiyanın sosial həyatında cəlbedicilik əsasən şəxsin sahib olduğu dostların sayı ilə ölçülür və dostu olmayan şəxslərə mənfi yanaşılır. Tək yediyini və dostunun olmadığını göstərməkdən qorxan insanlar gizli formada tualetdə yemək yeməyə üstünlük verirlər. Osaka Universitetinin sosiologiya professoru Daysuke Tsuci bu vəziyyət haqqında yazmışdır: "Dostları çox olmayan şəxslər ancaq tənhalıqla yox, dostsuz şəxs kimi damğalanmaqla da mübarizə aparmalı olurlar. Bu səbəbdən onların yeganə qaçış yeri tualetdir".[13][14]
İstinadlar
redaktə- ↑ "デジタル大辞泉「便所飯」の解説". 小学館. 2023-04-17 tarixində arxivləşdirilib. İstifadə tarixi: 24 oktyabr 2024.
- ↑ 1 2 "一人で食事する寂しい姿を見られたくない 「便所飯」経験している20代の80%は女性だった". J-cast. ジェイキャスト. 2013. 2023-10-02 tarixində arxivləşdirilib. İstifadə tarixi: 24 oktyabr 2024.
- ↑ 1 2 3 "「便所飯率」調査！食事と排泄を同じ場所で行なう人たちの奇妙な行動". めるも. めるも. 2017. 2022-11-02 tarixində arxivləşdirilib. İstifadə tarixi: 24 oktyabr 2024.
- ↑ "便所飯、芸能界にも経験者は意外に多い？ 西川史子、アンジャ児嶋、テレビ局AD…". ビジネスジャーナル. 株式会社サイゾー. 2013. 2022-11-02 tarixində arxivləşdirilib. İstifadə tarixi: 24 oktyabr 2024.
- ↑ 婁吉瓊. 理解不能？日本流行語100選. 明窗出版社. 2012年. ISBN 9789888134977.
- ↑ まんが王国 絶叫学級(9) 試し読み. まんが王国. 2024-07-15 tarixində arxivləşdirilib. İstifadə tarixi: 24 oktyabr 2024.
- ↑ "「便所飯」で大学のトイレを占拠する学生がいたら・・・強制的にやめさせられるか？". 弁護士ドットコム. 弁護士ドットコム株式会社. 2021. 2024-07-20 tarixində arxivləşdirilib. İstifadə tarixi: 24 oktyabr 2024.
- ↑ "第3章 6 調理従事者専用トイレの整備" (PDF). 文部科学省. 2024-07-13 tarixində arxivləşdirilib (PDF). İstifadə tarixi: 24 oktyabr 2024.
- ↑ 1 2 "あなたのトイレライフ教えて！" (PDF). サンリフレホールディングス. 2013. 2024-02-23 tarixində arxivləşdirilib (PDF). İstifadə tarixi: 24 oktyabr 2024.
- ↑ "「一人で食堂入りにくい」6割 法大教授調べ 「便所飯」経験も2%". 朝日新聞朝刊 13版. 朝日新聞社. 2009-09-14. səh. 22面. 2009-09-23 tarixində arxivləşdirilib. İstifadə tarixi: 24 oktyabr 2024.
- ↑ "「便所飯」をしたことがある人は5.4%と判明！世代別の1位は20代。その理由とは？". しらべぇ. しらべぇ. 2015. 2024-07-15 tarixində arxivləşdirilib. İstifadə tarixi: 24 oktyabr 2024.
- ↑ 辻大介. "友だちがいないと見られることの不安". 月刊少年育成. 大阪少年補導協会. 54 (1). January 2009: 26–31. 2021-05-06 tarixində arxivləşdirilib. İstifadə tarixi: 24 oktyabr 2024.
- ↑ 辻大介. "「友だちがいないと見られることの不安」". 思考錯誤（辻大介個人ブログ）. 2009-07-13. 2024-07-20 tarixində arxivləşdirilib. İstifadə tarixi: 24 oktyabr 2024.