Ukraynada prezident seçkiləri (2019)

2019-cu ildə Ukrayna Prezident seçkiləri — 2018-ci ilin noyabr ayının 26-də Ukraynanın Ali Radası ölkədə növbəti prezident seçkilərinin 2019-cu il martın 31-də keçirilməsi barədə qanun layihəsini qəbul edib. Qanun layihəsinə deputatların 298-i lehinə səs verib.^[1]

27 dekabr 2018-ci ildə Ukraynanın Mərkəzi Seçki Komissiyasının iclasında qəbul edilmiş qərara əsasən 2018-ci ilin 31 dekabrında prezident seçkiləri kampaniyasının başlanacağını elan edilib. Kampaniya 90 gün – 2019-cu ilin 31 martına qədər davam edəcək. Həmin gün isə səsvermə keçiriləcək.^[2]

Prezidentliyə namizədlərin irəli sürülməsi və sənədlərin qəbuluna fevralın 3-ədək vaxt verilib. Fevralın 8-də qeydiyyat prosesi başa çatacaq. Sonra MSK prezident postuna iddiaçıların son siyahısını elan edəcək. Əgər namizədlərdən heç biri 50 faizdən çox səs toplamasa, aprelin 21-də seçkilərin ikinci turu keçiriləcək.^[2]