Urvə ibn Məsud

Urvə ibn Məsud (ərəb. عروة بن مسعود‎) — Müsəlmanların sonuncu peyğəmbəri Məhəmməd peyğəmbərin səhabələrindən biri, Taifdəki sakif tayfasının başçısı. O, öz qəbiləsindən İslamı qəbul edən ilk şəxslərdən idi. Öz məmləkətində İslamı təbliğ edərkən qəbiləsinin bir neçə başçısını öldürmüşdür.

Urvə ibn Məsud
Vəfat tarixi	630
Fəaliyyəti	qəbilə lideri[d]

Bioqrafiyası

Taifdə yaşayırdı. Sakif tayfasının Əxləf nəslindən olmuşdur. Anası Qureyş qəbiləsindən idi. O, Ərəbistanın görkəmli simalarından idi, Xudeybiyyədə aparılan danışıqlarda Qüreyşin maraqlarını təmsil edirdi. Məhəmmədlə görüşdükdən sonra dedi: “Ey insanlar! Bizans imperatoru Kisra, Fars şahı Kaysar və Efiopiya nəcaşisi Nəcaşını gördüm, amma and olsun Allaha, xatırlamıram ki, bu padşahların heç birinin yaxınları onlara Məhəmmədin səhabələri kimi hörmətlə yanaşsınlar. !" hədisin başqa bir variantında: “Mən səhabələrin Məhəmmədə rəftar etdiyi kimi hörmətlə rəftar edilən hökmdar görmədim. Mən ona itaət etməyən insanlar görmədim”.

Əbu Süfyanın qızı Əminə və ya Meymunə ilə evlənmişdi. Onun Davud ibn Urvə adında bir oğlu var idi, o, ana tərəfdən dayısı qızı Həbib binti Ubeydullahla evlənmişdi.

“Səhih Müslim”in məcmuəsində Məhəmməd peyğəmbərin Urvə ibn Məsudun İsa peyğəmbərə oxşadığına dair sözlərindən sitat gətirilən bir hədis vardır. Məhəmməd peyğəmbər İsanı orta boylu, qırmızımtıl dərili, qıvrım saçları ilə təsvir etmişdir.