Vikipediya

Tural Yusifov

jurnalist

Yusifov Tural Bayram oğlu və ya Dj Tural (21 avqust 1981, Bakı) — Azərbaycan radio aparıcısı,[1] prodüser, avto və texno blogger və media təşkilatçısı, AvtopStop Media şirkətinin rəhbəri.

Tural Yusifov
Tural Bayram oğlu Yusifov
Doğum tarixi (43 yaş)
Doğum yeri
Vətəndaşlığı SSRİ SSRİ→
Azərbaycan Azərbaycan
Həyat yoldaşı Səma Abiyeva
Uşağı 2
Atası Bayram Yusifov
Anası Həqiqət Yusifova
Milliyyəti azərbaycanlı
İxtisası Tarixçi
Təhsili Bakı Dövlət Universitetinin Tarix fakültəsi
Fəaliyyəti Tele-radio aparıcı, bloger, podkaster
Fəaliyyət illəri 2003 - indiyədək
Mükafatları Bomba milli mükafatı, Netty internet mükafatı (2 dəfə), Azərbaycan Respublikasının Prezidentinin fəxri fərmanı
turalyusifov.com
Vikianbarın loqosu Vikianbarda əlaqəli mediafayllar

Həyatı

redaktə

Tural Yusifov 21 avqust 1981-ci ildə Bakı şəhərində anadan olub. Orta təhsilini 281 saylı orta məktəbdə alıb. Məktəbdə oxuduğu zaman Şən və hazırcavablar komandasının kapitanı kimi yaradıcılıq işlərinə başlayır. 1999-cu ildə isə Bakı Dövlət universitetinin Tarix fakültəsinə daxil olur. Universitetdə təhsil aldığı müddətdə AZDİMU -nin nəzdnində Şən və hazırcavablar komandası yaradır və komandanın həm ssenaristi, həm də kapitanı olur. 2002-ci ildə təhsilini bitirib hərbi xidmətə yola düşür. Həqiqi hərbi xidmətini Azərbaycan Respublikası Dövlət sərhəd xidmətinin sərhəd qoşunlarının tərkibində keçirir.

2003-cü ildə hərbi xidməti başa vurduqdan sonra ANS şirkətlər qrupuna məxsus ANS ÇM radiostansiyasına işə düzəlmək üçün müraciət edir.[2] O zamanların ən məşhur radio aparıcısı olan Aynur Talıbova həm də ANS ÇM radiosunun direktoru idi. Aynur xanımla olan müsahibədən sonra, 2003-cü ilin dekabr ayında ANS ÇM radiosunda prodüser olaraq işə başlayır.

2 il müddətində prodüser vəzifəsində çalışan Tural Yusifova ANS Şirkətlər Qrupunun vitse-prezidenti Seyfulla Mustafayev aparıcı olmaq təklifi verir. Bununla da Tural Yusifov həm radio prodüser , həm də aparıcı olaraq fəaliyyətini davam etdirir. İlk apardığı radio veriliş dini maarifləndirmə mövzusunda olan "Cümə xütbəsi" verilişidir.[3]

Daha sonra "Bankomat", "Qatıq", "Svetofor", "Gənc Klub", "Özümə nə gəlib ki", "Talk Şou" verilişlərinin həm prodüseri, həm də aparıcısı olub. 2007-ci ildə isə ANS TV-də öncə "Qatıq", daha sonra "Çərşənbə axşamı Tural ilə" verilişləriin aparıcısı oldu.[4]

2006-cı ildə ildə isə halhazırda tele-radio aparıcı olan Səma Abiyeva ilə ailə həyatı qurur.[5][6]

2010-cu ildə Tural Yusifov Azərbaycan tele-radio məkanında ilk olaraq müstəqil müqavilə ilə Media 105.5 Fm radiosunda işə başlayır. Bu tarixə qədər tele-radio kompaniyanın əməkdaşları yalnız əmək müqaviləsi ilə çalışırdılar. 2010-cu ildə AvtoStop verilişinin prodakşn məhsulu olaraq Media Fm-də yayımlanması Azərbaycan radio aparıcılarına yeni mərhələyə yol açdı. Şirkətin rəsmi işçisi olmadan öz verilişi yaradaraq istədiyin şirkətlə müqavilə bağlaya bilərdin. 2010-cu ilin avqust ayında Azərbaycanın ən çox dinlənilən sürücü verilişi AvtoStop Media Fm-də yayıma başlayır.

Elə həmin ilin dekabr ayında AvtoStop televiziya verilişinin Xəzər Tv-də yayımı başlayır.[7]

2012-ci ildə isə Azad Azərbaycan tele-radio kompaniyasının 106.3 Fm radiosundan yeni müqavilə təklifi gəlir.[8]

2019-cu ilin avqust ayına qədər Azad Azərbaycan radiosunda AvtoStop verilişini uğurla aparıb. Və bunun nəticəsidir ki, 2019-cu ilin avqust ayında İctimai radio 90 Fm-dən gələn işbirliyinə razılaşır.[9][10]

2019-cu ilin sentyabr ayından etibarən Tural Yusifov "AvtoStop" verilişini İctimai radio-da təqdim edir.

2019-cu il oktyabr ayından isə AvtoStop həm də İctimai televizyanın efirində yaymlanmağa başlayır.[11]

AvtoStop radio və televiziya layihələrindən savayı, Tural Yusifov həm də bloger fəaliyyəti ilə məşğuldur. İlk olaraq 2010-cu ildə avtostop.tv bloqu və Youtube kanalını yaratdı.[12]

AvtoStop Youtube kanalında yol hərəkəti təhlükəsizliyi ilə bağlı maarifləndirmədən savayı, həm avtomobillərin test-drive -də yer ayrılmağa başladı. Və Tural Yusifov avtobloger olaraq işə başlayır.

2015-ci ildə texno bloq istifadəyə verir. Bu həm smartmen.az [ölü keçid] saytı, həm də SmartMen Youtube kanalı idi.[13]

Bloq fəaliyyəti nəticəsində müxtəlif avto və texno sərgilərə dəvət alır və onları işıqlandırmağa başlayır.[14]

2021-ci ildən şair Əli Xəyyam -la birlikdə Söhbətgah youtube kanalı və podkast həmmüəllifliyinə başlayır.[15]

Mükafatlar

redaktə

2017-ci ildə Bomba milli sosial media mükafatına layiq görülüb[16]

AvtoStop layihəsinin saytı və facebook səhifəsinə görə NETTY Milli İnternet mükafatını qazanıb.

Ailəsi

redaktə
  • Jurnalist, tele-radio aparıcı Səma Abiyeva həyat yoldaşıdır.[5]
  • Atası Bayram Heydər oğlu Yusifov
  • Anası Həqiqət Hüseynbala qızı Yusifova.

Filmoqrafiya

redaktə
  1. Toy Bayram (Novruz tamaşası 2015) ATV bayram filmi
  2. Oxşarabad 2 filmi İctimai televiziya

Xarici keçidlər

redaktə

İstinadlar

redaktə
  1. ↑ "Arxivlənmiş surət". 2018-09-10 tarixində arxivləşdirilib. İstifadə tarixi: 2020-01-09.
  2. ↑ https://www.youtube.com/watch?v=qHFhxqVm2lA
  3. ↑ http://forum.abu-bakr.com/index.php?showtopic=855&p=20000
  4. ↑ https://www.youtube.com/watch?v=They0RrS-N4
  5. ↑ 1 2 "Arxivlənmiş surət". 2020-01-31 tarixində arxivləşdirilib. İstifadə tarixi: 2020-01-09.
  6. ↑ "Arxivlənmiş surət". 2017-01-28 tarixində arxivləşdirilib. İstifadə tarixi: 2020-01-09.
  7. ↑ "Arxivlənmiş surət". 2023-06-28 tarixində arxivləşdirilib. İstifadə tarixi: 2020-01-09.
  8. ↑ "Arxivlənmiş surət". 2021-10-22 tarixində arxivləşdirilib. İstifadə tarixi: 2020-01-09.
  9. ↑ https://www.youtube.com/watch?v=1ojCwkH7nOI
  10. ↑ https://aqreqator.az/az/cemiyyet/197314
  11. ↑ https://www.youtube.com/watch?v=SWeUJVB6qXo
  12. ↑ "Arxivlənmiş surət". 2022-06-03 tarixində arxivləşdirilib. İstifadə tarixi: 2020-01-09.
  13. ↑ https://www.youtube.com/channel/UC727MHsDfYiPwgKvoD1B_Cw?view_as=subscriber
  14. ↑ https://www.smartmen.az/post/ces2020-samsung-yen%C9%99-t%C9%99%C9%99c%C3%BCbl%C9%99ndirdi[ölü keçid]
  15. ↑ (#empty_citation)
  16. ↑ https://www.youtube.com/watch?v=tj3Raae-Xas
Mənbə — "https://az.wikipedia.org/w/index.php?title=Tural_Yusifov&oldid=7299693"