Uzaqdan gələn yağış (roman)

Varisin romanı

Uzaqdan gələn yağışVarisin romanı.

Uzaqdan gələn yağış
Romanın 2017-ci il nəşrinin üz qabığı
Romanın 2017-ci il nəşrinin üz qabığı
Müəllif Varis
Janr Roman
Orijinalın dili Azərbaycanca
Ölkə Azərbaycan Azərbaycan
Orijinalın nəşr ili 2017
Nəşriyyat TEAS Press (2017)
Cild Yumşaq
Səhifə 224
Tiraj 1000
ISBN ISBN 978-9952-5206-44

Yazıçı Varisin "Uzaqdan gələn yağış" romanı müxtəlif dövrlərdə yaşamış gənclərin nakam məhəbbətindən bəhs edir.

MəzmunRedaktə

İmkanlı bir ailənin gözünün ağı-qarası olan 11-ci sinif şagirdi Ayla təsadüfən metroda unudulmuş bir şeir dəftəri tapır. Şeirlər o qədər xoşuna gəlir ki, gedib onların müəllifi ilə - kənddən Bakıya güzəran qurmağa gəlmiş İsmayıl adlı, şair təbiətli kasıb gənclə tanış olur. Amma bu adi tanışlıq çılğın bir sevgi macərasına çevrilir, sonradan onların üzləşdiyi müsibət isə hər kəsi sarsıdır.

Ən sevimli şagirdi olan Aylanın başına gələnlər Rəhilə xanımı daha çox dəhşətə gətirir. O, Ayla ilə İsmayılın taleyində bütün sevən gənclərin taleyinə təhlükə duyur. Rəhilə xanım zahirən xoşbəxt qadındır. Gözəl ailəsi, uşaqları, yaxşı işi var, çalışdığı məktəbdə hamı tərəfindən sevilir. Amma bu qadının heç kimlə bölüşmədiyi, içində ağır yük kimi gəzdirdiyi bir dərdi var - o, uğursuz ilk məhəbbətini hələ də unuda bilmir. Ona görə də çalışır ki, şagirdlərinə, illah da qızlara sevgi məsələsində düzgün yol göstərsin, onları mümkün yanlış addımlardan çəkindirsin. İstəyir ki, valideynlərə təsir edə bilsin, onların övladları da mələk kimi məsum Aylanın qandonduran nakam taleyini yaşamasın...

Kitab geniş oxucu kütləsi üçün nəzərdə tutulub.

Nəşr və tərcüməRedaktə

Roman 2017-ci ildə TEAS Press Nəşriyyat Evində 224 səhifə, 1000 tirajla çap edilib.[1]

Həmçinin baxRedaktə

İstinadlarRedaktə

  1. "Uzaqdan gələn yağış" (az.)). kitabklubu.org. 2018-02-17 tarixində arxivləşdirilib. İstifadə tarixi: 2018-02-17.

Xarici keçidlərRedaktə