Ulacalı

Ulacalı — Azərbaycan Respublikasının Sabirabad rayonunun inzibati ərazi vahidində kənd.

Ulacalı
40°04′34″ şm. e. 48°35′53″ ş. u.
Ölkə	Azərbaycan
Rayon	Sabirabad rayonu
Tarixi və coğrafiyası
Saat qurşağı	UTC+04:00
Ulacalı

Etimologiya

Azərbaycan ərazisində çoxlu toponimlər mövcuddur, güman edildiyi kimi, belə toponimlər (etnotoponimlər) Abdal, Abad, Abadkənd, Bazar, Bayan, Baltalı, Bostançı, Qurt, Cağatay, Duvannı, Qalaqayın, Qaracalar, Qarğalı, Kərki, Qurqulu, Qılıçlı, Ulucalar, Danaçı və Yaycı kimi əks etdirən bəzi türk boylarının adları mövcuddur. Bu etnotoponimləri aşağıdakı türk etnikləri ilə əlaqələndirmək olar: abdal, avat, bazar, bayan, balta, boston, qurt, çağatay, duvan, kain/qain, qarac, kərki, kirgil, kiliç, olco, tana, yayci və s.

"Ulacalı" toponimin əsası, yəqin ki, Oljo etnonimi ilə tanış ola bilərsiniz, məsələn, qırğız tayfasının adı kimi Oljo, Oljoboy, Oljoçu.

Coğrafiyası və iqlimi

Ulacalı kəndi əsasən dəniz səviyyəsindən aşağıda yerləşmişdir. Bütün ərazisi düzənlikdir. Bitki örtüyünün say müxtəlifliyi çox deyil. Xarakterik meşələr Tuqay meşələridir. Burdakı ağaclar yarımsəhra və quru çöl iqliminə uyğun olan palıd, ağcaqayın və söyüd ağaclarıdır. Kollardan isə yovşan və dəvətikanı üstünlük təşkil edir.

Heyvanlar aləmi isə Tuqay meşələrinin heyvanları ilə məhdudlaşır. Bu heyvanların demək olar ki nəsli kəsilmişdir. Bura tülkü, qaban, cüyür, dələ, canavar aiddir.

İqlim yarımsəhra və quru çöl iqlimidir. Yayda orta tempratur +37,7 dərəcə olur. Yağıntılar az-az və bol miqdarda düşür. Hər yağıntı zamanı tıxminən 55–65 mm yağıntı olur. Qış fəslində orta temperatur +4,7 dərəcə olur. Yağıntılar yayda olduğu kimi yenə də çox kasad, lakin bol olur. Küləklər əsasən isti cənub-qərb küləkləridir.^{[mənbə göstərin]}

Görkəmli şəxslər

• Asif Ağayev — Beyləqan Rayon İcra Hakimiyyətinin başçısı.
• Aqşin Ağayev — Vətən müharibəsi şəhidi

Din

Kənddə Ulacalı kənd məscidi dini icması fəaliyyət göstərir.