Usui Şuzaburo
Usui Şuzaburo[a] (臼井秀三郎?, XIX əsr, Şimoda) – Yaponiya fotoqrafı. 1870-ci illərdən 1880-ci illərə qədər Yokohamanın ən tanınmış fotoqraflarından biri olmuşdur.
| Usui Şuzaburo | |
|---|---|
| Doğum tarixi | XIX əsr |
| Doğum yeri | |
| Fəaliyyəti | fotoqraf |
 Vikianbarda əlaqəli mediafayllar | |
İlk illəri
redaktəUsui Şuzaburo Şimoda şəhərində doğulmuşdur. Doğum ili naməlumdur. 1865–1868-ci illərdə fotoqraf Şimooka Renconun şagirdi olduğu və Şimookanın Usuinin bacısı Mitsume ilə evləndiyi iddia olunur. Digər versiyaya görə 1876-cı ilin dekabrında Yokohamaya köçərək ABŞ fotoqrafı Con Duqlasdan fotoqrafiyanı öyrənmişdir.[1]
Fotoqrafiya
redaktə
Usui ilk fotostudiyasını Yokohamada açsa da, studiyanın açıldığı il dəqiq bilinmir. Bəzi müəlliflər 1869-cu ildə, bəzi müəlliflər 1875-ci ildə, bəziləri isə 1878-ci ildə açdığını qeyd edir. 1879-cu ildə portret fotoqrafiyası ilə yanaşı peyzaj və kostyum fotoları çəkməyə başlamışdır. Onun fotostudiyası əsasən Yaponiyada yaşayan əcnəbilər və turistlər üçün nəzərdə tutulmuşdu. Bu səbəbdən Yaponiyada fəaliyyət göstərən əcnəbi fotoqraflarla rəqabət aparmışdır. 1879-cu ildə marketinq agenti Devid Velş ilə qısamüddətli əməkdaşlıq etmişdir.[2]
1872-ci ildə Yaponiyanın ilk dəmiryolu olan Tokio–Yokohama dəmiryolunun açılış mərasiminin fotosunu çəkmişdir. 1879-cu ildə Yaponiyaya səfər etmiş keçmiş ABŞ prezidenti Uliss Qrant Usuinin Tokiodakı fotostudiyasını ziyarət etmiş və Usui onun fotoportretini çəkmişdir.[2] 1882-ci ildə o və qardaşı britaniyalı həvəskar fotoqraf Frensis Henri Hill Qillemardın ümumilikdə 5 ay davam edən iki fototurunda iştirak etmişdirlər.[1] Usui bu ekspedisiya zamanı onun üçün 200 foto çəkmişdir.[3] Qillemard 1882-ci ilin iyununda Okinavada quru plitə texnologiyasından istifadə etdiyi üçün Usuinin bu proseslə foto çəkmiş ilk yapon olduğu güman olunur.[1]
1885-ci ildə ikinci dəfə Velş ilə əməkdaşlıq edərək "Yokohama Photographic" adlı fotostudiya açmışdır. Lakin 1886-cı ildə baş vermiş yanğın onun və digərlərinin fotostudiyalarını məhv etdiyi üçün 1887-ci ildə Otemaçidəki studiyasına qayıtmışdır. 1889-cu ilə qədər fotoqrafiya ilə məşğul olmuşdur.[1]
Qeydlər
redaktə- ↑ Bəzən Şusaburo yazılır.
İstinadlar
redaktəƏdəbiyyat
redaktə- Bennett, Terry. Photography in Japan: 1853–1912 (ingiliscə). Tuttle Publishing. 2006. səh. 174–181. ISBN 0-8048-3633-7. İstifadə tarixi: 26 noyabr 2024.