Tunc Allahın yükü
Tunc Allahın yükü (rus. Бремя бронзового бога) — Vahid Məmmədlinin “Tunc Mələk” və “Tunc Mələyin yolu”[1] romanlarından ibarət, dünyada ilk qansız döyüş romanı olan dilogiyası.
| Tunc Allahın yükü | |
|---|---|
| Бремя бронзового бога | |
 İlk nəşr | |
| Müəllif | Vahid Məmmədli |
| Janr | Roman |
| Mövzu | detektiv, döyüş romanı, ekşn |
| Orijinalın dili | Rus dili |
| Ölkə | Rusiya |
| Orijinalın nəşr ili | 2007 |
| Nəşriyyat | Qrifon |
| Səhifə | 288 |
| ISBN | 978-5-98862-042-6 |
Vahid Məmmədli ədəbi yaradıcılığa ilk dəfə Rusiya Mədəniyyət Fondunun (RMF) “Qrifon” nəşriyyatında nəşr olunan “Tunc Allahın yükü” əsəri ilə başlamışdır. Əsərin RMF tərəfindən nəşr olunması və tez bir zamanda bestsellerə çevrilməsi onunla əlaqədardır ki, əsər dünya ədəbiyyatında tamamilə yeni bir janrda, qansız döyüş romanı janrında yazılmışdır. Əsərin tez bir zamanda tanınması Rusiyanın və Avropanın ən böyük nəşriyyatı olan “Eksmo” nəşriyyatının diqqətini cəlb etmiş, 2006-cı ildə onun “Tunc Mələk” əsərini “Cəllad tələsməyi sevmir” adı ilə “Rus bestselleri” seriyasında çap edib.[2]
Dünyanın böyük elektron kitab portallarından biri olan “Litres” portalının “Elektronnaya bukva 2024” – ən yaxşı elektron kitablar müsabiqəsində Vahid Məmmədlinin “Angelo di bronzo” (“Tunc mələk”) romanı 27620 kitabın içindən seçilərək müsabiqənin uzun siyahısına daxil edilib.[3]
Məzmun
redaktə
Xəbərdarlıq: Yazının davamı əsərin məzmunu haqqında məlumat ehtiva edir.Dilogiyanın hər iki romanı “İnsanın öz ağlından başqa onun qəlbinə və beyninə heç nə və kimsə hakim kəsilə bilməz” düşüncəsinə əsaslanır. Əsər qəhrəmanı Tunc Mələyin müharibə gedən İraqda istənilən situasiyada – yaraqlı terrorçuların milyonlarla pul tələb etmək üçün oğurladıqları biznesmen və jurnalisti azad etməsi, var-dövlət hərisliyindən ən yaxın adamlarını, polis əməkdaşlarını öldürənlərin, öz uğursuzluğunun qisasını yaşlı təqaüdçüdən alan qatilin aşkara çıxarılması üçün, böyük bir qoşunun qarşısında, hər addımda təhlükəylə üzləşsə də, bir güllə belə atmadan, qan tökmədən yalnız yüksək intellekti və ağlının gücü ilə bütün çətinlikləri dəf etməklə, tanımadığı, müxtəlif millətdən, dindən olan insanları xilas edib Tunc Mələk adını alan detektiv analitikin fəaliyyətindən bəhs edir.
Hər iki romanın qayəsini təşkil edən, müəllifin “Bu dünyada heç kim mələk deyil, başqaları üçün özlərini fəda edənlər mələklərdən də üstündürlər” sözləri, təsadüfi deyil ki, dünyanın bir çox yerlərində müdrik kəlamlar toplularında, saytlarında yer alır.
Dilogiyanın yalnız xeyirxahlığı və ağlının gücü ilə hər kəsə qalib gələn qəhrəmanı Tunc Mələk romanı bir detektiv, döyüş romanından çox, dünyanın bir çox mütərəqqi fəlsəfə və dünyagörüş məktəblərindən qaynaqlanan möhtəşəm ədəbiyyat nümunəsi kimi oxuculara sevdirir.[4]
Həmçinin bax
redaktəİstinadlar
redaktə- ↑ "Yazıçı Vahid Məmmədlinin "Tunc Mələk" kitabı təqdim olundu". 2023-01-01 tarixində arxivləşdirilib. İstifadə tarixi: 2023-01-01.
- ↑ "Mərziyyə Nəcəfova "Vahid Məmmədlinin əsərlərində real hadisə və folklor ənənələri"". 2023-01-01 tarixində arxivləşdirilib. İstifadə tarixi: 2023-01-01.
- ↑ "Azərbaycanlı yazıçı kitab müsabiqəsinin uzun siyahısında". Kulis.az (az.). 2024-09-10 tarixində arxivləşdirilib. İstifadə tarixi: 2024-10-20.
- ↑ "Автор первого в мире бескровного боевика – азербайджанский писатель". 2023-01-01 tarixində arxivləşdirilib. İstifadə tarixi: 2023-01-01.
Xarici keçidlər
redaktə- Rəşidzadə, Loğman. "Mələklər yerdə doğulur... — "Vahid Məmmədlinin "Tunc mələk" əsərinə retrospektiv baxış"". 2023-01-01 tarixində arxivləşdirilib. İstifadə tarixi: 2023-01-01.
- Rüstəmov, İbrahim. ""Tunc mələk haqqında ballada"". 2023-01-01 tarixində arxivləşdirilib. İstifadə tarixi: 2023-01-01.