Vüsal Qasımlı

Vüsal Əfras oğlu Qasımlı (7 aprel 1975, İmişli) — Azərbaycan Respublikasının İqtisadi İslahatların Təhlili və Kommunikasiya Mərkəzinin icraçı direktoru, iqtisad elmləri doktoru, professor.

Vüsal Qasımlı
Vüsal Əfras oğlu Qasımlı
Doğum tarixi	7 aprel 1975(1975-04-07) (49 yaş)
Doğum yeri	İmişli, İmişli rayonu, Azərbaycan SSR, SSRİ
Milliyyəti	azərbaycanlı
Elmi dərəcəsi	iqtisad elmləri doktoru
Elmi adı	professor
İş yerləri	İqtisadi İslahatların Təhlili və Kommunikasiya Mərkəzi
Təhsili	Azərbaycan Dövlət İqtisad Universiteti, Harvard Universiteti, Con Kennedi adına İdarəçilik Məktəbi[d], Oksford Universiteti
Mükafatları
Vikianbarda əlaqəli mediafayllar

Həyatı

Vüsal Qasımlı 1975-ci il aprelin 7-də İmişli şəhərində anadan olmuşdur.

Təhsili

İmişli şəhər 34 saylı məktəbi bitirdikdən sonra 1993-cü ildə ən yüksək balla Azərbaycan Dövlət İqtisad Universitetinə daxil olaraq ali təhsil alıb. Vüsal Qasımlının ikinci ixtisası Gürcüstan İctimai Əlaqələr İnstitutundan aldığı jurnalistika üzrə magistr dərəcəsidir.

Vüsal Qasımlı 2009-cu ildə iqtisad üzrə fəlsəfə doktoru və 2017-ci ildə isə iqtisad elmləri doktoru alimlik dərəcəsini müdafiə etmişdir. 2013-cü ildə Vüsal Qasımlıya dosent və 2021-ci ildə isə Prezident yanında Dövlət idarəçilik Akademiyasının professoru elmi adları verilmişdir.

Vüsal Qasımlı 2021-ci ildə Harvard Universitetinin Kennedi İdarəçilik Məktəbində “İqtisadi artımın idarəedilməsi” mövzusunda rəhbər kadrların hazırlanması proqramı üzrə məzun olmuşdur.

Vüsal Qasımlı 2022-2023-cü illərdə Oxford Universitetində "Strategiya və innovasiya üzrə" birillik proqramda oxuyaraq magistr səviyyəli “postgraduate” diplom almışdır.

Əmək fəaliyyəti

O, 2005-2007-ci illərdə ANS-Press Nəşriyyat Evinin prezidenti olmuşdur. 2007-2011-ci illərdə Avropa İttifaqı, Dünya Bankı, Yaponiya Beynəlxalq Əməkdaşlıq Təşkilatının (JİCA) və bir sıra beynəlxalq qurumların həyata keçirdiyi layihələrdə çalışmışdır.

2011-2016-cı illərdə Azərbaycan Respublikasının Prezidenti yanında Strateji Araşdırmalar Mərkəzinin İqtisadiyyatın təhlili və qloballaşma məsələləri şöbəsinin müdiri vəzifəsində işləmişdir.

2015-ci ildə Vüsal Qasımlı Böyük İyirmiliyin beyin mərkəzlərinin T20 platformasında Azərbaycanı təmsil etmişdir.

O, 2016-cı ildə Asiya İnkişaf Bankının iqtisadi inkişaf məsələləri üzrə məsləhətçisi olmuşdur.

Vüsal Qasımlı 2016-cı ilin may ayının 2-dən Azərbaycan Respublikasının Prezidentinin Sərəncamı əsasında yaradılmış İqtisadi İslahatların Təhlili və Kommunikasiya Mərkəzinin icraçı direktorudur.

Vüsal Qasımlı 2021-ci ildə BMT-nin Asiya və Sakit Okean Komissiyasının koordinatoru təyin olunmuşdur.

Prezident İlham Əliyevin 6 dekabr 2016-cı il tarixli Fərmanı ilə təsdiq edilmiş "Milli iqtisadiyyat və iqtisadiyyatın əsas sektorları üzrə strateji yol xəritələrinin" hazırlanmasında yaxından iştirak etmişdir. V.Qasımlının icraçı direktor olduğu İqtisadi İslahatların Təhlili və Kommunikasiya Mərkəzi strateji yol xəritələrin hazırlanması üçün 400 nəfər xarici və yerli ekspertin çalışdığı bir platformaya çevrilmişdir. İqtisadi İslahatların Təhlili və Kommunikasiya Mərkəzi Azexport.az, Rəqəmsal Ticarət Qovşağı, Enterprise Azerbaijan və Bir Pəncərə İxraca Dəstək Mərkəzi kimi layihələrin həyata keçirilməsini təmin etmişdir.

Vüsal Qasımlı "Azərbaycan Respublikasında biznes mühitinin əlverişliliyinin artırılması və beynəlxalq reytinqlərdə ölkəmizin mövqeyinin daha da yaxşılaşdırılması ilə bağlı əlavə tədbirlər haqqında" Azərbaycan Respublikası Prezidentinin 2016-cı il 13 iyul tarixli 2199 nömrəli Sərəncamının əsasında yaradılmış hökumət komissiyasının üzvüdür.

Milliyətcə azərbaycanlıdır. Ailəlidir və üç övladı var.

Elmi fəaliyyəti

Vüsal Qasımlı 2009-cu ildə iqtisad üzrə fəlsəfə doktoru və 2017-ci ildə isə iqtisad elmləri doktoru alimlik dərəcəsini müdafiə etmişdir.

Vüsal Qasımlıya Azərbaycan Respublikası Prezidenti yanında Ali Attestasiya Komissiyasının Rəyasət Heyətinin 19.04.2024-cü il tarixli qərarı ilə professor elmi adı verilmişdir.

2010-2014-cü illərdə V.Qasımlı UNEC-də Xüsusi İstedadlar Qrupu və MBA proqramı üzrə pedaqoji fəaliyyətlə məşğul olub.

V.Qasımlı Vaşinqton Universiteti, Kaliforniya Universiteti, Qahirə Amerika Univeristeti, Varşava Universiteti, Seulun Hanyan və Hankuk universitetləri və Rio-de-Janeyro Universitetində ictimai mühazirələr oxumuşdur.

2013-cü ildə V. Qasımlı Koreya Beynəlxalq İqtisadi Siyasət İnstitutunda qonaq alim kimi çalışmışdır.

Vüsal Qasımlı 2021-ci ildən Azərbaycan Respublikasının Prezidenti yanında Dövlət İdarəçilik Akademiyasında professor kimi çalışır.

Onun Azərbaycan, rus, koreya və ingilis dillərində 10 kitabı və 500-ə qədər elmi və publisistik məqaləsi var.

Əsərləri

Vüsal Qasımlının 10 kitabı Azərbaycanda, Türkiyədə, Almaniyada və İtaliyada nəşr edilmişdir.

• "İqtisadi artım". 2021-ci ildə nəşr edilən “İqtisadi artım” kitabı nəzəri-konseptual və praktik məsələləri əhatə etməklə, makro, mezo və mikro səviyyədə iqtisadi böyümənin mahiyyətini açır və müvafiq tövsiyələri təqdim edir. Kitab Pakistan İnkişaf İqtisadiyyatı İnstitutu (PIDE), Özbəkistan Prezidenti yanında İqtisadi İslahatların Təhlili Mərkəzi və ADA universitetində təqdim olunub. Kitaba Azərbaycan Respublikası Prezidenti yanında Dövlət İdarəçilik Akademiyasının Elmi Şurasının qərarı ilə dərslik statusu verilib.
• "Geoeconomics". 2015-ci ildə Vüsal Qasımlının müəllif olduğu "Geoiqtisadiyyat" kitabı ingilis dilində işıq üzü görüb. Müəllif ilk dəfə olaraq geoiqtisadiyyatı müstəqil elm sahəsi kimi təqdim etməklə, onun tərifini və əsas istiqamətlərini müəyyənləşdirə bilmişdir. Kitab 11 fəsildən ibarət olub dünya maliyyə arxitekturası, geoiqtisadi rekalibrasiya, qlobal enerji xəritələnməsi, innovativ inkişaf, su problemləri və s. kimi məsələlərə həsr olunmuşdur. "Geoeconomics" kitabı dünya elmi ictimaiyyəti tərəfindən yüksək qiymətləndirilmişdir. Kitab haqqında rəy yazan London Kral Məktəbinin professoru Friedbert Pflüger V.Qasımlının özünəməxsus şəkildə geoiqtisadiyyat konsepsiyasını yaratdığını vurğulamışdır. Koreya Beynəlxalq İqtisadi Siyasət İnstitutunun tədqiqat rəhbəri Dr.Jeh isə "Geoiqtisadiyyat" kitabını "yeni klassika" adlandırmışdır. Braziliyanın Jetulio Varqas Fondunun prezidenti Prof.Dr.Leal və Hyustondakı Rays Universitetinin iqtisadiyyat üzrə professoru Ted Temzelides də "Geoiqtisadiyyat" kitabını qloballaşma dövründə strateqlər üçün "yol xəritəsi" olaraq səciyyələndirmişlər. Azərbaycan elmi ictimaiyyətinin görkəmli nümayəndələri Prezident yanında İdarəçilik Akademiyasının rektoru, akademik Urxan Ələkbərov və Azərbaycan Dövlət İqtisad Universitetinin rektoru, professor Ədalət Muradov "Geoiqtisadiyyat" kitabını dərin məzmunlu və dünya səviyyəli elmi əsər kimi tövsiyə etmişdirlər. "Geoiqtisadiyyat" kitabı həm də Türkiyənin Anadolu Universiteti tərəfindən təkrar çap olunmuşdur. "Geoiqtisadiyyat" kitabının ilk təqdimatı Azərbaycan Dövlət İqtisad Universitetində keçirildikdən sonra nəşrin dünyanın aparıcı beyin mərkəzləri və universitetlərində təqdimatları olmuşdur. Hazırda "Geoiqtisadiyyat" kitabı dünyanın aparıcı universitetlərinin və beyin mərkəzlərinin (Oksford, Kembric, Çikaqo, Anadolu və s. universitetlər) kitabxana fonduna daxil edilib.
• "İqtisadi modernizasiya". Vüsal Qasımlı tərəfindən hazırlanmış "İqtisadi modernizasiya" kitabı 2014-ci ildə çap olunmuşdur. Bu kitabda, Azərbaycanda iqtisadi konyuktura, ölkə iqtisadiyyatının beynəlxalq müstəvidə rolu, ölkənin gələcək inkişaf perspektivləri, yeni sənaye inqilabı məsələləri, modernləşdirmənin nəzəri-metodoloji əsasları, xüsusilə də, aqrar sahənin modernləşdirilməsi nəzəriyyələrinin təkamülü, Azərbaycanda aqrar sahənin modernləşdirilməsi xüsusiyyətləri öyrənilmiş, istehsalın modernləşdirilməsində əmək qüvvəsinin və aqrar sahədə modernləşdirmənin davamlı iqtisadi inkişafda rolu, bu sahədə modernləşdirmə siyasətinin təkmilləşdirilməsi tədqiq olunmuşdur. "İqtisadi modernizasiya" kitabı sənaye ilində bu sahədə ilk fundamental tədqiqat işi oldu. Monoqrafiyanın unikallığı ondadır ki, əsər iqtisadiyyatın mikro, makro, mezo və qlobal səviyyələrində modernizasiyanı axıcı ardıcıllıqla əhatə edir və sənaye-aqrar-xidmət üçbucağını induksiya-deduksiya metodu ilə araşdırır.
• "Resursla zəngin ölkələr: Modernizasiya və diversifikasiya". 2013-ci ildə V.Qasımlının Almaniyada ingilis dilində "Resursla zəngin ölkələr: Modernizasiya və diversifikasiya" adlanan monoqrafiyası nəşr edilmişdir. "Resursla zəngin ölkələr: Modernizasiya və diversifikasiya" adlanan monoqrafiyada müəllif Azərbaycan təcrübəsindən çıxış edərək resursla zəngin ölkələrin innovasiyaya əsaslanan və ixracyönümlü inkişafını təhlil edir. Nəşrdə Azərbaycanın yoxsulluq və orta gəlir tələsindən yan keçərək iqtisadi inkişafı ölkə Prezidenti İlham Əliyevin sistemli iqtisadi siyasətinin uğuru kimi qiymətləndirilir. Xüsusilə, diversifikasiya çağırışlarını təhlil edən V.Qasımlı institutsional, ixrac, regional, məhsul və xidmət istehsalı üzrə şaxələndirmə siyasəti sahəsində nəzəri-praktik təkliflərini verir. Azərbaycan və Cənubi Koreyanın iqtisadi inkişaf yollarının müqayisəli təhlilini verən kitab təkcə Azərbaycan deyil, Çili, Malayziya, Hindistan və başqa sürətlə inkişaf etməkdə olan ölkələrin iqtisadi siyasətinə töhfə ola bilər.
• Yaşıl inkişaf: Enerji səmərəliliyi və alternativ mənbələr. Kitab ölkədə enerji istifadəsinin səmərəliliyinin artırılmasına yönəldilmiş yeni və çox ciddi bir addım kimi qiymətləndirilə bilər. Kitab eyni zamanda Azərbaycanda yaşıl təfəkkürün formalaşdırılması, enerji səmərəliliyinin təmini və alternativ mənbələrin inkişafı baxımından olduqca dəyərli və zamanında işıq üzü görən nəzəri və praktiki əhəmiyyəti olan bir elmi araşdırmadır. Bu araşdırmada enerjinin səmərəli istifadəsinə aid iki ən əsas istiqamət təhlil edilir: mövcud olan mənbələrindən daha səmələri istifadə və yeni alternativ enerji mənbələrin səfərbər edilməsi yolları. Bu məlumatlar həm bütövlükdə ölkə üçün, həm də ölkənin fərqli regionları üçün ayrıca verilib. Göstərilən bilgilər bu səpkidə ilk dəfə təqdim olunub. Belə təqdimatın üstünlüyü ondadır ki, həmin bilgilərdən enerji istifadəsi üçün bilavasitə regional proqlamların tərtibi və eyni zamanda iqtisadiyyatın hər hansi bir sahəsinin inkişafının planlaşdırılması zamanı istifadə edilə bilər. Kitabdakı məlumatlar Azərbaycanın hazırkı inkişaf mərhələsinin məqsədi olan sənayeləşdirmə prosesində enerjidən daha səmərəli istifadə, həmçinin enerji səmərəliliyinin idarə edilməsi sahəsində insan potensialının formalaşdırılması üçün əhəmiyyətli vasitədir. Əsərdə davamlı inkişafın yol xəritəsi, külək, günəş resursları xəritələri, yaşıl iqtisadiyyat üzrə əsas qurumlar və onların fəaliyyət istiqamətlərinin təsvirinə geniş yer verilib. Həmçinin mövcud beynəlxalq təcrübənin təhlili, eyni zamanda elmi analizlər üçün əvəzsiz mənbə olan və həm dünya, həm də Azərbaycan miqyasında göstərilən istiqamətlərdə durumu, olduqca önəmli statistik bilgiləri əks etdirən cədvəllər, aparılan müqayisələr əsərin həm elmi, həm də praktiki əhəmiyyətini daha da artırır və insan potensialının inkişafına təsir göstərir. Qeyd etmək lazımdır ki, bu bilgilər Azərbaycanda həm iqtisadi, həm də ekoloji təhlükəsizlik məsələləri ilə əlaqəli şəkildə təqdim edilmişdir.
• Российско-Азербайджанские отношения за 20 лет - 1991-2011, История и Перспективы. Kitabı Vüsal Qasımlı Rusiya Strateji Araşdırmalar Mərkəzinin alimləri ilə birlikdə hazırlayıb. Nəşrdə müəlliflər Rusiya ilə Azərbaycan arasında ictimai-siyasi, iqtisadi, humanitar və energetika sahələrində əlaqələrə dair təhlillər aparıblar.
• "Yaşıl iqtisadiyyat" kitabı Azərbaycan Respublikasının Prezidenti Yanında Dövlət İdarəçilik Akademiyasının Böyük Elmi Şurasının 25 fevral 2022-ci il tarixli (protokol № 05) qərarına əsasən nəşrə tövsiyə edilmişdir. Monoqrafiyanın giriş hissəsini V.Ə.Qasımlı, birinci bölməsini C.R.Cəfərov, ikinci bölməsini A.B.Bayramova, üçüncü bölmənin birinci fəslini R.Z.Hüseyn, ikinci fəslini R.B.Həsənov və üçüncü fəslini R.F.Hüseynov yazmışdır. Hazırda "yaşıl iqtisadiyyat” termini qlobal səviyyədə bəşəriyyətin inkişafının ana xətlərindən birini ifadə edir. Bu monoqrafiya multidisiplinar və çoxölçülü yanaşma əsasında “yaşıl iqtisadiyyat”ı izah edir. Müəlliflər, ilk növbədə, qlobal trendləri və perspektivləri təhlil etməklə, Azərbaycanda “yaşıl iqtisadiyyat”ın inkişafının magistral xəttini müəyyənləşdirməyə çalışmışlar. Monoqrafiya Azərbaycan Respublikasında “yaşıl iqtisadiyyat” məsələlərinin elmi cəhətdən araşdırılmasını özündə ehtiva edən ilk əhatəli tədqiqat əsəridir. Monoqrafiya Azərbaycan Respublikasında “yaşıl düşüncə” və həyat tərzinin formalaşmasına töhfə verməklə, iqtisadi inkişafa dair dövlət proqramlarının, strateji sənədlərin, regional və yerli layihələrin hazırlanmasında istifadə edilə bilər. Həmçinin monoqrafiyadan tədqiqatçılar, sahibkarlar, doktorantlar, magistrantlar və tələbələr faydalana bilərlər.
• “Yeni Qarabağnamə: Qarabağ və Şərqi Zəngəzur iqtisadi rayonlarında post-konflikt quruculuğu” - Elmi redaktoru və ön söz müəllifi İqtisad elmləri doktoru, professor V.Ə.Qasımlı olan kitab “Postkonflikt quruculuğu və Azərbaycan modeli”, “Təzminat və kompensasiya məsələləri”, “Ərazi və yenidənqurma fəaliyyəti”, “Rabitə və informasiya”, “ Əhali və sosial xidmətlər”, “Zəngəzur dəhlizinin geostrateji əhəmiyyəti”, “Kənd təsərrüfatı”, “ Sənaye sektoru və sahibkarlıq fəaliyyəti”, “ Turizm və mədəniyyət” bölmələrindən ibarətdir. Azərbaycan Respublikasının Prezidenti yanında Dövlət İdarəçilik Akademiyasının Böyük Elmi Şurasının 12 sentyabr 2022-ci il tarixli (protokol № 01) qərarına əsasən monoqrafiya nəşrə tövsiyə edilmişdir. Kitab işğaldan azad edilən ərazilərimizdə aparılan bərpa və yenidənqurma işlərindən və Böyük Qayıdış prosesindən bəhs edir.
• “Rəqəmsal İqtisadiyyat” kitabı - Vüsal Qasımlının rəhbərliyi ilə hazırlanan kitabda rəqəmsallaşmanın iqtisadi inkişafda rolu araşdırılır və bu sahədə mövcud nəzəri əsaslar yer alır. Rəqəmsal meqa-trendlər, rəqəmsal iqtisadiyyatın mahiyyəti, ənənəvi iqtisadiyyat və rəqəmsal iqtisadiyyatın mühüm fərqli aspektləri, rəqəmsal iqtisadiyyatın hesablanması məsələləri, rəqəmsal cəmiyyət quruculuğu, rəqəmsallaşmanın sosial-iqtisadi aspektləri, rəqəmsal təhlükəsizlik və s. haqqında nəzəri-praktik şərhlər verilir. Eyni zamanda, rəqəmsal iqtisadiyyatın infrastrukturunun ayrı-ayrı komponentləri haqqında, rəqəmsallaşmanın iqtisadiyyatın müxtəlif sektorlarını əhatə etmə dərəcəsi barədə məlumatlar təqdim olunur. Rəqəmsal iqtisadiyyatın inkişafında təkanverici amillərdən olan elektron ticarət və onunla bağlı mühüm amillər də kitabda öz əksini tapır. Kitabda rəqəmsal transformasiya və Azərbaycanda bu prosesin təsvirinə də nəzər yetirilir.
• “Türk Dövlətləri iqtisadiyyatı” kitabı - Vüsal Qasımlının elmi redaktorluğu, Türk Dövlətləri Təşkilatının (TDT) Baş katibi Kubanıçbek Ömüraliyevin ön sözünü yazdığı kitab ingilis dilində, iki hissədə hazırlanıb. Birinci hissə Türk dövlətlərinin iqtisadiyyatı barədə ümumi, ikinci hissə isə hər bir ölkənin son 10 ildə qeydə alınmış iqtisadi göstəricilərinə dair spesifik məlumatlardan ibarətdir. Kitabda türk dünyası ölkələrinin iqtisadiyyatı makro və mikro səviyyədə təhlil edilib. Kitabda türk dövlətlərinin çoxtərəfli ticarətinə təsir edən amillərə “Qravitasiya modeli” əsasında yanaşılıb, Zəngəzur Dəhlizinin Mərkəzi Asiya və Cənubi Qafqaz regionu ölkələrinin perspektivinə və qarşılıqlı iqtisadi münasibətlərinə təsiri təhlil olunub. Həmçinin “Qraflar nəzəriyyəsi”nə istinad etməklə türk dünyasında birbaşa xarici investisiya və ticarət dinamikasının təhlili aparılıb. Bundan başqa, türk dövlətlərinin iqtisadi əməkdaşlığının institusional əsasları “Türk dünyası 2040 vizyonu” kontekstində araşdırılıb.
• “İslam maliyyə sistemləri və onun Azərbaycandakı perspektivləri” kitabı - Vüsal Qasımlının da müəllifliyi ilə yazılan kitabda islam iqtisadiyyatı, islam maliyyəsi, islam maliyyə sistemi, bu sistemin elementləri, səciyyəvi xüsusiyyətləri kimi məsələlərə aydınlıq gətirilir və Azərbaycanda perspektivləri izah olunur. Müəlliflər həm nəzəri olaraq islam iqtisadiyyatının mahiyyətini, əsas prinsiplərini izah edib, həm də islam iqtisadiyyatına və islam maliyyəsinə aid olan zəkat, infaq, qərzi-həsən, kəffarə və s. kimi anlayışların sosial-iqtisadi aspektlərini aydınlaşdırıblar. Kitabda, eyni zamanda, islam ticarət qanunları, islam maliyyə sistemində korporativ idarəetmə məsələləri, islam maliyyə mexanizmləri, dünya maliyyə sisteminin inkişafında islam maliyyə sisteminin yeri, islam maliyyəsinin iqtisadi artıma təsirləri, IV sənaye inqilabı və islam maliyyə sistemi, islam maliyyə sistemində şəffaflıq, islam maliyyəsinin makroiqtisadi nəticələri, Azərbaycanda islam bankçılığının və islam maliyyə sisteminin inkişaf perspektivləri kimi məsələlərə geniş yer verilmişdir.
• “İnnovasiya və sahibkarlıq: Startap ekosistemi” kitabı - Vüsal Qasımlının elmi redaktorluğu ilə hazırlanan kitabda innovasiyaların yaranması tarixindən və müasir vəziyyətindən bəhs olunur, innovasiya siyasətinin gücləndirilməsi və kommersiyalaşdırılması yolları haqqında məlumat verilir. Burada rəqəmsal platformalarda layihələrin idarə edilməsində şəbəkə modellərindən istifadə qaydaları və innovasiya fəaliyyətinin iqtisadi səmərəliliyinin qiymətləndirilməsi vasitələri göstərilir.  Kitabda “İnnovatika”dan ayrıca bir elm sahəsi kimi bəhs olunur, iqtisadi tərəqqidə startapların rolu və inkişaf perspektivləri izah edilir, startapların texnoloji inkişafı təmin etməsi imkanları araşdırılır. Bundan başqa, kitabda qloballaşma, iqtisadi artım, rəqabətqabiliyyətliyin təmin olunması, eləcə də ümumi inkişafda innovasiya və startapların rolu ilə bağlı xarici ölkə modelləri sadalanır. Bu modellər arasında müqayisələr aparılır, həmçinin Azərbaycansa startap ekosisteminin formalaşmasının institusional məsələləri, mövcud vəziyyəti və perspektivləri təhlil olunur.

Dil biliyi

V.Qasımlı Azərbaycan, ingilis, rus, türk və ispan (elementar səviyyədə) dillərini bilir.

Mükafatları

• 2012-ci ildə — Astana İqtisadi Forumunun və Avrasiya Alimlərinin İqtisadi Klubunun mükafatı.
• 12 noyabr 2018 — Prezident İlham Əliyev Azərbaycanda biznes mühitinin əlverişliliyinin artırılması və beynəlxalq reytinqlərdə ölkəmizin mövqeyinin daha da yaxşılaşdırılması sahəsində fərqləndiyinə görə Vüsal Qasımlını "Tərəqqi medalı" ilə təltif etmişdir..
• Müdafiə Sənayesi Nazirliyinin 15 illiyi medalı ilə təltif edilib
• “Heydər Əliyevin 100 illiyi (1923-2023)” yubiley medalı ilə təltif olunub.

Biblioqrafiya/Google scholar

1. V.Ə.Qasımlı, Aqrar bazar münasibətlərinin dövlət tənzimlənməsi mexanizminin təkmilləşdirilməsi, 2009
2. V.Ə.Qasımlı, Aqrar sahədə investisiya və əmək resurslarının tənzimlənməsinin iqtisadi-riyazi əsasları, AMEA-nın Xəbərləri, İqtisadiyyat Elmləri Seriyası, 3, 2009
3. V.Ə.Qasımlı, Ərzaq təhlükəsizliyinin təmin olunmasında ekonometrik üsulların tətbiqinin əhəmiyyəti, 2010
4. Гасымлы В.А. Российско-Азербайджанские Отношения за 20 Лет. История и Перспективы, Российский Институт Стратегических Исследований (РИСИ) и ЦСИ, Баку,            2011
5. V. Ə. Qasımlı, Şiriyev Z, Vəliyeva Z. İran-Ermənistan münasibətləri: Geosiyasi reallıq versus siyasi iddialar, Baku, 2011
6. V. Ə. Qasımlı, Müstəqil Azərbaycanın xarici investisiya imkanları, "Qloballaşma şəraitində davamlı inkişafın aktual problemləri, 2011
7. V. Ə. Qasımlı, Azərbaycanın ixrac strategiyasının konseptual əsasları, 2011
8. V. Ə. Qasımlı, Azərbaycanın ərzaq təhlükəsizliyi: Qlobal ərzaq bahalaşması perspektivində, Elmi Əsərlər 1, Azərbaycan Elmi-Tədqiqat Kənd Təsərrüfatının İqtisadiyyatı və Təşkili İnstitutu, Bakı, 2011
9. V.A. Gasimli, The Middle Class in Azerbaijan: The Result and Driving Force of Transformation . Tezis. 3rd Think Tank Forum OIC Member States, 2012
10. Гасымлы В.А. Источник Европейской энергетической безопасности. Məqalə. журнал "Rurociagi", Польша 2012. Vol. 2, No 66,
11. V. Ə. Qasımlı, Aqrar sahənin modernləşdirilməsi: Dünya təcrübəsinin Azərbaycanda tətbiqi imkanları, Aqrar iqtisadiyyatın aktual problemləri" mövzusunda beynəlxalq elmi-praktik konfransın materialları, Az.ETKTİ və Tİ, 2012
12.  V. Ə. Qasımlı, Aqrar sahənin modernləşdirmə məsələləri, AMEA-nın İqtisadiyyat İnstitutunun Elmi Əsərləri     2012, No2
13. Гасымлы В.А. Азербайджано-корейское экономическое сотрудничество, 20th Anniversary of the Establishment of Diplomatic Relations between Korea and Central Asia and New Ways for Economic Cooperation KIEP, Seoul 2012
14. V. Ə. Qasımlı, Enerji səmərəliliyi və modernizasiya siyasəti, Elmi Əsərlər, 3, Azərbaycan Elmi-Tədqiqat Kənd Təsərrüfatının İqtisadiyyatı və Təşkili İnstitutu 2012, 3s. 24-28
15. V. Ə. Qasımlı, Aqrar sektorda investisiya qoyuluşu: modernləşmə istiqamətləri, AMEA-nın Xəbərləri, İqtisadiyyat Elmləri Seriyası 2012,     2s. 185-191
16. V. Ə. Qasımlı, Müstəqil Azərbaycanın xarici investisiya imkanları, İpək yolu, Azərbaycan Universiteti     2012, 3  s.41-48
17. V.A. Gasimli, Modernization of Azerbaijani Economy Journal of Central Asian Economies, Seoul, Korea              2012               Vol.3, No. 2        pp. 23–38
18. V. Ə. Qasımlı, Aqrar sahənin modernləşdirilməsində İKT-nin rolu, Elmi Əsərlər, Azərbaycan Elmi-Tədqiqat Kənd Təsərrüfatının İqtisadiyyatı və Təşkili İnstitutu 2012 1s.37-40
19. Гасымлы В.А. Модернизация сельского хозяйства Азербайджана, Elmi Əsərlər, Azərbaycan Elmi-Tədqiqat Kənd Təsərrüfatının İqtisadiyyatı və Təşkili İnstitutu  2012
20. Гасымлы В.А. Азербайджано-корейское экономическое сотрудничество                Məqalə                KIEP, Seoul               2012                      cтр. 163-169
21. V.A. Gasimli, Azerbaijan Eyes to Become Top Investor in Turkey, The Journal of Turkish Weekly 14      2012
22. V.A. Gasimli, Resource-rich Countries: Modernization and Diversification ‎LAP LAMBERT Academic Publishing, Germany            2013
23. V. Ə. Qasımlı, Aqrar sahədə tədqiqat və işləmələr, "Kooperasiya" elmi-nəzəri jurnal 2013 (31)s. 77-82
24. V.A. Gasimli, Economic Diversification Leads to Modernization in Azerbaijan, Azərbaycanın vergi jurnalı            2013               4  
25.  V. Ə. Qasımlı, İqtisadi modernizasiyanın nəzəri-metodoloji əsasları, Strateji təhlil           2013 s.17-29
26. V. Ə. Qasımlı, Aqrar modernləşdirmənin əsas xüsusiyyətləri, Azərbaycan Elmi-Tədqiqat Kənd Təsərrüfatının İqtisadiyyatı və Təşkili İnstitutu, Elmi Əsərlər     2013      2             s.85-90
27. V. Ə. Qasımlı, Aqrar sahədə modernləşdirmənin iqtisadi mexanizmləri, AMEA-nın İqtisadiyyat İnstitutunun "Elmi əsərlər" jurnalı 2013                                                    
28.  V.A. Gasimli, Modernization of Agriculture in Azerbaijan, Journal of Central Asian Economies, Seoul, Korea     2013               Vol.4, No. 1        pp. 17–32
29. V.A. Gasimli, Food Security of Azerbaijan: Geo-Economic Approach, İpək yolu                2013      1
30.  V.A. Gasimli, Azerbaijan Economy: Diversification in lens of Modernization, Annual Report 2013, Korea
31. V.A. Gasimli, Institute for International Economic Policy, Seoul, Korea 2013                                     
32.  V.A. Gasimli, The Azerbaijan's Sustainable Economic Development: The Causality Relationship Between Economic Growth and Labor Productivity, Economic Reform and Open Economic Policy of Central Asia and Azerbaijan KIEP, Seoul    2013 pp. 3–14   
33. V.A. Gasimli, Modernization of Azerbaijan economy : The role of transnational companies Korea Institute for International Economic Policy   2013                    
34. V.A. Gasimli, Azerbaijan: South Korean Style Development 2013                                                          
35. V.A. Gasimli, Carlo Frappi, Gulshan Pashayeva Eu Eastern Partnership: Common Framework or Wider Opportunity? (The): EU-Azerbaijani Perspectives of Cooperation EGEA spa 2013       
36. V. Ə. Qasımlı, Vəliyev Zaur, Hümbətov Mahir, Yaşıl inkişaf: Enerji səmərəliliyi və alternativ mənbələr Çaşıoğlu, Bakı               2014
37. V.A. Gasimli, The South Caucasus Between integration and fragmentation, European Policy Center     2015                                                    
38. V.A. Gasimli, Spillovers from Lower Oil Prices to Asia 2015                                                        
39.  V.A. Gasimli, Trade, economic and energy cooperation: challenges for a fragmented region, The South Caucasus 2015                                                    
40. V.A. Gasimli, The New Baku International Seaport: A Nexus for the New Silk Road
41.  V.A. Gasimli, Eurasia Daily Monitor 2015 Volume: 12 Issue: 17
42. V.A. Gasimli, Trade, economic and energy cooperation: challenges for a fragmented region The South Caucasus 2015                                                    
43. V.A. Gasimli, Azerbaijan's policy toward Eurasin Economic Integration and Implications Measures to Enhance Korea-Central Asia Cooperation in the Changing Eurasian Economic Order, Korea        2016 pp105–135              
44. V.A. Gasimli, Azerbaijan Seeks New Long-Run Equilibrium Amidst Post-Devaluation Financial Turmoil, Eurasia Daily Monitor ABŞ 2016           volume: 13, issue: 15                
45. V. Ə. Qasımlı, Aqrar Sahənin Modernləşdirilməsinin İqtisadi Problemləri,           Bakı Dövlət Universiteti               2017                                              
46.  V.A. Gasimli, Promoting Sustainable Urbanization in Asia and the Pacific: Proceedings of the ADB–Asian Think Tank Development Forum 2017                                                
47. V.A. Gasimli, Azerbaijan: Monitoring and Evaluation Process, The World Bank 2019                     
48. V.A. Gasimli, The Impact of Some Key Factors On Labour Productıvıty in European Countrıes, PONTE Editore & AISR Publisher  2019      No1                                      
49. V.A. Gasimli, Armenia's choked economy too weak for prolonged occupation, Daily Sabah       2020                                                    
50. V.A. Gasimli, Building Effective, Accountable, and Inclusive Institutions in Europe and Central Asia: Lessons from the Region World Bank  2020                                            
51. V.A. Gasimli, Azerbaijan Reshapes Regional Geopolitics and Geo-Economics CGSS, Pakistan    2020                                                    
52. V.A. Gasimli, Vusala Jafarova the Real Equılıbrıum Exchange Rate in A Commodıty-Exportıng Economy: The Experıence of Azerbaıjan            Science, Technologies, Innovations        2021      No2      
53. V.A. Gasimli, Exploring economic diversification in Azerbaijan The Building State Capability (BSC) program at Harvard University’s Center for International Development       2021      
54. V.A. Gasimli, Azerbaijan – The Best Destination for Investment London Post   2021                     
55. V.A. Gasimli, Baku’s 'smart' Karabakh plan paints a bright future            Daily Sabah       2021                     
56. V. Ə. Qasımlı, Vüsalə Cəfərova Xammal İxrac Edən Ölkələrdə Real Effektiv Məzənnənin Tarazlığı: Azərbaycan Təcrübəsi, İqtisadi İslahatlar      2021      No1       s.7-26  
57. V. Ə. Qasımlı, İqtisadi artım, Azprint, Bakı            2021                      s.1-235                
58. Гасымлы В.А. Карабах И Восточный Зангезур Будут Новым Драйвером Экономического Роста В Азербайджан Интерактивная наука 2022    
59. V.A. Gasimli, Frederic Labarre, George Niculescu Peace Building through Economic and Infrastructure Integration in the South Caucasus 23rd Workshop of the PfP Consortium Study Group “Regional Stability in the South Caucasus” 2022                                                    
60.  V. Ə. Qasımlı, Rəşad Hüseynov, Xərclər Buraxılış modeli və Azərbaycan iqtisadiyyatı üçün multiplikator effektləri, İqtisadi İslahatlar 2022  N2 (3)   s.6-19   
61. V. Ə. Qasımlı, Məsumə Talıbova, İnvestisiya cəlbediciliyi: Azərbaycan nümunəsi, İqtisadi İslahatlar 2022, N3 (4), s.6-10
62. V. Ə. Qasımlı, Ayaz Müseyibov, Heydər Əliyev və Azərbaycan iqtisadiyyatı, İqtisadi İslahatlar 2022, N4 (5), s.4
63. V.A. Gasimli, Sustainable Peace and Economic Integration in the South Caucasus: The Rising Role of the Zangezur Corridor, Bundesheer Wissenschaftliche Publikationen               2022      S 171-184           
64. V. Ə. Qasımlı, İqtisadi artım: Çağırışlar və perspektivlər İSSN 2519-2507, Azərbaycan Memarlıq və İnşaat universiteti, 2022, S. 20-27                
65. V.A. Gasimli, The Post-Conflict Reconstruction Model for Azerbaijan, Forbes   2023     
66. V. Ə. Qasımlı, İqtisadi artım: Rəqəmsal həllər, Rəqəmsal iqtisadiyyatda hesabatlılıq və şəffaflıq  ( Beynəlxalq Elmi-Praktik Konfrans) Bakı, 16 sentyabr 2022-ci il     2022                      S 49-57                
67. V. Ə. Qasımlı, Yaşıl iqtisadiyyat: qavrayış və reallıq İSSN 2218-91-49
68. V. Ə. Qasımlı, Ramil Hüseyn “ Azərittifaq” Azərbaycan Kooperasiya Universiteti, Kooperasiya elmi-praktiki jurnal, 2022, N3 (66) S 5-15   
69. V. Ə. Qasımlı, Məsumə Talıbova, Rəqəmsal transformasiya: səmərəlilik və sosial inklüzivlik İSSN 2309-1347 Dövlət İdarəçiliyi Nəzəriyyə və təcrübə 2022    N2 (78) S 119-125
70. V. Ə. Qasımlı, İqtisadi artım: çağırışlar və perspektivlər İSSN 2309-1347 Dövlət İdarəçiliyi
71.  V. Ə. Qasımlı, Nəzəriyyə və təcrübə 2020, N4 (72) S 167-177                           
72. V.A. Gasimli, Gunay Guliyeva, Joshgun Jafarov “Monetary Conditions Index as an Explanatory of Monetary Policy. Case for Georgia journal ‘Review of Economics and Finance’    2023, s.1226-1231

Həmçinin bax

• İqtisadi İslahatların Təhlili və Kommunikasiya Mərkəzi

Xarici keçidlər

• Azerbaijan, Georgia, Turkey: Foundations and Challenges of an Emergent Strategic Alliance
• "48th ANNUAL MEETING OF THE BOARD OF GOVERNORS ADB" - Dr. Vusal Gasimli
• The New Baku International Seaport: A Nexus for the New Silk Road, Dr.Vusal Gasimli, Publication: Eurasia Daily Monitor Volume: 12 Issue: 178
• Trans-Anatolian Gas Pipeline: “Deal of the Century-2”, Energy Corridors Review,
• UNIDO General Conference, 2013,
• Diversifying to avoid the resource curse? Michelsen Institute, 2013,
• TEPAV, http://www.tepav.org.tr/upload/files/haber/1424092114-1.Participant_Biographies.pdf
• KDI School,
• Geoeconomics,
• https://www.youtube.com/watch?v=8QWkypZq_k8
• Azerbaijan as a Regioanal Economic Driver,
• Azerbaijan: New Economic Paradigm, Vusal Gasimli, ADB,
• EY sponsors conference on Economic reforms: achieved results and recommendations, EY,
• How do geopolitics shape geoeconomics?,
• A public lecture by Dr. Vusal Gasimli, UCLA,
• G20, Vusal Gasimli,
• What Azerbaijan Plans To Do When The Oil Runs Out, Forbes, 2016,
• Market, formed by Turkey, Azerbaijan and Georgia,
• Geo economics and geo securities in the indian ocean region.pdf,
• http://epa.oszk.hu/02200/02251/00061/pdf/EPA02251_tet_2015_4_155-159.pdf
• http://epa.oszk.hu/02200/02251/00061/pdf/EPA02251_tet_2015_4_155-159.pdf
• http://www.pontejournal.net/mainpanel/abstract.php?TOKEN=gRkgF5411G&PID=PJ-KU23Z