Tvente FK

Tvente FK
Tvente FK
	FC Twente
Klubun tam adı	Football Club Twente
Ölkə	Niderland;
Ləqəb(lər)	The Tukkers, Qırmızılar
Rəng(lər)	qırmızı-ağ
Yaranma tarixi	1 iyul 1965
Stadionu	Qrols Veste
Tutumu	24000
Prezidenti	Joop Munsterman
Baş məşqçisi	Stiv Maklaren
Liqa	Eredevise
2021/22	4.
Ev forması	Səfər forması
	Rəsmi saytı
	Vikianbarda əlaqəli mediafayllar

Tvente — Niderlandın futbol klubu. Enshede şəhərini təmsil edir. "Tvente" ev oyunlarının 24 min tamaşaçı tutumuna malik "Qrols Veste" stadionunda keçirir. Komandanın baş məşqçisi İngiltərə millisinin keçmiş məşqçisi Stiv Maklaren, prezidenti isə Yop Münstermandır.

Tarixi redaktə

"Tvente"nin əsası 1 iyul 1965-ci ildə qoyulub. Məhz həmin gündə iki komanda - "SK Enshede" və "Enshedes Boys"un birləşməsindən sonra "Tvente" klubu fəaliyyət göstərməyə başlayıb. "Tvente" Niderland çempionu ola bilməsə də, onun sələfi "SK Enshede" 1926-cı ildə qızıl medallara yiyələnib.

"Tvente" adıyla çıxış etməyə başladıqdan sonra komanda dərhal uğur qazanmağa başladı. Kes Reyversin dövründə ardıcıl surətdə beş il ərzində "Tvente" ölkə çempinatında 3 dəfə bürünc medallara yiyələndi, bir dəfə dördüncü, bir dəfə isə beşinci oldu. Həmin dövrdə "Tvente"nin heyətində Epi Drots, Eddi Ahterberq, Kik van der Drost və Teo Pahlplats kimi o dövrdə kifayət qədər məşhur olan futbolçular çıxış edirdi.

1973/1974 mövsümündə "Tvente" "Feyenord"la birgə sonadək qızıl medallar uğrunda mübarizə aparsa da, sonda çempionluq rotterdamlılara qismət oldu. Nəticədə ikinci yeri tutaraq, UEFA Kubokuna vəsiqə qazanan "Tvente" burada finaladək irəliləməyi bacardı. Lakin həlledici mərhələdə "Borusiya" (Münhenqladbax) Enshede klubunu iki oyunun nəticəsinə görə 5:1 hesabıyla darmadağın etdi.

1977-ci ildə "Tvente" tarixi ərzində ilk titulunu - ölkə kubokunu qazandı. Lakin bundan sonra "uğursuzluq zolağı"na düşən "Tvente" hətta 1982-ci ildə yüksək liqayla da vidalaşdı. Çox keçmədən yenidən güclülərin sırasına qayıdan "Tvente" daha çox müdafiəyəmeylli oyunuyla diqqət çəkdi. Mövsüm ərzində komandanın oyunlarının əksəri ya 1:1, ya da 0:0 hesabıyla başa çatdı. Buna görə də "Tvente"ni "cansıxıcı komanda" adlandırmağa başladılar. Lakin bu oyun üslubu komandaya uğur gətirdi və Enshed təmsilçisi ardıcıl beş mövsüm avrokuboklarda çıxış etdi.

1996-cı ildə baş məşqçi postuna alman Hans Mayerv gətirildi. Onun rəhbərliyi altında komanda ölkə çempionatının bürünc medallarını qazandı.

2001-ci ilin 24 mayında isə "Tvente" ölkə kubokuna yiyələnməklə 24 illik kubok həsrətinə son qoydu.

2002-ci ildə "Tvente" dağıla bilərdi. Çünki komandanın əsas rəhbəri olan şirkət müflis olduğunu bəyan etdi. Lakin sonradan vəziyyət düzəldi və 3 mövsüm sonra gözəl çıxışıyla yadda qalan "Twente" dördüncü yeri tutdu. 2008/2009 mövsümündə isə yekuna əsasən "Tvente" UEFA Çempionlar Liqasının üçüncü təsnifat mərhələsində yarışmaq hüququ qazandı. Lakin burada "Arsenal" qalib gəldi - 2:0 və 4:0. Ümumilikdə komanda avrokuboklarda keçirdiyi 84 oyunun 33-də qalib gəlib, 17 dəfə heç-heçə oynayıb, 34 görüşdə isə uduzub. 125 qol vurub, öz qapısında isə 112-i buraxıb. 2014-cü ildə Azərbaycan təmsilçisi "Qarabağ" məhz "Tvente"ni mübarizədən kənarlaşdiraraq (evdə 0:0, səfərdə 1:1) UEFA Avropa Liqası nın qrup mərhələsinə yüksəlmişdi.

Uğurları redaktə

2 dəfə Niderland Kubokunun qalibi - 1977, 2001
UEFA İntertoto Kubokunun qalibi - 2006

Heyəti redaktə

1. Vander Bosker (1970, qapıçı)
3. Nikki Keyper (1982, müdafiəçi)
4. Peter Visqerhoff (1979, müdafiəçi)
5. Slobadan Raykoviç (1989, müdafiəçi, Serbiya)
6. Vaut Brama (1986, yarımmüdafiəçi)
8. Ron Stamp (1984, müdafiəçi)
9. Blez Nkufo (1975, hücumçu, kapitan, İsveçrə)
10. Kennet Peres (1974. hücumçu, vitse-kapitan, Danimarka)
11. Nikita Rukavitsa (1987, hücumçu. Avstraliya)
12. Erun Hebax (1974, müdafiəçi)
13. Nikolay Mixaylov (1988, qapıçı, Bolqarıstan)
14. Bernard Parker (1986, yarımmüdafiəçi, CAR)
15. Miroslav Stoç (1989, hücumçu, Serbiya)
16. Ses Paue (1977, qapıçı)
17. Yussuf Hersi (1982, hücumçu)
18. Heyk Tiote (1986, hücumçu, İrlandiya)
19. Duqlas (1988, müdafiəçi. Braziliya
20. Lyuyuk de Yonq (1990, hücumçu)
22. Brayan Ruis (1984, hücumçu, Kosta-Rika)
23. Naşat Akram (1984, yarımmüdafiəçi, Misir)
24. Teo Yansen (1981, hücumçu)
25. Andrey Rendla (1990, hücumçu, Slovakiya)
26. Born Vidarson (1988, yarımmüdafiəçi, İsveç)
27. Dario Vuiçeviç (1990. yarımmüdafiəçi, Xorvatiya)
29. Rensforq Osei (1990, hücumçu. Seneqal)

Mənbə redaktə

"Qarabağ"ın rəqibi "Tvente"ni yaxından tanıyaq

Xarici keçidlər redaktə

Rəsmi saytlar

FCTwente.com FC Tvente Rəsmi Saytı
FC Twente TV Tvente TV Rəsmi saytı

Fan-klub saytları

FC Twente Online
Vak-P
FCT Hengelo
FCT Riessen
Twentefans
FC Twente NU Arxivləşdirilib 2009-08-19 at the Wayback Machine

Xəbər saytları