Usta Bəndər

Usta Bəndər1231-ci ildə Gəncədə sənətkarların və şəhər yoxsullarının Xarəzmşah Cəlaləddinə qarşı yönəlmiş üsyanının rəhbəri.

Usta Bəndər
Usta Bəndərin Sələflər-Xələflər parkında büstü.jpg
Usta Bəndərin Hacıkənd qəsəbəsindəki "Sələflər-xələflər parkı"ndakı büstü
1231-ci ildə Gəncə üsyanının başçısı
Şəxsi məlumatlar
Vəfat tarixi
Vəfat yeri Gəncə

HaqqındaRedaktə

XI-XV əsrlərdə Azərbaycanın sənətkarlıq, ticarət və mədəniyyət mərkəzlərində geniş fəaliyyət göstərmiş əxi təşkilatları dövrün ictimai-siyasi həyatında mühüm rоl oynayırdılar. Belə ki, 1231-ci ilda Təbrizdə, Gəncədə baş vermiş xalq üsyanlarının əsas təşkilatçıları əxi təşkilatının üzvləri və başçıları olmuşdur. Çox güman ki, Usta Bəndər də Gəncədəki əxi təşkilatlarından birinin rəhbəri idi.[1]

Gəncə üsyanıRedaktə

Üsyana yerli əhalidən alınan verginin həddən çox yığılması səbəb olmuşdu. Mənbələrin məlumatına görə, üsyançılar "şəhərin rəisinin sarayını darmadağın etdilər, məmurları və nökərləri öldürdülər, Xarəzmşahların hərbi qarnizonlarını məhv etdilər. Qoşunla Gəncəyə yaxınlaşan Cəlaləddin üsyançılara silahı yerə qoymağı əmr etdi və onları bağışlayacağını bildirdi, lakin üsyançılar təslim olmaqdan imtina etdilər. Şəhərin mühasirəsinə başlandı. Bəndər şəhərdən çıxıb Cəlaləddinin hərbi düşərgəsinə basqın etməyi qərara aldı, lakin üsyançılar düşmən süvarisinin həmləsinə tab gətirə bilmədilər. Xarəzmşahın qoşunu şəhərə soxuldu. Üsyançıların rəhbərlərindən 30 nəfəri şəhərin darvazaları yanında asıldı, Bəndər özü isə şaqqalandı.[2]

İstinadlarRedaktə

  1. Cavid Bağırzadə (2013). XI-XV əsrlərdə Azərbaycanda əxilik və əxi təşkilatları haqqında (PDF). Gəncə. səh. 21.
  2. * Ziya Bünyadov. Azərbaycan Atabəyləri dövləti (1136-1225-ci illər). Bakı, "Şərq-Qərb", 2007. səh.119

MənbəRedaktə

  • "Məktəblinin tarix lüğəti" "Bəndər" məqaləsi

Həmçinin baxRedaktə