Turan Tovuz İK

Turan Tovuz İK
Turan Tovuz İK
Ölkə	Azərbaycan
Ləqəb(lər)	Boz qurd
Rəng(lər)	Göy-qırmızı
Yaranma tarixi	1946
Stadionu	Tovuz şəhər stadionu
Tutumu	6334
Prezidenti	Yaşar İbrahimov
Baş məşqçisi	Rasim Əliyev
Liqa	Azərbaycan Birinci Divizionu
2018/2019	12
Ev forması	Səfər forması
	Rəsmi saytı (azərb.)

Turan Tovuz İdman Klubu — Tovuzun futbol klubu.

1992-ci il fevral ayının 23-də təsis olunub. Azərbaycanda ilk peşəkar futbol klubu kimi Ədliyyə Nazirliyində qeydiyyatdan keçib.Çempionatda bir dəfə birinci, bir dəfə ikinci, iki dəfə üçüncü, iki dəfə isə dördüncü pilləyə sahib olub. İlk dəfə ölkəmizi avrokuboklarda təmsil edən komandadır. 1994-cü ildə tovuzlular "Fənərbaxça"ya hər iki oyunda məğlub (0:5,0:2) olublar. 2005-ci ildə komanda Patalya turnirində Malatyaspor, Dənizlispor, Samsunsporu məğlub edərək finala vəsiqə qazansa da, finalda Diyarbəkirspora uduzaraq ikinci mükafata sahib olub. Çempion olan mövsüm isə komanda Birlik Kubokunda iştirakdan imtina edib.

AdıRedaktə

10 oktyabr 2014-cü il tarixinə qədər Turan-T adlanan klub bu tarixdən etibarən adını dəyişib. Klub bu tarixdən sonra "Turan-Tovuz" adını daşıyacağını açıqlayıb və bununla bağlı müvafiq sənədləri Peşəkar Futbol Liqasına təqdim edib.^[2] Müvafiq sənədlər təqdim edildikdən sonra PFL klubun adının dəyişdirildiyini elan etmişdir.^[3]

UğurlarıRedaktə

Ölkədaxili turnirlərdəRedaktə

Azərbaycan çempionatı:
- Qızıl medal (1) — 1993/1994
- Gümüş medal (1) — 1994/1995
- Bürünc medal (2) — 1992, 1993

UEFA turnirlərindəRedaktə

Əsas məqalə: Azərbaycan klubları UEFA turnirlərində

"Turan" UEFA bayrağı altında keçirilən və Azərbaycan klublarının qatıldığı 5 qitə turnirinin 1-də, ümumilikdə 1 dəfə iştirak edib.

UEFA turnirlərindəki statistikaRedaktə

Mənbə: uefa.com
Son yenilənmə: 30 avqust 2010

Turnir	İştirak	Oyun	Q	H	M	T/F	T/B
UEFA Kuboku	1	2	0	0	2	0 – 7	-7
Cəmi	1	2	0	0	2	0 – 7	-7

UEFA turnirlərindəki oyunlarRedaktə

Mövsüm	Turnir	Mərhələ	Rəqib	I oyun	II oyun	Nəticə
1994/1995	UEFA Kuboku	I t/m.	Fənərbaxça	(s) 0:5	(e) 0:2	0-7

UEFA turnirlərində "Turan"ın Azərbaycan siftələriRedaktə

Azərbaycanı Avropa kuboklarında ilk dəfə "Turan" təmsil etmişdir.

Beynəlxalq Futbol Tarixi və Statistikaları Federasiyasının reytinq cədvəlindəRedaktə

2010-cu il noyabrın 26-da açıqlanan klublarının XXI əsr üçün reytinqində ilk onilliyi 158 xal ilə Azərbaycan klubları arasında 7-ci, dünyada isə 611-ci pillədə başa vurmuşdur^[4].

Klubun məşhurlarıRedaktə

Komandanın formasını geymiş məşhur futbolçular: Nizami Sadıqov, Sakit Aliyev, Nadir Nəbiyev, Ruslan Abbasov, Rəşad Sadıqov, Eltay Aslanov, Sergey Skaçenko, Asen Nikolov, Musa və Qurban Qurbanovlar, Hüseyn Məhəmmədov, Kənan Kərimov, İlham Məmmədov, Romal Hüseynov, Tərlan Əhmədov, Vidadi Rzayev, Aftandil Hacıyev, Hüsynqulu Quliyev, Məqsəd Yaqubəliyev, Rüfət Quliyev,
Komandada ən çox oyun keçirən futbolçular: Nizami Sadıqov, Sakit Alıyev.
"Turan"ın futbolçusu Musa Qurbanov ikinci çempionatda 36 qol vuraraq bombardir olub. Komandanın qapıçısı Nizami Sadıqov BFSF(İFFHS)-nin reytinqində 1106 dəqiqəlik quru seriyayla dünyada 19-cu nəticəni göstərib, qol vurmaqda isə qapıçı dünyada ilk 10-luqda yer alıb (19 qol)

HimniRedaktə

Musiqisi: Faiq Sücəddinov
Sözləri: İsmayıl Dadaşov

Artır şanı-şöhrəti milli futbolumuzun,
Heç vaxt unutma, "Turan", sən fəxrisən Tovuzun.
Dağlardan vüqar al sən,
Zirvələrə ucal sən,
Ey doğma komandamız,
Adına layiq ol, sən.
Nəqarət:
Hər zaman yaşa, "Turan",
Hər biriniz qəhrəman,
Sizinlə qürur duysun
Yurdumuz Azərbaycan!

Yüksəkliklər gözləyir, həmişə gedin öndə,
Qələbə sizin olsun rəqiblərin önündə.
Dağlardan vüqar al sən,
Zirvələrə ucal sən,
Ey doğma komandamız,
Adına layiq ol, sən.