Ukrayna Milli Mədəniyyət Mərkəzi (Moskva)

Moskvada Ukrayna Milli Mədəniyyət Mərkəzi (ukr. Національний культурний центр України в Москві) — Rusiyanın paytaxtında Ukraynanın müasir mədəniyyətini və təhsilini təmsil edən mədəniyyət mərkəzi.

Ukrayna Milli Mədəniyyət Mərkəzi
Національний культурний центр України в Москві
Yaranma tarixi	13 may 1993
Mərkəzi	Arbat
ukrcentr.ru
Vikianbarda əlaqəli mediafayllar

Tarixi

1993-cü il mayın 14-də Ukrayna Nazirlər Kabinetinin "Moskvada Ukrayna Mədəniyyət Mərkəzinin yaradılması haqqında" qərarı verildi. Mədəniyyət mərkəzi 1998-ci il noyabrın 27-də açılıb.

8 fevral 2010-cu ildə Ukrayna Prezidenti Viktor Yuşşenko "Moskvada Ukraynanın Mədəniyyət Mərkəzinə milli statusun verilməsi haqqında" 140/2010 saylı Fərman qəbul etmişdir.

Moskvada Ukrayna MMM-nin şüarı ukraynalı tarixçi Mixail Qruşevskinin sözləridir:

Unutmamalıyıq ki, biz böyük xalqı təmsil edirik və onu ləyaqətlə təmsil etməliyik.

Strukturu

Ukrayna Milli Mədəniyyət Mərkəzinin nəzdində aşağıdakı təşkilatlar fəaliyyət göstərir:

• Boqdan Stupki adına kitabxana;
• Pavel Popoviç adına Ukrayna bazar günü məktəbi;
• Ukrayna dili kursları;
• Ukrayna kitab mağazası;
• Taras Şevçenko və Mixailo Qruşevskinin xatirə otağı.

İdarəetmə

Mərkəzin baş direktoru 2001-ci ildən 2015-ci il iyulun 15-dək Vladimir Yefimoviç Melniçenko olub. 2016-cı ilin əvvəlində Ukraynanın eks-prezidentləri Leonid Kravçuk, Leonid Kuçma və Viktor Yuşşenko Ukraynanın hazırkı prezidenti Petro Poroşenkoya Melniçenkonun Moskvadakı Ukrayna mədəniyyət mərkəzinin direktoru vəzifəsinə bərpa olunması xahişi ilə müraciət etmişdilər.

2016-cı ilin martından 2017-ci ilin aprelinə qədər Moskvada Ukrayna Milli Mədəniyyət Mərkəzinin baş direktoru sənətşünaslıq namizədi, dosent, Ukraynanın əməkdar mədəniyyət işçisi Vladimir İliç İonov olub.

2017-ci ilin iyununda Moskvadakı Ukrayna Milli Mədəniyyət Mərkəzinə jurnalist Valeri Vladimiroviç Yurçenko rəhbərlik edirdi.